¹ I mani a do pa'a ɓiwa i wo ɓa a ku bah Kristi Yeso sah. ² Chew ba ɓeh rengchewe ma mpilar nchimu ɓah ku ba kristi Yeso tahɓuk su yo ba rengchewe ma girɓiwa ka wuh. ³ Gir ɓa rengchewe wo do ngina pa'a sah chew shewe ma yiru, Ɓaku pa'ana. Tuma i muni ɓene bapina ne i pah muru chew girɓiwa, ka i pa'ana biwa i girɓiwa ku yiru. ⁴ Pa'ana na ne gir ɓah rengchewe njila a kum rusu ku chirisu. su ɓa su do mu shenshene ɓene bah yiru njila sah, sumur shen ɓene ɓah mpilar yi njila. ⁵ Wu ba ningya, ningya ma yiru, a ma'ana nchimya i mur gir ma yiru, kpa ma wu ba ningya, ningya ma mpilar, a ma'na nchimya i mur gir ma mpilar. ⁶ Ma'a nchimu ku yiru yini wuh, kpah ma ma'a nchimu ku mpilar yini ning i nchimu ka ning shima. ⁷ Ma'a nchimu ku yiru i mu pa'a dua i Ɓaku' I do wo'okun rengchewe Ɓaku, ke i pa'a gir ba ɓeh rengchewe chiwa sah. ⁸ Wu ɓa a ku yiru a do pa'a gir bong nchim Ɓaku sah. ⁹ Chew mani, wu do ku yiru sah, wu ku mpilar, na ngichewe ne mpilar Ɓaku ningya ku bumwun. kpa ma bwara na do i mpilar ma Kristi sah, do ningya ni sah. ¹⁰ Kristi na ningya ku boh, yiro ningya wuna: ku ba girɓiwa, kpa ma mpilar i nchimi ku bana ngichewe. ¹¹ Ɓeh mpilar ɓa luasa Yeso yo boh bawuh ningya ku bumwun, yi ba luasa Yeso yo boh bawuh jko pah nchimu yi lohyirwun ku ta'a mpilar yi ɓa ningya ku bumwun ma. ¹² Wu mu'uram, so ɓa ku tangna, kpa ma do ma yiru sah, ne su pa'a gir ɓa yiru njila sah. ¹³ Wuna mu pa'a gir ɓah yiru njila, wu tahpwer wuh. kpama, na ta'a mpilar yima wu wa'ala wu tumu yiru, wo ning i nchimwun. ¹⁴ Mbwang wu bapina ɓah mpilar Baku na mur war ya, ya wu muna Ɓaku. ¹⁵ Wu do ya'ana mpilar ma korom, ne wu ning i ji'iri sah. I kun ɓene wu ya'ana mpilar ma munu ku chi'i yiba sumu zolo tu'ulu ne, "Da Taram!" ¹⁶ BƁeh mpilar giri ringna kunsu i mpilar masu ne so muna Ɓaku. ¹⁷ Su na wu muna Ɓaku, so wu ba li mpuri, mpuri ma Ɓaku. So wu ɓa limpuri i kristi. na ningya ngichewe ne su lichiri i yi, a ho kahkah su iyi. ¹⁸ Mi suna ne ɓeh wu chiri a ban mani a do jina a mah ya i ɓeh kahkah ɓza a ho pur su i yi sah. ¹⁹ Ɓene ɓah wu gir bah Ɓaku ma'ana ya, a mu pa'a wass yo wu muna Ɓaku. ²⁰ A twala gir bah Ɓaku pa'ana ningya girɓiwa do i njilei sah, kpama imi, yi ba ma'anai ningya girɓiwa. ²¹ Ne gir bah Ɓaku pa'ana giri a ho ra'ashi yo korom mashen rummu, ka ne a ho wari mayo chiri tahɓuhu ma kahkah mo muna Ɓaku. ²² Su shi'ila ne bɓeh wu gir bɓah Ɓaku pa'ana ya mbwang a mur korro ka i kon zolbila i ban mo'on mayo ban mani. ²³ Do beli gbira sa, su i ka'amursu ɓila mursari ma mpilar, su mu korro i bumsu su mur ta'ara bila su, mani yi ra'asa yirsu. ²⁴ I ku ma'anchimu mani yisa a ra'asa su kpa ma ma'anchimu i mur gir ɓah a mur sunu, do yi ma'anchimu sa. chew, yini ko ma'anchimi i mur gir ɓah ko ngi ma suni? ²⁵ Kpa ma su na mur ma'anchimsu i mur gir ɓah su do mu suni sah, so ta'ari i dangchimu. ²⁶ I njere mo'on, mpilar i mu kumsu i bana ɓah su shiwa. Su do shi'ila bah su lo'o i Ɓaku sah. Kpa ma ɓeh mpilar i mu nere ma kunsu i korro ba a do ngina lo'o sah. ²⁷ Yi bɓa i yarban i nchimu shi'ila nchim mpilar, chew bah i nere ma kun wu bapina Ɓaku ma shimai ɓene bah i njila. ²⁸ Su shi'ila ne, wu ba njila Ɓaku, i pa'a wa tumu mbwang shima, ²⁹ Chew ɓah, wu ɓah i shi'ila ya, yiba ma'ana ya a ning ɓene muni ma bui, ne yi ning mun majeh i chiri wu mu'uruya bɓwang. ³⁰ Wu ɓa wa ma'ana ya, tu'ula ya. Wu ba tu'ula ya, ya ɓah i tahganna i ya. wu ɓa tahganna i ya, ya ɓah i kahkah ya. ³¹ Mani ɓah so chewe i mur wu gir mani? Ɓaku na ningna masu, yen ko ngi ma pa'a dua i su? ³² Yi ba do ji'inga muni sa, panai chew su mbwang, ho pa'a lan, ai yi, a do pah su ogir mbwang gbirai sah. ³³ Yini ko war gir sa'ang i mur wu ba Ɓaku tarah ya? Ɓaku yi bɓa ma'a tahganna. ³⁴ Yani ɓa ma'a gir ne i biwi? Kristi Yeso yi ba ma'a gir ne i biwi? Kristi Yeso yi ba wuhna-gir ɓa ganna beli, a luasai yi ku ɓuk lih ma Ɓaku, ka yi ɓa i mu nere ma kunsu. ³⁵ Yen ko gau su i njele Kristi? chiri ma bissai, ke ɓiwinchimu, pahchiri, ke nzalla, ke shen ngbelle, ke gir mahwuh, ke be'eu rijing? ³⁶ Ɓene ɓa a ngwa'ala "Chew we a mur wo'olo su duhi-duhi, a pi'ira su ɓene wu nzur ma ye'ere" ³⁷ Ku bum mani ɓwang su tagana mur bura i njele mo'ona. ³⁸ Mi yira ne, do wuh, do nchimu, do wu muna tumu Ɓaku, ke wu bwanzah, ke wu gir ma ban mani, ke wu gir ɓa a wuna, ke ganmuru. ³⁹ do gulban, ke limban, ke do wu gir ɓa a pa'ana ya, a do jina ɓa a gau su i njele Ɓaku ɓa i ku ciri Kristi Yeso Tarsu sah.