¹ Wu mu'uram, wu do shi'ila sa (mu mur lo'o i wu ɓa a shi'ila rengchewe) ne rengchewe i mur ganmur bapina i ningyai mbwang? ² Ku ta'a rengchewe wu maah remme a kurai i milmi nai nchimi, kpa ma ɓeh milmi na wuhna a tanabuhi yo rengchewe ma remme. ³ yi shiham i nchimi ka sa rimma ɓwara gba'ai, a tu'uli ne maam kila, milmi na wuhna,tagana mur rengchewe, do yi maam kila sa na ningya bura bwara gba'ai. ⁴ Chew mani, wu mu'uram, a ma'ana wun, wu wuhna ku bah rengchewe ku ta'a yir Kristi, chew ne a benwun remme i ɓwara ɓah a luasai yo boh bahwuh ne su ɓil wu mun yi Ɓaku. ⁵ Ɓah su wo ku ngyam i shila, a mu la'ahun i njel pa'a girɓiwa su ma yirsu ma bana rengchewe ne su ɓil wu mun yi whu. ⁶ Kpa mani, a tahɓuk su yo rengchewe su wah yo gir ɓah kura su. Mani chew ne su pa'a tumu ku chiri piwi mpilar do ku ta'a ya'a rengchewe sa. ⁷ Mani ɓah su chewe? ɓeh rengchewe giri yi girɓiwa? Do na sah ka lan, nga do shi'ila girbiwa sah, ka do ta'a rengchewe sa. Ngah do shi'ila pa'a missu sah, ɓeh rengchewe ka do chewe ne "gba'a do pa'a missu sah" ⁸ Kpa ma girbiwa kuma ɓah ku ta'a kukut ka wara ɓwang missu ɓah ku bam. ka param rengchewe, girɓiwa ka ningya wuh. ⁹ Ku ban mo'oni wo ningya param rengchewe, kpa ma, bah kukut yuana, girɓiwa kuma njimu, ka mi wuhna. ¹⁰ Ɓeh kukut ba wo war nchimu pi'iri ningya yam wuh. ¹¹ Ɓeh girɓiwa kuma ban ku ba kukut ka lira mi. ku ta'a ɓeh kukut yiba wahla mi. ¹² Beh rengchewe i shima, ɓeh kukut i shima, i ngichewe ka i ɓwongya. ¹³ Girshima ningya yam wuh kpah? Ko do ning na sa. kpa ma girɓiwa, chew ne i sa ne yi girɓiwa, yiɓa wara yam wuh ku ta'a girshima, ka ku ta'a kukut girɓiwa ningya girɓiwai. ¹⁴ Su shi'ila ne ɓeh rengchewe yi gir ma mpilar, kpah ma, mi ma ngyam i shila. A kurah i mi yi korom ma girɓiwa. ¹⁵ Gir ɓah pa'ana, do shi'ila sa. Gir ɓah njila pa'a, do pa'ana sa, ka gir ɓa ɓi'inai yiɓa pa'ana ¹⁶ Kpah ma, na pa'ana gir ɓah do njila sah, yira i ɓeh renchewe ne i ɓzwongya. ¹⁷ I mani, do mi mumur pa'a kpah sa, be girbɓiwa bah ningya i yiram yi mu pa'a. ¹⁸ Shi'ila ne, i yiram, gima ma shimai do ha yiram sah. njel pa'a girshima ha yiram, kpa ma, mu do ngi ma pi'i sah. ¹⁹ Ɓeh girshima ɓah njila, do pa'a sah kpah ma, beh girɓiwa ba do njila sah, yiɓa mu mur pi'i. ²⁰ Mani, na pa'a gir ɓah do njila pa'a sah, do mi mu mur pi'i sah, beh girɓiwa bah i bwam yi mu pa'a. ²¹ Kuma lo'o mani ne, na njila pa'a girshima, girɓiwa ha imi. ²² Ɓwangya mi i rengchewe Ɓaku yo bum nchimam. ²³ Kpah ma, mu mur sun rengchewe gba'ai i yiram i mur gbol i beh piwi rengchewe ma nchimam. A mu ma'am mu ning korom ma rengchewe ma girɓiwa bah i ku yiram. ²⁴ Mi munchiri! yen ko ra'asam yo ɓah yiru ma wuh mani? ²⁵ BƁwatawe Ɓaku ku ta'a Yeso Kristi Tarsu! chew mi i ka'amuram mu mur pa'a tum rengchewe Ɓaku i nchimam. I kangyi mo'on mu mur pa'a tum rengchewe girɓiwa i yiram.