V 1 Mani ba su chewe? su ningyi pa'a girbiwa ne nzohƁaku ɓwan? ² Ko do ning na sa, ko pa'a lan a chewne su ɓah su wuhna ku chiri girɓiwa su ningyi ning ku chiri? ³ Wu do shi'ila ne ɓa a na dangnai ku mu'uru i Kristi Yeso, a dangnai mashen wuh be Kristi Yeso sa. ⁴ A lissa su i yi ku ta'a dangya mu'uru ku chiri wuh yi mani ningya na ne, ɓene ɓah Kristi luana yo boh ɓa wuh ku chiri kahkah ma doh, chew mani su kpana, so shen shene ho chiri piwi nchimu. ⁵ Chew ɓa suna bina mursu i yi ban mo'on ku chiri wuh yi, so benmursu iyi ku ban mo'on ku ciri lahun yi yo wuh. ⁶ Su shi'ila mani, ne a kpangya ɓeh yah bapina su i yi ku gana-ngo'oro ne a pirwi ɓeh yirsu ma girɓiwa mah. A pa'ana na ne su do bassa ning korom girɓiwa sa. ⁷ Yi ɓah wuhna a twalai ne yi ɓa ngichewe ku mur girɓiwa. ⁸ Sunna wuhna i Kristi su panangichewe ne so ning i nchimsu i yi. ⁹ Su shi'ila ne chew ɓa a luasa Kristi yo wuh, ko ɗo bassa whu sa, wuh ɗo bassa i ngyarngya ku muri sa. ¹⁰ Ku ta'a wuh bah i wuhna yi giɓiwa, wuhna mgba'a mo'on wu bapina ɓwang. Ɓeh ningya i nchimu ɓa imu ning pa'a yi Ɓaku. ¹¹ Ku chew na, wu tol, ka'amurwun ne wu ɓa wuh yi girɓiwa, wun ɓa nchimu yi Ɓaku ku ciri Kristi Yeso ¹² Wu do ji'ingi girɓiwa ne i bol yirwun i ngyarngya, ne wu pa'a gir ɓah i njila sah. ¹³ Wu do pah ka'ala yirwun ne a ning ka'alatumu girɓiwa, sah, wu pah yirwun yi Ɓaku ɓene wu bapina ɓah a pura i ya yo wuh mashen ningya i nchimu, ka wu pah yirwun yi Ɓaku ne i ning ka'alatumu ma pa'a girshima. ¹⁴ Wu do ji'ingi girɓiwa ne i ɓol wun sah, chew wu do ku ta'a rengchewe sa, wu ku ta'a nzohƁaku. ¹⁵ Mani yi ma? su pa'a girɓiwa chew ne su ɗo ku ta'a rengchewe sa, su ku ta'a nzohƁaku? Wii, do na sah. ¹⁶ Wu do shi'ila ne wu na pana murwun ne wu korom, wu ningya korom yi ɓa wumu wo'okuni? Wu ningya wu korom yi wo'okunnu bah i war ngichewe. ¹⁷ Ɓwata ningya ma Ɓaku, chew ɓa wu wo korom ma girɓiwa, wu yo wa'ana kun ɓeh lo'o yo nchimwun ɓene ɓah a rumma wun i yi. ¹⁸ A tanabukwun yo girɓiwa, a pa'a wun wu korom ma ngichewe. ¹⁹ Mu mur lo'o i wun ɓene bapina, chew wun ma ngyam i shila. ɓene ɓah wu pana yirwun ningya korom yi girɓiwa ma pa'aha tumbiwa, wu pah yirwun ne a ning korom ma ngichewe ma pa'aha tumshima. ²⁰ Ɓah wu wo korom ma girɓiwa, a wo tanabuk wun yo pa'a girshima. ²¹ I ban mani, mani ma shimai ɓa wu kuma yo tumu ɓa wu pa'ana, ɓa wu mur pa'a nzo'onyi yi mani? girkumu mo tumu belya yi wuh. ²² Mani ɓah a tahɓukwun yo girɓiwa a ma'a wun, wu ningya wu korom Ɓaku, gir ɓa wu kuma yi girshi mawun, girkumui yi nchimu ma hueng. ²³ Girkumu ma girbiwa yi wuh, pahƁaku yi nchimu ma hueng ku ciri Kristi Yeso Tarsu.