¹ Chew ɓah su kuma tagana ku ta'a pangichewe, su kuma ningshima i Ɓaku Ku ta'a Yeso Kristi ² Ku chi'i, su kuma shene mashen ɓa nzoh bana ɓah su chila ku ta'a pangichewe, i mu bongnchimsu i ma'anchimu ma kahkah Ɓaku. ³ Do mani na sah, i mu ɓongnchimsu i li chirisu, su shi'ila ne lichiri i ɓil ngyarngya nchimu. ⁴ Ngyarngya nchimu i ɓil yer i nchimu mo'on, yere i nchimu mo'on i ɓil ma'anchimu. ⁵ Ka ma'a nchimu ɗo war nzoon sa, chew ɓah njele Baku a swa'anai ku nchimsu yo ɓah Puhu Mpilar ɓah a pana su. ⁶ Ɓah su wo ɗo ngyarngya sa, i ban ma shimai Kristi wuhna chew wu ɓa girɓiwa. ⁷ Ko ning i limissu ma ɓwara i wuh chew ɓa ngichewe, ko ngi ma ning ne ɓwjara i chewne i wuh chew ɓah shima. ⁸ Ɓaku sana su njele, chew ɓah su wo wu ɓah girɓiwa yiɓa Kristi wuhna wusu. ⁹ Imani ɓah, su kuma tagana chew shilai, Kristi ko ra'asa su yo li nchim Ɓaku. ¹⁰ Sunu wo shi mu pa'a duwa i yirsu, yiba a girsa chiri su i Ɓaku ku ta'a wuh muni, a hogirshi su bwana, imani ɓah su girsa chiri su a ho ra'asasu i nchimi. ¹¹ Do mani gbira sa, i mu ɓongnchimsu i Ɓaku ku ta'a Tarsu Yeso Kristi ɓah yo bi yiba a girsa su i Ɓaku. ¹² Ɓene ɓah ku ta'a Bapina mo'on, yi ɓa girɓiwa ɓuara Taramman, i ɓeh njere ɓeli yiɓa wuh ɓuara ta'a girɓiwa, Wuh tana ɓuhi mashen ɓa wu bapina chew bah bwang ya a pa'a girɓiwa. ¹³ Ɓah a wo shiham ma pah rengchewe, yiba girɓiwa wo ha taramman, a ɗooi ɓal girɓiwa sa, i bana ɓah rengchewe na param. ¹⁴ I mani mbwang, wuh wara ɓah yo Adamu mayo Musa, i ku mur wu ɓa ɗo pa'ana girbiwa ɓene sangkunnu ma Adamu sa, ɓa yi ningna ɓene ɓwara ba wuna ku duwa ¹⁵ Ɓeh ta'a ɗo ɓene girɓiwa, na chew girɓiwa bapina mo'on mani yiba wu bapina ɓwana amur wuh. ina kpana nzoh Ɓaku ka be PahƁaku yo ɓah bapina mo'on mani, Yeso Kristi, ne ɓeh pahƁaku i tabuhi mashen ba wu bapina ma ɓwanai. ¹⁶ Ɓeh pahƁaku do ɓene girkumu ma ɓa girɓiwa mo'on ma sa i ɓene mani, lichiri yuana ta'a girɓiwa bapina mo'on i mani, pahƁaku ma tahbuhu yuana i nzum girɓiwa ma ɓwanai. ¹⁷ Na chew girbiwa bapina mo'on mani yiba wuh ka wara ban mbwang, kpah na a kum nchimu wu ba ana ya'ana nzohƁaku ma ɓwanai ka pahBƁaku ma ngichewe ku ta'anchim Yeso Kristi ¹⁸ Chew na, ɓene ɓah girɓiwa ɓwara mo'on ma'ana lichiri yuana ku mur bapina mbwang, tumshima bapina mo'on kpah na, ko war tahpuru ka nchimu wu bapina bwana. ¹⁹ Ɓene ba sangkunu ma bapina mo'on ma'ana wu bapina ɓwana a ningna wu ɓa girɓiwa, ko ning kpah na ne, ta wo'okunnu ma bapina mo'on wu bapina bwang a ma'a a ning wu ɓa ngichewe. ²⁰ Rengchewe yuana ne i ma'a girbiwa i ɓwan bana ɓa girbiwa na ɓwata, nzohƁaku ɓwana ganna. ²¹ Mani pa'ana chew ne, ɓene ɓa girɓiwa ningna ku mur ngichewe ma nchimu ma hueng ku chiri Yeso Kristi Tarsu