¹ Mani ɓah so chiwa ku mur Ibrahim, ka'asu ma yiru, kuma man? ² Ibrahim ka kuma tagana ku ta'a tumui, ka kuma njere ma ngya ku'i, do ku dum Ɓaku sa. ³ Mani ɓah mpuknsheme Ɓaku hiwa? "Ibrahim yira i Ɓaku, a bala yi ningna girshima ku bi." ⁴ I mani ɓwara ɓa na mur pa'a tumu, kuru mgbi'i a do bala ne nzoh sa, ningna gir ba ma bi. ⁵ Ɓwara ɓa na dooi ngya tumu sa, i kun ɓel, pana, pangihewe i ɓa ra'asa wu ɓa girɓiwa, pangihewei a ɓala i kun ngihewe. ⁶ Dauda luana ne ma'aɓuhu i ku mur bapina ɓa Ɓaku ɓalai ne ɓa ngihewe i param tumu. ⁷ hiwa ne,"wu ɓa kuma ma'aɓuhu ya wu bapina bah a zussa wa girɓiwa ya. ⁸ Ɓa kuma ma'aɓuhu, yi ɓwara ɓa tarsu ko do ɓal girɓiwai sa. ⁹ Ɓeh ma'aɓuhu mani ba a luana, i ku mur wu ɓa a yira wa suhu ya na, ke i wu ɓa a ɗo yira wa sukya sa? hew ɓa su luana ne pangihewe Ibrahim ma'ana a ɓalai ngihewe ku bi" ¹⁰ A pa'ana lan a ɓalai? Ibrahim wu yira suhi, ke wo shiham ma yersuhi, ɗo ku iri Yersuhu sa, ku hiri param yersuhu. ¹¹ Ibrahim ya'ana hijik ma Yesrsuhu, mani yi gir ɓah kussa ngihewe ɓeh pangihewe ɓah i wo iyi, ku ban, m,a awo shiham ma yeryi suhi. ku ta'a beh hijik mani yi ma'ana ka ningna tar wu ɓa pana ngihewe mbwang, param mane a yira wa sukya sa. ¹² Yini tar wu ɓa a yi'ira sukya gbira sa, hew ne a mu shen i mbur ngu'i ma pangihewe ɓa i wo pa'ana, ɓeh ɓa wo yira suhi sa. ba na wara ta'a mgba'a tarsu Ibrahim yi ma a yira yi suhi. ¹³ Ɓeh pahkunu yi Ibrahim i wo muni ne aho ning wu ba li mpuru ma taramman do yuana ku ta'a rengchewe sa, yuana ku ta'a ngichewe ma pangichewe. ¹⁴ Wu ɓa na ningna ku ta'a rengcnewe a ningna wu ɓa li bura, pangichewe ka ningna bui gbira, beh pah kunu ka ningya girɓiwa. ¹⁵ Rengchewe i war li nchimu, bana na param rengchewe, girbiwa ko pa'a param. ¹⁶ Chew mani, i ta'a pangichewe, kumur nzoh, yima ɓeh pakunu ningna wa njilu ɓwang. ka ɓeh njilu do wu ɓa a shi'ila rengchewe na sa, ka wu ba pura yo pangichewe Ibrahim. chew ɓa yi tarsu mbwang. ¹⁷ Ɓene ɓah a ngyo'ala "ma'ana we a ningna tar wu ramman ɓwana" Ibrahim i ku dum mwoni, yi Ɓaku ɓah i pa nchimu wa ɓa wuh, ka i tu'ulu wu gir ɓa a param i nchimya, ai puru yo. ¹⁸ Ku chiri ma'a nchimu do yira i ma'anchimu sa, ne ko ning tar wu ramman, ɓene ɓah a chiwa yi, "ne na, ɓah wu muno ko ning. ¹⁹ Do Ɓuna chimi ku mur pangichewe Ibrahim yira ne, yira pa'ajeh ɓwana (ba'ai wo jiya lum gba'a lum) yira kpana ne nguri ɓila Saratu wuhna ko do ngi war mun sah. ²⁰ Chew pahkunu ma Ɓaku, Ibrahim do twala param pangichewe ne lu'ura sa I kun beli, kaama ngyarngya i pahngichewe yi ɓa pana kahkah yi Ɓaku. ²¹ Kuma yere ɓwana ne gir ba Ɓaku na pana kunni ku muri, ko ngi ma pa'a ɓeh gir. ²² I mur ɓeli a "ɓalai yi ne ngihewe" ²³ Ɓeh ngya'a lo'o "a ɓalai yi" a ngyo'ala hew yi i loi sah. ²⁴ A ngyo'ala su, a ho ɓal su, so ɓa su pana ngichewe i yi, yi ɓa luasa Yeso Tarsu yo wuh. ²⁵ Mani yini ba a panai chew girɓiwa su, a ka yo luasai chew yangna nchimsu.