¹ V 1 Mani ma'ana bura Yahudiaya ka bongyo gana? mani ba ai kumu ku mur yersuhu? ² Ɓongya ku njere mbwang, yo duwai wu ba Yahudiya ya ba a pana wa gir ma'ashe'ele yo ɓzzah Ɓaku. ³ Mani ko pa'a wu gina wu ba Yahudiya ana wo doi pahngichewe sa? Param pahngichewe ya ko pir pahngichewe ma Ɓaku ⁴ Ko do ning na sa; i kun beli, Ɓaku ning ba ngihewe, wu gina bapina mbwang a ning wu ba lo'olilim bene ba a ngyo'ola "ne a sah ne we ɓa ngichewe i wu lo'olo'ou, ka a lina duwa ɓa a wara we ku dum rengchewe." ⁵ Ɓeh param ngichewe su sahna ngichewe Ɓaku, mani ba su chewe? Ɓaku ba pa'a girɓiwa chew ɓa imu linchimi i su? ⁶ Ko do ning na sa na ningna na Ɓaku ko pa'alan ka rengchewe yi taramman? ⁷ Ngichewe Ɓaku i ta'a lo'olilim yam ka ma'ana Lemi ɓwana, Man yi ma'ana ashi mur reng yam chewe amur tolam ne mi ba girɓiwa? ⁸ Mani ko pirham ma a chewne, ɓene ɓah a mur ye'erekunsu, wu gina twala ne su luana na,"Su pa'a girɓiwa ne girshima yo? Girshima yini a pawa chiri ⁹ Mani yi ma? Su pa'a njere puru su? wi, chew su sa'anga wu Yahudaya ka wu Hellinawa ne mbongya a ku chiri girɓiwa. ¹⁰ Ɓene ɓa a ngyo'ala, ɓwara mo'on param ɓah pa'a ngichewe. ¹¹ Ɓwarra mo'on param ɓah she'ele ɓwara mo'on paramba pe'e Ɓaku, ¹² Bwang ya a ɓwarsa njere, mbwang ya a ɗo shima kpah sa. Ɓwara mo'on ɓah pa'a girshima sa. wi, ɓah mu mo'ona. ¹³ Njere melya fana ɓene murshi'ila, lasya twala ye'erechewe. Mwan yo'o i ku ngbekunya. ¹⁴ Kun ya rusa i pa'akunu ka lula lo'o. ¹⁵ Ngba'a ya i mur ka'ara mashen bana so'o shila. ¹⁶ Njere ya rusa i lichiri ka girbiwa. ¹⁷ Wu bapina mani ɗo shi'ila njere ningshima sah. ¹⁸ A ɗoi ɓang ji'iri Ɓaku ku mis ya sah." ¹⁹ Su shi'ila gir ɓa rengchewe mbwang, rengchewe luana i wu ɓa a ku chi'i,ne a kusu wu kunu Ɓwang, ne ɓeh taramman mbwang a yerlo'o ku dum Ɓaku. ²⁰ Chew ba ko dui ɓwara ko do tagana ku ta'a tum rengchewe sa. chew ɓa ku ta'a renchewe yi ɓa girɓiwa yuana. ²¹ I mani, do renchewe sa, ɓah a pura wa i she'ele ngichewe Ɓaku, ɓeh rengchewe ka wu ɓa sunduwa a rengya kunni. ²² Ngichewe Ɓaku ku ta'a pahngichewe i chiri Yeso Kristi mun Ɓaku mashen ɓa na panangichewe. chew ne tartara param. ²³ Wu bapina mbwang pa'a girɓiwa, a shiwa i kahkah Ɓaku. ²⁴ I zoh Ɓaku yi ba a ma'ana su, su ningna wu ɓa param girɓiwa ku ta'a ra'asa ɓah ku chiri Kristi Yeso. ²⁵ aku pana Yeso mun Ɓaku ba yi pahmuru ku yo pahngichewe i chire shilai.Pana mun Ɓaku ne i sah pachiri, chew talu'u'ru girbiwa su ma nzum. ²⁶ I chiri dangnchimui mani pa'ana ne pur i ngichewai i ban mani ne i sah muri ne yi ɓa pachiri, i sah ne yi ɓa ra'asa wu bapina mbwang ku ta'a pangichewe i Yeso. ²⁷ Ngya ku'u he? A pura i yi, I mur man? chew tumu? Wi,chew pagichewe. ²⁸ Chew mani yiba su malla lo'o ne a mur ra'as bapina ku ta'a pangichewe do i tum rengchewe sah. ²⁹ Ɓaku, Ɓaku mo Yahudawa i loyah? do yi Ɓaku wugamurbapina sa? I, Wu gamur bapina. ³⁰ ngichewe Ɓaku na mo'ona, ko ra'asa ɓa a yira suhi ku ta'a pangichewe ka ɓa a ɗo yira suhi sa ku ta'a pangichewe. ³¹ Su wuha renchewe ku ta'a pangichewe? ko ning na sah! I kun ɓeli, su mur girshi rengchewe.