¹ Chew mani,we dooi njere ma tah puru sa, we bapina, bapina ba rengchewe yi ɓwara, gir ɓah wumur rengchewe yi ɓwara ku muri, wu mur bol ka'amuro giro. ² Su shi'ila ne rengchewe Ɓaku ma ngichewe duk ɓa na kwana i mur wu ɓa mur pa'awu gir mani. ³ We tam lo'omani, we bapina ɓa rengchewe wa ɓa a mur pa'a wu gir mani, we kpana wunu pa'a beh wu gir ɓeli kahkah. Wu tahgana rengchewe ma Ɓaku? ⁴ Ke wumur sheshe beh murum yi ma shimai, ka ma'ana dang nchimu i gir ɓa a pa'a? Wu do shi'ila sa, shima gir yo ho ma'a ne a ji'ingi girbiwa? ⁵ Ku chew ngyarngya ka'amuro, i nchimo ma ɓe'ene pe'egirshi, yi ma'ana wu mur kam yi ka'amuro li nchimu, ku duk linchimu, ɓeɓa yi duk pur i rengchewe ma ngichewe ma Ɓaku. ⁶ Ko pawa bapina mbwang kurungba'aya kahkah i tumu ya. ⁷ Wa ɓa a ningyi pa'a ngichewe a do wassa kwa'aya sa, a kuma yi ka'amurya kahkah, i lem. ka i nchimu ma hueng. ⁸ Wu ɓa njel ka'amurya, ɓa a bi'ina wo'okun ngichewe, a pi'iri wa'ana kun param ngichewe, linchimu ka i bissa linchimu koyo ku murya. ⁹ Ɓaku ko su'ulu i lichiri ka i pinna nchimu ku mur wu ɓa pa'ana gir biwa, ma mo'on wu yahudawa, ka ɓaring yi wu Hellinawa. ¹⁰ Lem, i Kahkah ka ning shima ko yo yi bapina ɓa pa'ana gir shima, ko yo wa Yehudaka wu Hellanawa i nzum ya. ¹¹ Njel muru do ham ku bah Ɓaku sah. ¹² Wu bapina bwana ba a pa'ana gir ɓiwa i bana ba rengchewe param, a ko wuh param rengchewe. Wu bapina ɓah a tananzah ku chiri rengchewe a pawa chire ɓene ɓah renchewe chiwa. ¹³ Do wu ɓa wo'o renchewe ya ba ngichewe i dum Ɓaku sah. Wu ɓa pa'a gir ba rengchewe chiwa ya ho tahpuru. ¹⁴ Wu gamur bapina ɓah a do shi'ila rengchewe sah, ku ta'a gir ba a ɓilla bapina i yi, a pa'a gir ɓah renchewe chiwa, a ningna ngya'a renchewe yi ka'amurya, su shi'ila ne a do rengchewe sah. ¹⁵ I mani, a sahnah ne gir ɓa renchewe njila i ho bum-nchimya, re'eshe ma nchimya i mur sah wa ne ya ba gir biwa, ke i mur ya'a kunya giraya. ¹⁶ Ina ko ba Ɓaku, mani ko pa'a duk ba Ɓaku ko rengchewe ku mur wu gir ma swarmai mo bapina mbwang, ɓene ba shima wo'o Ɓaku yam chiwa ku chiri Yeso Kristi. ¹⁷ Ana ne we Yahudawa, ka a ningna ku mur ngya'a rengchewe wu mur ngya ku'o i Ɓaku. ¹⁸ Ka a shi'ila gir ɓah i njila, ka wu gir ɓah pa'ana langya-langyai wo beh bil ya a she'ele ku mur ngya'a rengchewe. ¹⁹ Ana yira ne we i ka'amuro a ningya ba shen duwa wa ɓahtawa, bung ya ban wa ba a ku chiri pina. ²⁰ Ɓa sahsah wa ba param nzor, ɓa sahsah wa wu muna pila'a, ka ku bana ngya'a rengchewe we gir ma she'ele she'ele ka ma ngichewe. mani ko pa'alan i da ningyau? ²¹ Wun ba wui sahsah wa ɓwara, wu do'oi sah yi murwun sah? Wun ba wu sah ne a do pa'a njiwi sa, wui pa'a njiwi? ²² Wun ba wune ɓwara do pe'e maam bɓwara sah, wui pe'e wu maah bapina? Wun ɓah wu ɓe'ena ne a do pa'a tumkorom yi Nkila sa, wu do'oi pa'a njiwi ku ka'ana ba nere Baku sah? ²³ Wun ba wui ngya kwa'awun i rengchewe, wu doi be'ene ma lem Ɓaku ku chiri ɓeh ɓe'ene wo'okun bɓeh rengchewe wun sah? ²⁴ Chew ɓah a pana chiri yi lu'ulu Ɓaku ku bo gamur wu bpina ta'awun, "ɓene ɓah a wo ngyo'ala. ²⁵ Kang-kang yersuhu ningna i kumgir i bawun, wuna pa'ana gir ɓah kukut hiwa wuna ningna wu ɓa do warta'a gir ɓa kukut chiwa sa, yersuhu wun ningna param yersuhu. ²⁶ Ɓwara ɓah a do yira suhi sa na pa'ana gir ɓah kukut chiwa, a do ngi ma tol ɓeh param yersuhi ma ne ningna yersuhu sa? ²⁷ Ɓwara ba param yersuhu ma yiru na pa'ana mbwang gir ɓa kukut chiwa, ko do ngi ma reng wun chewe wo ɓa yersuhu ma bana rengchewe ba a ngyo'ala, ka yersuhu, wu do'oi war ta'a kukut sa. ²⁸ Chew ne yi do bura Yahudiya ku yiru sa; do ɓa a yirai ngu suhi i nzai sa. ²⁹ Yi bura Yahudiya ma chimu ka ɓa a yirasuhi ma nchimu ka mpilar do ma mpuknsheme sa. Leme bapina bell do yo bo bapina sa, pura yo ba Ɓaku.