¹ Wu mu'uram, njele nchimam ka nere yam i Ɓaku chew ya yi ne a kum ra'aswa. ² Mi mu mur rengkun ya ne ai ngyarngya yirya ta'a Ɓaku, kpa ma do ku mur sh'ele sah. ³ Chew ne, a do i she'ele ku mur ngichewe Ɓaku sah a mu pa'a ne a pa'a ngichewe ma ka'amur ya. A ɗo pana mur ya yi ngichewe Ɓaku sah. ⁴ Kristi yi russa kukut mashen ɓah ngichewe wa wu ɓa pana ngichewe. ⁵ Musa ngyo'ala i mur ngichewe ɓah pura yo bana rengchewe, "Bapina ɓa na pa'ana ngichewe ma rengchewe ko ning ku ta'a ɓeh ngichewe ɓili." ⁶ Kpama ɓeh ngichewe ɓa yuana yo bah pahngichewe i ne, "Do chew ku nchimu ne yi ko yeu mashen kallang? (ne i war Kristi ma yo nzah). ⁷ K do chew ne, yi ko su'ulu mashen bumnzah?" (ne i she pur I Kristi yo bawun) ⁸ Mani ɓah imu chewe?" ɓeh ngya'a lo'o ha pwer i we, ku kunno ka ku bum nchimo." Yi ngya'a lo'o pahngichewe ɓa sumur rengkunni, ⁹ chew ne a na rengya i kunno ne Yeso yi Tarsu, ka a pana ngichewe i nchimo ne Ɓaku luasai yo ba wu bawuh, wo kum tahpuru. ¹⁰ Chew ne i nchimu yiba bapina i pahngichewe mashen girshima, i kunnu kpa yiɓa i rengkunnu mashen ɓah tahpuru. ¹¹ Chew be lo'o chiwa ne, "Ɓwara ba na pana ngichewe i yi ko d pa'a nzoon sah." ¹² Wu beh Yahudawa ka wu gamur bapina a do langya-langya ssah mwang ya tar ya mo'ona yi ba murum yi ɓwara bah na tu'ulai. ¹³ Ɓwara ba na tu'ula lu'ulu tarsu ko kum tahpuru. ¹⁴ A wo pa'a lan a tu'ulu bwara ba a do pana ngichewe i yi sah? ka a wo pa' lan a pahngichewe i ɓwara ba a do shi wa'a lo'oi sah? A wo pa'a lan a wo'o param ɓa pahlo'o? ¹⁵ A wpo pa'a lan a pahlo'o a do tuma ya sa? ɓene ɓa a ngyo'ala, "mani ɓongyo mgba'a wu ɓah a mur rengkun shima lo'o. ¹⁶ Do mbwang ya ka a wa'ana ɓeh lo'oi sah, Ishaya chiwa ne, "Tarsu, yi pana ngichewe i beh tumlo'o? ¹⁷ Chew na, pahngichewe i yo ku ta'a wu yo wo'o lo'o Kristi. ¹⁸ Kpama ngane, "A na do wa'ana sah?" i, ngichewe "Jingya ɓah shina ramman, ka lo'o ya shina tahramman" ¹⁹ Lina chiwa ne, "ke wu ba Isra'ila do shi'ila sa? ma mo'on Musa chiwa ne "Mo ma'a i linchimwun ka wu pa'a missu i gir ɓah do ram sah, Gir ɓah mu mur lo'o yi wu bapina ba a do i she'ele sah. mo pa'a tumu i ya, mo su'uru nchimwun. ²⁰ Ishaya ngyar-ngya nchimi chiwa ne, "Wu ɓa do pisami sah a mum mi. pura i muram wa wu ɓa a do pisah i sah. ²¹ Chiwa wa wu ɓah Isra'ila ne "Nara ɓuham wa ɓa ɓe'ene wo'okunnu i misai, chew ya wu bapina ba ngyar-ngya ka'amuru bapina.