¹ V 1 Yi ɓah chiwa ne, Ɓaku bi'ina wu bapinai? ko do ning na sah, chew mi bura Isra'ila kpa na ma njilu ma Ibrahim, ma chiori lah ma Bilyaminu. ² Ɓaku do bi'ina wu bapinai i wah shi'ila y sah. Wu shi'ila gir ɓa ngya'alo'o, luana i mur Iliya, ba wara chewe Isra'ila ku ba Ɓaku? ³ "Tarsu, a wa'ala wu ba sunduwa mo, a bongah wu ngo'oro ma ban lemmo, mi wass nah, a mu pissam ne wallam." ⁴ Ɓaku yira yi ne man? i ne, "Mi wo wu bapina banchihi tangzah ɓaring ba a do ku'ura i kulmu ya yi ba'al sah" ⁵ Ku nzum mani, i ban mani wu gamur ya ho ɓa a tara chew nzoh Ɓaku. ⁶ Na ku ta'a nzoh, do ku ta'a tumu sah, nzoh do ning nzoh sh. ⁷ Man kapa? Gir bagh Isra'ila wo mur pishi do kuma sah, kpah ma, ho ɓa a tara ya a kumai, wu gamur ya a ngyarngya mur ya. ⁸ Ɓene ɓah a ngyo'ala," Ɓaku pana wa mpilar ma param she'ele gir, ai mis ya, kpah ma a do sun ban sah, ai bumburya, a do wo'o lo'o sah. ⁹ Dauda kpah na chiwa ne, "ka'a ngo'oro ya i ning shere bol nshi ka tamma, i ning tah ngya mgbu'u i gir ronoh i baya. ¹⁰ Mis ya tonduhu ne a do sun ban sah, ka a do'o i nzum ya ma hueng. ¹¹ Chiwa ne, " a ngya'aha mgba'a ya ne a kwa'aha?" Gima do pa'ana sah, I kun ɓeli pi'iri nzum ya i ma'a tah;uru io yo wa gamur wu bapina, ne i ma'a ya ;a'a mishiw. ¹² Imani, girɓiwa ya a ningya murum yi ramman, sahya yi murum wu ɓa ramman, i lan ɓah ɓeh ɓwan ngyi ko ning ku marsai? ¹³ mu mur lo'o i wun wu gamur wu bapina chew bah mi mun tumau mo wu gamur wu bapina, mu mun ngya kwa'am i beh tummam. ¹⁴ Mo ngi ma ma'a wu mu'uram pa'a mishiw. she'e wu ra'asa wu gamur ya. ¹⁵ Ɓe'ene ya na ho war girshi chiri wa ɓa ramman, mani ha yere ya ko ning? ko ning nchimu yo wuh. ¹⁶ Wu bilduwa na ningya shima ya, ɓila ya a ning na, wu ɓe me'ele ya na ningya shima ya, wu garya ko ning na. ¹⁷ A na ɓu'unga wu gamur gbar ya, wun na gbar par ma ngichewe ɓah a kuma yo chiri ya ka wuna i mpilar i ya ku chiri be me'ele ngwin par. ¹⁸ Wu do gnya kwa'awun i gbar ya sah, kpa ma wuna ngyana kwa'awun, do wun ɓa pah ngyarngya yi beh me'eli yi mu pawunu ngyarngya. ¹⁹ Wo ngi chew ne "a ɓuna ɓeh gbari ne a kumam ku chiri." ²⁰ Mani yi ngichewe,! chew param pahngichewe ɓa a bunga ya yo ɓeh gbar ya, wu che'ele i ngyarngy i chiri pahngichewe wu wu do tomur wun ne wu ganna sah, wu ɓang ji'iri. ²¹ Ɓaku na do ji'inga ɓeh gbari ma muri giri sah, ko do ji'ingi wun sah. ²² Wu sunu, wu tumu ms liviri ms Ɓaku. Ku mo'on buhu kpa, lichiri i yo ku mur wu Yahudawa i wu ɓa ai kwa, kpah ma sunchiri Ɓaku i yo ku mur wun, wu na mu ning ku mur sunchiri. Na do na sah a ho ye'ere wun. ²³ A na do ningya ku mur param pahngichewe ya sah, a kurya reme, chew ma Ɓaku yi ngyarnya gana ko ɓunyere i ya pkah. ²⁴ A na yira we yo ngun par ma to'o, na ningya ne a bina we ku chiri ngun par ma shimai, i lan ɓah wu Yahudiya ɓa ya gbari ma ngichewe, ɓa a ho ɓunyer i ya ku bum ngun par ɓah yi ma ngichewe? ²⁵ Wu mu'uram, do njila ne wu ning ku pinna i mur gir mani ma warmai, ne wu do ning wu ɓa nzor ku re'eshe re'eshe wun sah, ɓeh gir ma swarmai mani pa'ana ku isra'ila kasama wu ɓa ramman ɓuara cirii. ²⁶ Ku ta'a na wu ba Isra'ila mbwana a tahganna ɓene bah a ngyo'ala ne "Yo Sihiyona ɓa ra'asa bwa ko puru" Ko wu'uhu gir ko'o pur i yi yo ciri Yakubu. ²⁷ Mani yi ko ning kurbuhu su i ya. bana ɓah mo toh girɓiwa ya la'ahun iyi" ²⁸ Ɓene ɓah ɓeh pahlo'o i ham, ya o ba pa'a duwa ma kunwun kpah ma, ɓene ɓah tar wu bapina i bah Ɓaku i ham, ya wu munanjele ku ta'a wu tarru. ²⁹ Be pah-pah Ɓaku ka tu'ulu Ɓaku a do i yangya sah. ³⁰ Ɓene ɓah wu wo wu ɓa sangkun Ɓaku, kpah ma wu ya'a sun chiri i mani chew beh sangkunnu ya. ³¹ Ku bɓeh njere mo'ona, ɓah ɓe wu Yahudawa a bi'ina wo'okunnu. Ɓeh gir kummu yi ne ɓene ɓa wu kumma sunciri ya kpah na a sun chiri ya. ³² Ɓaku kussa wu bapina mbwang ku ciri ɓe'ene wo'okunnu ne i sunchiri ya mbwang. ³³ Ɓeh lim murum nzor ka ma she'ele-she'ele Ɓaku: Rengchewei ganna ngyarnya ma pishi. Wu njerei a ganna ngyarngya ma she'ele ya! ³⁴ Chew ne ya shi'ila nchim bum Ɓaku? Yen yi ningya bɓa war yi lo'o? ³⁵ Ke yi paha pih Ɓaku gima, chew ne i talli? ³⁶ Yo bi, a puru ku ɓii, ka ku bii, yi ɓa wu gir mbwang a pura. Kahkah shina mashen bi ma hueng. Innah.