¹ Mu mur nere wun, wu mu'uram, ku ta'a sunchiri Ɓaku ɓah ɓwana, ne wu pah yirwun, pahmuru ma nchimu, ma shimai gir ya'a ku ɓah Ɓaku mani yini tumu wun ma ngichewe. ² Wu do pi'iri ɓene wu muna tahramman mani sah, kpa ma wu kum yangya yiru ku ta'a piwi re'eshe re'eshe wun, wu pa'a na ne wu she'ele gir ma shimai gir ya'a, ka wu russu gir njele Ɓaku. ³ Ku ta'a nzoh Ɓaku bah a pana yam chiwa yi ko yen ku ciri wun ne: do tol muro ne a ghanna bana ɓa Ɓaku ciha we sa, ku Kun ɓeli ning i nzor bene ba Ɓaku pana wa wu bapina mbwang pahngichewe. ⁴ Sui wo ka'ala ɓwana ku yiru mo'on, bɓeh wu ka'ala ma yiru a do pa'a tumu mo'on na sah. ⁵ Inna kpah na i basu, su ɓwana ku yir Kristi, mbwangsu so ka'ala yir wu lahsu. ⁶ Sui wu pahƁaku langya-langya ku njere nzoi bah i wo pa'aha wusu ma bwara na pah ma sunduwa, i pii ɓene bah pahngichewei i ham. ⁷ Ɓah mii na ma tumu, i pa'a tumu,ɓa mii pah na ma sahsah, i sah. ⁸ Ɓah mii na ma jenchiu, i jenchiu, ba mii na ma ta'a-ta'a, i ta'a ɓwana. Ɓah mii na ma shenduwa i pa'a i ngyarngyai. Ɓah a na pahyi mii ma sunchiri, i ma'a bukchimi pa'a i Ɓong yiri. ⁹ Wu ji'ingi njele ne i ning i param lerre wu ɓe'ene girbiwa, wu bol gir ma shimai. ¹⁰ Ku mur njele ma songiu, wu njel yirwun, ku mur jel, wu pah jeh yi yirwun. ¹¹ Ku mur ngyarngya yiru, wu do ɓun nchimwun sah, ku mur mpilar wu ngyarngya yirwun ku ta'a Ɓaku wu pa'a yi tumu. ¹² I ɓong nchimwun i ma'anchimu, wu dangnchimwun ku lichiri, wu pahngichee i ciri lo'o i Ɓaku. ¹³ Wu ning wu ba pa'a gir wa ba war ta'a Ɓaku. Wu pe'e njwere ɓwana ma ya'a wu birri ku lahwun. ¹⁴ Wu mahbuhu wa ɓa pana wun chiri, wu mahbuhu wu do pa'a ya kunnu sah. ¹⁵ I bongbumwun, i wo ba i mur bɓongbumya; wu zollo i wo ba a mur zollo. ¹⁶ Wu ning shakap i yirwun ning mo'on, wu do tol mur wun gbeng sah, wu ma'a ka'amurwun ku pa'a gir shima. wu do toh ka'amurwun ne wu ɓa nzor sah. ¹⁷ Do ren girbiwa i girɓiwa sah, pa'a gir shima ku dum wu bapina mbwang. ¹⁸ Wu pa'a gir ɓah wo ngi ma pii, ne wu ning shima i wu bapina mbwang. ¹⁹ Wu mu'uram, wu do ren yi mu'uruwun sah wu ji'ingi Ɓaku yi renno. A ngyo'ala ne "Renno ningya mam, mo pawa wu bapina mbwang. tarsu yi chiwa na" ²⁰ "Nzalla na mu wol muan lua bura, pih gir nuh ne i nuh wuna pa'a ɓene mani, wu mu pang kalbissa ku kmur wu ɓa ɓi'ina wun. ²¹ Girɓiwa ma do sun wun sah, wun wu sun girɓiwa ku bana pa'a tumu ma shimai.