¹ V 1 Wu bapina ɓwang a wo'okun wu ba nzah chew b pahkunu magina do ha sah, ɓah do pura yo bah Ɓaku sah. ² Ɓwara ɓah na sangna kun wu ɓah nzah, sangna kun kukut ma Ɓaku. wu ba sangna kun ɓa rengchewe a li chiri i ka'amurya. ³ Ɓa nzah do gir ji'iri yi girshima sah, yi gir ji'iri yi girɓiwa. Wu njila ne, wu do ning i ji'iri wu ba nzah sah? Wu pa'a gir shima wo ya'a yerei. ⁴ Chew ɓa yi korom Ɓaku ma shima ningya, kpah ma wu na pa'a girɓiwa, wu ɓang ji'iri, chew ba I doi tol be'eu riding yi na gbura sah yi korom Ɓaku, ba ren girɓiwa i mur ɓa pa'ana girɓiwa. ⁵ Chew mani, wu wo'okunnu do chew linchimu sah, chew re'esh ma nchimu. ⁶ Chew mani wu tal ngya'abol nzah kpa na. wu ɓa nzh ya korom Ɓaku, ɓa a mur pa'a mani duhi-duhi ⁷ Tal bapina gir ba ningya ma ya: ngya'abol puru yi ba pru, ji'iri yi ba jina a ɓang ji'iri, jeh yi ba jina a pi jeh. ⁸ Wu do lih tangna ɓwara sah, wu njel yirwun ɓah na njila mwan ningyai russa lo'o kukut. ⁹ Ɓeh kukut ne, "Wu do nong i maam ke milim ɓwara sah, do woll ɓwara sah, do pa'a nshiwi sah, do pa'a misshiu sah, ɓeh ngya kukut magina na ha, a kummai ku yir mani ɓwang, "njel mwan ningya ngyo ɓene ka'amuro" ¹⁰ Njele do i pa'a girbiwa yi mwan ningya sah, njele yini, ɓeh russu kun rengchewe. ¹¹ Chew mani, wu shi'ila i beh ban ne, beh bollo jiyamal ma wu lahun yo tolong. Chew ma ya'abuksu tapwer ɓene su pak pa'ana ngichewe. ¹² Duhu buara pim, ka missa yua pwer. Su ma'a tum duhu ku kangyi, wu yish wu ka'ala ma bungban. ¹³ Su shen shenem bene su ku missa do ku ciri ɓiwi ke noho noho sah, ka su do shen ku ciri pe'e wu maam ke wu bura, ke ku ciri njele maɓiwai sah, ka ke ku ciri njelmuru ke pa'a misshiu sah. ¹⁴ Kpa ma wu yish Tarsu Yeso Kristi ka wu do pah njere yi yiru ne wu war ta'a njel gir ma ɓiwai sah.