¹ Wu ya'a ɓah na muchigee pahngichewe, do i rengchewe li nan sah. ² Ɓwara i pahngichewe ma lih wu gir mbwang, ɓwara ba pahngichewe mi do ngyarngya sa, lih ka'ala suwa na. ³ Ɓwara ɓah i lih wu gir mbwang do sheshe ba do leheleh mbwang sa, ka ɓwara ba do i leheleh i rengchewe yi ɓa i mu lih wu gir mbwang sah. Ɓaku Ya'anai. ⁴ We yen, ɓa wu rengchewe yi korom ɓwara? i ku dum ɓwajei ɓa ho chelle ke i kwa. kpama a mi'i ne i chelle, chew ɓa Tarsu ko ngi ma mi'i ne i chelle. ⁵ Ɓwara mo'on i pahjeh yi missai mo'on i mur wu gina missa. ɓwara i pahjeh wa ɓeh wu missa kahkah. A ji'inga wu bapina mbwang ning ku mur re'eshe ma nchimya. ⁶ Yiɓa i u tam missai mo'on, i mur tammi yi Tarsu ka ɓwara na lina, lina yi Tarsu chew ɓah i mu ɓwata yi Ɓaku. Ɓwara ba na do mu lih sah, ɓe'ene lih chew tarsu; i mur ɓwata yi Ɓaku. ⁷ Ɓwara su do ningya ma ka'amuri sah bwara do wuhna chew ka'amuri sah. ⁸ Su ɓa ningya i nchimsu, sui nchimsu yi Tarsu, ka suna wuhna, su wuhna yi Tarsu. Suna i nchimsu ke su wa'aha su ma Tarsu. ⁹ Chew mani yiɓa Kristi wuhna ka luana, ne i ning tar wu bawuh ka wu ɓa ai nchimya. ¹⁰ We, mani ma'ana wu mur rengchewe yi so'ongo? ka we, mani ma'ana wu mur sheshe mu'uro? Su chele mbwang su dum ban rengchewe Ɓaku ¹¹ A ngyo'ala ne "Kanabwa" Tarsu yi chiwa, "Wu kulmu mbwang a ho ku'uru yam, wu lassu mbwang a ho lem Ɓaku" ¹² Ɓwang so, mo'on mo'on yo chew i munnu gir ɓa a pa'ana ku dum Ɓaku. ¹³ Chew na, su do rengchewe yi yirsu sah, i kun ɓeli wu tol mani i nchimwun ɓwara do ning tah ngya mgbu'u ke gir kwah yi mu'uru sa. ¹⁴ Shi'ila ka yere ku cirio Tarsu Yeso ne gima do biwa giri sah. Ɓwara ba na twalai ne i ningya ɓiwai yiba ningya yi ɓiwai. ¹⁵ Na chew ɓillau yiɓa ko linchi mu'uro, wu do mu shenshene ku ciri njel sah. Do ɓiwi ɓwara ɓa Kristi wuhna chew yi i ɓillau sah. ¹⁶ Wu do ji'ingio wu gir ɓah wu twala ne a shimaya a ning gir sa'anga ku boh magina. ¹⁷ War muru ma Ɓaku do chew lih i nuh na sah, i chew ngichewe, ning shima kia ɓongnchimu ku ciri puhu mpilar. ¹⁸ Ɓwara ɓa na pa'ana tumu yi Kristi ku ciri njere mani, i ningya ya'anai i bah Ɓaku, wu bapina a yer i yi. ¹⁹ Chew mani, wu war ta'a gir ma ning shima ka wu gir ɓah ko ma'a wu gamur su a gulyiwa. ²⁰ Do ɓiwi tumu Ɓaku chew ɓillah wu gir mbwang a shima ya, kpa ma do bongya ne ɓwara lih gir ɓah ko ma'a ɓwara mo'on ne i kwah sah. ²¹ Do ɓongna ne a she'e ngyam, ke nuh nkari ke gir ɓah ko ma'a kwa mu'uro sah ²² Ɓeh pahngichewe ɓa wui yi, wu warri ku ciri wun i Ɓaku, Ɓaa kuma ma'abuhu yi ɓwara bah nchimi do pa'a giɓiwa sah ku ta'a gir bah i suna ɓongya yi. ²³ Ɓwara ba na so'anajik ka yo lina pa'a girbiwa, chew do i pahngichewe sah gire ɓah na do ma pahngichewe sah ningya girɓiwa.