¹ V 1 I mani so ɓa sui ngyarnya su tol wu ba param ngyarngya, su do njel mursu sah. ² Ko yen i pa'a gir ɓah ko bongnchim mwan ningyai, chew mani yi ɓongya ne i mi'i ne i gulyiwa. ³ Kriosti do, pa'an gir ma ɓongnchii giri sah, I kun beli, i wo ɓene ɓah a ngyo'ala, "sa'ang ɓah wu ba sa'anga wun kwana i muram" ⁴ Gir ɓa a wo ngyo'ala i ya'ayah a ngyo'ala chew ne ku ta'a dang nchimu ka pah ngyarngya ma mpuknshem Ɓaku su kum ma'a nchimu. ⁵ Ɓaku ɓa dangnchimu ka ba pah ngyarngya i pah wunu nchimu ne wu ning ban mo'on ku ta'a nchim Yeso Kristi. ⁶ Pa'ana na i nchimi mo'on ne wu lemmi i kunwun mo'on. ⁷ Wu ya'a yirwun, ɓene ɓah Yeso ya'ana wun chew ne a pa'a kahkah yi Ɓaku. ⁸ Chiwa ne a ma'ana Kristi ne i ning korom ma ɓeh yersuhu ma kun ngichewe Baku ne a she'ele ɓeh kurlo'o ɓah a wo pa'ana wa wu ka'asu. ⁹ chew ne wu gamur wu bapina a kahkah Ɓaku chew sunchiri ɓene ɓah a ngyo'ala, "Ta'a mani, mo lemmo ku ciri wu bapina, mo ma'a njel lem lu'ulo" ¹⁰ Kpa i ne "wu Bungnchimwun, wo gamur bapina. i wo wu bapinai." ¹¹ Kpa "wu lem Tarsu wo wu gamur bapina, wu ji'ingi wu bapina mbwang ne a lemmi" ¹² Kpah Ishaya chiwa ne "Ɓeh me'ele Yessi ko yo, ɓeh ba luana i warmur wu gamur wu bapina, ku bi yiɓa wu gamur wu bapina a ku ma'anchimu." ¹³ I mani, Ɓaku ma ma'anchimu ku russu wun i bung chiku ka i ning shima ku ta'a pahngichewe wun, chew ne ku ta'a ganmuru ma Puhu mpilar qu mum ma'a nchimu ɓwana. ¹⁴ Mi i ka'amuram yira i wun wu swana, yira ne wun ka'amurwun wu russa i girshima, wu russa i she'ele yira ne wo ngi ma lo'o i wu yirwun. ¹⁵ Mu mur ngy'o'lo wun i nchimam mo'on i mur wu gir magina ne mu re'esh wun kpah, chew ɓeh nzoh ba Ɓaku panayam. ¹⁶ Ɓeh pah mani yi ne mu ning korom Kristi Yeso ɓa a tumai mashen boh wu gamur bapina ne mo pah ɓeh shima lo'o ɓene bajeh ma kussu missu. ¹⁷ Ku chiri Kristi Yeso ma'ana mi u mur ngya kwa'am i tum Ɓaku yam. ¹⁸ Mi do i gir ma chewe sah, kasama gir ba kristi na pa'ana ku ta'am ne wu gamur wu bapina a yerkun. wu man ya wu gir ɓah a pa'ana i lo'o ka tumu. ¹⁹ Ku ta'a ganmuru ma girsunu ka gir chelle sunnu, ka ta'a ganmuru ma mpilar. mani chew ne yo Uruhelima, ka wu ram ɓah karngyai yo Illirikum, ne mu war shima lo'o Kristi mashenban mbwang. ²⁰ I njere mani, njere yam yi mu ma'akun lo'o shima, kpah ma do ku bana bah a shi'ila Yeso i Lu'uli sah ne mu do ba'a ba'a ku murf chikta'a ɓwara sah. ²¹ Ɓene ɓah a ngyo'ala, "Wu ɓa wo do chiw wa lo'oi sah, a ho sunni, ka wu ɓa wo do wa'ama sah a ho she'ele.'' ²² Chew ɓah a pira mi, ma yo bawun ngba'a gbe'e. ²³ I mani, mi do shi i ban magina ha ɓeh wu ban-ban mani sah, ku ciri wu ba ɓwana mu mu njel yo bawun ²⁴ Ma'ana nchimam ne mo sun wun na bo'olo mashen Asbaniya ne wu she ciham ku njere, I nzum bɓa suna ningya i wun ma mu ban chige'e. ²⁵ I mani mu mur shen Urushelima, mu pa'a tumu wa ɓzah pahngichewe. ²⁶ Ningna git bung nchimu wa wu ɓa Makidoniya ka wu ba Akaya ne a pah ka'ala wa wu bɓa param ngyarngya wu ɓa pah ngichewe ɓa a ku Urushelima. ²⁷ I mu ɓong nchimya chew ɓah ningya wa ɓene tangna ku mur ya ka ɓene wu gamur bapina kuma mur ya i ya ku mur wu gir ma mpilar, ningya wa wu ɓa Yahudiya ne a lo'o wa ku bana pawa ka'ala ma yiru. ²⁸ Na malla pa'a wa beh tumu mani pah wa, mo shen Asbaniya ka mo puru sun wun. ²⁹ Shi'ila ne na yuana ba wun, mo yo i ma'abuhu ɓwana ma Kristi. ³⁰ Mu mur nere wun, wu swana, ku ta'a Tarsu Yeso Kristi, ka ku tah njele ma mpilar ne wu ngyarngya yirwun i mi, ku ciri lo'owun i Ɓaku ku ta'am ³¹ Wu nere ne a ra'asam yo boh ɓa sangkunnu ku Yahudiya, ka ne tumu yam yi Urushelima, wu bapina shimai ma Ɓaku a ya'ah. ³² Nere ne mo yo bawun i bungnchimu i ta'a gir ɓah Ɓaku nila, ka ne su mbwng su i wun su kum nossoh. ³³ Ɓaku ma ningshima io ning i wun mbwang. Innah.