¹ Ngho igarantor, idengiri igbobolo iron yorr ntang yeh. Mba yen nrogondo gor iborr beforor baga ndege. Nrogondo fonor mbor kalehigbogoror mbolo iberr ntika kpelor itulor. ² Aba ribeh iberr nkika kpelor itulor fonor, atutuk iba joke jengor mbolo iberr fonor na atutuk igboro ugbudongongha. Njol neh ifufeh igbor ijingheh tep neh atutuk ma ijogor gor mbolo iberr fonor. ³ Agrubeh iba joke ngho atutuk fonor bandege. Mbor fengheh kabor ikor nanti ulang ngha ndege. ⁴ Mbor fengheh tak bor mbeh mborti rongho mbeleh ngho ndege afi mberr-iberr ngha ndege afi ite, shengm anemba ikakpelor irenghe Ishor ngor aboke bor. ⁵ Mbor kalimbor ikor normbor yole anembangho, mbor kakbor akanya nenting ngor amerr aron. Akanya bor ibajolor na igaranti nang beh ta nengha. ⁶ Iminimineh aneyol shebeh iku mbor fengm yen. Mbor bashebeh dole nor mbor kpor, iku ifengheh ba tobo shagabor. ⁷ Agrubeh fonor ijolor na abonkang nya mbor joror ka-itangha. Ngho ashibor ijolor ijom jindege na akpo igole fufene ushemerr bor ifongho ushimerr aneh. ⁸ Mbor fonor nnushi na nnushi anebkal ngha, alole bor Jol na alole mgbe. ⁹ Ikongho abelbor, mbor fonor ikongho abellbor na ikongho abel. ilome akpukpuk bor ifengheh jol na iyok ane dole imeh lem neh abonkang imeh tobo tum gor ita. ¹⁰ Mbor fonor akelnya iyor tana ulangha; nhgo akelbor fufene mbor fonor ikor nor mbor lemaneh ijom ngor amerr aron. ¹¹ Mbor fonor nrogor itom iberr ntika-kpelor itulor na ntol kabor. Mbeng yeh gor Hehew jolor Abadon, afenghe fon mbeng Apollyon ngor Greek. ¹² Mgbo mbarr ilam bujeng. Breh! igaranti ntingha ibeh jeng, ikpeh shaga alam abal nya ibabaga. ¹³ Ideniri irara ba yorr ntanyeh, ba yoke ilom imeh joke ngor ifomfom idi lemikorbashi mbireoror gor ushimirr Ishor. ¹⁴ Imeh bong ne idengiri irara mba ifonor ntang fonor. Yaga idengiri ini mbar mba mbor bebor gba gor agboro aya Euphrates. ¹⁵ Mbor yaga adengiri ishini mba ibeh loke ngopji ngho igarantor, ufomfombor, umerr borneh irantor nor mbor yole igborbolo ira mfongho neh. ¹⁶ Nfala ashoja ngor njim mbonkang ijolor unor atittle, atittle neh aneh attigol neh aneh abal. ¹⁷ Nyogo nfala fornor. Nayor nyenor abonkang fonor ngor nremehyama nemba iyolor feng bor: Abodo ikongho abel bor ibel fenghe yangha ireng, gbull fengheh jol yereh. Ashi abonkang fonor ifongho ashi ugbeh, ngon, atutuk neh aton ifengheh yor joke ngor ayobor. ¹⁸ Ishira ngho ane fonor ikpolor ngha ayamara nya: ngon, atutuk ne atong ma ijogor gor ayor bor. ¹⁹ Tep neh ikor abonkang fonor ijolor ngor ayor bor neh akelbor tep neh akelbor fufene ijolor na uyor mbi fonor ashi fengheh kor ashibor lemaneh ajom. ²⁰ Anemba ishagor, mba ayam nya ikayolor bor iyagm shaga ulemeh ashashap bor, afi mbor yagabor tikpeh tama tugor ulim neh abonlogor te akongho, abot, atal neh akikibate abodonya ikaoyen,fenghe yokeafi jen. ²¹ Afi mbor fengheh yangha shaga uyolo aneh bor, utogo aneh bor, unongho neh atem ayeleh ayeleh afi ibeneh uyuguuju bor.