¹ Igaranti mon joror fonor rebor mboloh irimini fonor ibibleh ijolor ngor iborr ngor ikikibeh igara. ² Mbayen adengiri ishi irimini iyemor gor mboke Ishor, fenghh kaboratang arimini. ³ Idengiri nyondege bayurr ba, fele ifomfom ikpenghe igongho abodo iluu, fengheh yeme gor mboke ikorbashi abodo iluu. Mbor kaleh abodo iluu ferb inyorji aba kaga neh aror anonob anebikorbashi Ishor ngor ifomfom idi lemikorbashi abodo iluu ngor mboke ite nyol. ⁴ Atutuk abodo iluu fonor neh aror anonob aneb Ishor mba wele wele itum yeme gor mboke Ishor ngor ubob Adengiri. ⁵ Idengiri fonor tap ikpenghe abodo iluu fonor fengheh kak ngon gor idi lemikorbashi. Aba raw fengheh ndege iyork ndan, iran neh igboro mfeng ijolor ngho idi fonor. ⁶ Ba rogitom ishi irimini mba ifonor utangarimini ilogo ngopji nogor mbor yorr utang fonor. ⁷ Mgbo mbarr idengiri yoror ntanyeh igboro mfing neh ngon shumor ne along ijol. Iroror gbid ndege kamfam inyorji igborbolo ira jeh iba tebeh, ite igborbolo ira itep fufeneh mbeleh yi ijolor mberr-mberr iteo waa. ⁸ Idengiri igborbolo ibal yorr iyeh ntang. Fufene, ijom jindege na igboro igol nji iyolor teb neh ngon mbor roror kag ngor agboro alip. Igborbolo ira agboro alip ishereh along, ⁹ igborbolo ira abodo nenipen ikpor igborbolo ira ashugukang irongho. ¹⁰ Igborbolo ira idengiri yorr ntang yeh, igboro nrogondo fonor gor mborombonta fenghe yor yana irana, ngor igborbolo ira alip neh alip atal. ¹¹ Mbeng nrogondo fonor yineh wormwood, fufene aneh feb ikpor gor alip ma isheror ilolol. . ¹² Igborbolo ini idengiri Ishor kpeh ba yorr ntang yeh, ibabob njol, neh iyarr umerr ira, neh arogondo ara. Nogor igborbolo ira bor iyangha gbor ijingheh; njol igborbolo ira fufene igborbolo ira atu ifonim irana. ¹³ Mba breh,fengheh yoke ilom idengiri Ishor nyor meh bug ngor iborr, neh igboro ilom, ndorn, ndorn, ndorn nemba inenor ngha ndege, tep neh ireg utang mbi ibeh shaga mbi indengiri ishi ira iyagor yorr