¹ Igara nti ntigho ibe sheng, nyene ba rogitome ishi-ini iyemogor akpa mfam ani, ifelor akpa mfam ani fenghe njim tuno-tuno nyorji mfing nyi ndege-ndege ti mal ba fulor bolo ndege, bolo alip, afi bolo ite nji ndege-ndege. ² Mkpe nyen rogitome nyor ndege me ba ngor mkpa nyi njole yor jok, we fonor mgbaga Ishor ikpen. Aba rerr jok ne igboro ilome ka ba rogitome ani mba mbor kalor bor ikor norgor mbor rongho ndege ne alip. ³ Ka rongho ndege, alip, afi ate shegm mbe ubu gba aboke ba rogitome Ishor jire. ⁴ Me nyogo mfala mba mbor gbalor: unor atil-arim-ini-ne-ani mba mbor gbalor ngor fele mon ibugor aneb Israel. ⁵ Unor atil-igol-ne-ibal ngor ibugor Judah, Unor atil-igol-ne ibal ngor ibugor Reuben, unor atil-igol-ne-ibal ngor ibugor Gad, ⁶ unor atil-igol-ne-ibal ngor ibugor Asher, unor atil-igol-ne-ibal ngor mon ibugor Naphtali, unor atil-igol-ne-ibal ngor ibugor Manasseh. ⁷ unor atil-igol-ne-ibal ngor ibugor Simeon, unor atil-igol-ne-ibal ngor ibugor Issachar, ⁸ unor atil-igol-ne-ibal ngor ibugor Zebulun, unor atil-igol-ne-ibal ngor ibugor Joseph, unor atil-igol-ne-ibal ngor ibugor Benjamin igbala aboke. ⁹ Igara nti nyangha ibe sheng, mba bre, fenghe nyen igboro igom ane mba nene ka malobor fal-ngor feli igboro ibugor, mon ibugor, ane ne ibong nti iyemor gor mboke ite ntol ne ngor mboke mon joror. Mbor jol kaga ababara awuror ¹⁰ fenghe yor fele amang ubirr ngor aborbor, fenghe yor bong jok ne igboro ilome: "Nsharr jol ka Ishor jire, we bumor ngor ite ntol ne mon njoror!" ¹¹ Ba rogitome waa iyeme sherr ite ntol fonor kak, fenghe sherr aneb ukol kak ne acreature ani nya ikulor ikpen fenghe gbor kugor ashimirr bor ngor ndege ngor mboke ite ntol fonor. Mbor yor tama tugor Ishor, ¹² fenghe yor bong, "Norgor ijol nor! Ntige, mbaga, nyige, nkaga-igafor, nkaga, ikor ne atunor ijol ka Ishor jire ngor ikpen igengen ne ikpen igengen! Norg ijol nor!" ¹³ Nne wreng ngor aneb kol fonor ba beb me, "ba ibugor ngha ikagor ababara abodo, ngan mbor yuror?" ¹⁴ Me mba fanghe, "Ada, anyinyi," afenghe ba bong ne nama, "Ngha anemba ibe jok shaga agboro akanya ba." Mbor bu ro abodo bor fenghe lem bor sharr ngor along mon njoro fornor. ¹⁵ Teb ne nta, mbor be yeme ngor mbok ite-ntol Ishor, fenghe yor tige ngor njol ne ngor atu ngor itaba je. Nne nyor be bume ngor ite ntol ba yala itent je bolo bor. Njal nimkpe ba bor yama, afi alip ikorr bor. ¹⁶ Njal nimkpe ba bor yaga ngor ndege, afi ntebe nji ndege-ndege. ¹⁷ Teb ne mon joror we reror ngor itentenghe ite-ntol ba bor bre, fenghe teb bor alip atal ikpen, fufene Ishor ba folo fel ibibi shaga bor ngor amirr."