¹ Nyiyen igaranti mon joror nwereng fonor fungho agbaga arimini, meh nfengheh yoke ijom nenikpen njerng ngor abodo nenikpen ani iyolor bong ngor ilom ti ibongho na ndan, "Ba!" ² Mberh, yen ikporong mbon kang ngho idi fonor. Mfenghe weh fele ikong mbor fengheh ka-eh ikpo Ntol. Ajogo baba neh ikor inyor abafonor ikor ka ibugor. ³ Igaranti mon joror fonor fungho igbaga ibal, mba yok ijom nenikpen igborbolo ibal imeh bong, "Ba!" ⁴ Ngho igarantor, mbonkang yi kpelor amorr tole nyindege bajok ba, ka mfeng fenghe weh mbor kaleh ikor nogor atap tereh shaga mfam inyor nji anebeh iyor bayolo aterm. Mfeng fenghe wengha mbor kaleh igboror mgbraja. ⁵ Igaranti monjoror fungho agbaga ara, mba yoke ijom nenikpen igborbolo ira imeh bong, "Ba!" Nyeneh mbonkang bidebideh, neh mfeng fenghe weh fele scale ngor ubor beh. ⁶ Nyogo ijomji ifongho na ilom ngho ngor igom abodo nenikpen ani imeh bong, abodo lili ngor nlumbangha ikobo jreng. Tep ne nor kafele akurr neh amun fonor rongho. ⁷ Igaranti mon joror fonor fungho agbaga ani, nyoke ilom ijom nenikpen ini imeh bong, "Ba!" ⁸ Ngho igarantor mbayen iwon won mbonkang. Mfeng fenghe weh fonor mbeng neh iku, Hades yol toneh fufeneh. Mbor kalabor ikor ka mkpa mfam nyindege, nor mbor yol neh mgbraj, njal, uyam, ne uyaam ifuu mfam. ⁹ Igaranti mon joror fonor fungho igbaga iron, nyeneh afu mba mbobebor yole ngor ala idi lemikorbashi tep neh ilom Ishor neh utanikor mbi bor yogor. ¹⁰ Mbor ba rerr joke neh igboro ilom, Nanor ibaraba lomoe Ntol ka waa, inonob ne itembaga nor akunlam mba inenor gor ndege, afi teh-teh-teh alon mireh? ¹¹ Ngho igaranti mbor kala nterm nterm mbabara nigeh, fenghe takbor mbeh mbor shek gor mon igara tekeh nor ba rogitom bagor neh agbayen bor mba aneblom mbagor, mbabor yolor baboryolo, na mbor yolo bor, ikorn na mboreror. ¹² Igaranti monjoro fonor fungho igbaga irara, mbreh fengheh yen igboro mfung ngho. Njol fengheh ba nyak na ibamiwror ngha, fufene ikikibeh umerr ibajol nalong. ¹³ Arogando gor iborr, iforor bandege, na amogor ate nya ikabelor imeh foror gor ite amogor igaranti igboro fung meh lem. ¹⁴ Mborombonta tan na igbabagate nji mbor beh fut. Fel igol neh idi nji alip ishibor kak iyum shaga idijeh. ¹⁵ Ngha igarantor atol ndege ne anemba ikpelor ifan, ba breh mfam, aneba fang, anebikor, nendendege, ajo neh mba-ikareror, ishelegor atan negor igom agboro atal ngol. ¹⁶ Mbor bong ka ngol neh agboro atal, mgbor bolo wurr! Shele wurr shaga ushimirr nenyor bumor gor ite Ntol neh akanya mon joror. ¹⁷ Tep neh igboro ufomfo akanya bor ibulomoe. Nyonor malba yeme?