¹ Ngho igarantor mbuyen igboro nrogitom nyondege ngor iborr meba ndege. Igbogbodo mborombonta iboleh, mbongho njok fenghe jol gor iborr ishijeh. Ushimirr beh ijolor na njol ngha ayugugorr yeh ifengheh jol na agor ngon. ² Afele ifufit ikpagate nji tekeh, nji iribor gor uboblome. Akak nrabkpada ubob beh ngor agboro aya nembi uboblom beh ngor iyomondege ³ Ngho igarantor aba ran ngor igboro ilom na irana mgbe ngha. Igaranti aranor, aran arimini ibong joke ne agboro alom bor. ⁴ Igaranti aran arimini ibongho joke njol yon, mbayok ilom ngor iborr "rubor nya adan arimini ibongho. Ka yon bom" ⁵ Ngho igarantor nrogotom weh nyeneh yemogor iborr agboro alip neh nyomo ndege yib ubob lombeh teb iborr. ⁶ Aba tere jengor nenyor nenor ikpen igen geng neh igeng-geng, weh lemor iborr neh abodo wanya ireror ngho, ndege neh abodo nya ireror ngho waa, agboro aya fufene neh abodo nya iyobor ngho waa, nrogitomfonor fengheh bong, urongh igara inimkpeh bajolor. ⁷ Fufeneh, ufomfombi nrogitom ishi irimini ba yoror ntang yeh, ngho igarantor utan ikor Ishor ibatebe, fufene na atoror ateng tenghe alom kaba yeneh amirr ba rogitom. ⁸ Ilom ti nyogor gor iborr ikpeh bong nenama. "Shong, kor irib ribeh ikpagate mbirerogor ubub nrogitom yemogor iborr agboro alip ne nyomo ndege. ⁹ Mba tumyi top nrogitom fomor ngho igarantor fengheh takeh nor akameh ikpagate nji tekeh. Aba bong nenama, kor ikpagate fonor nogor ali. Iba leme alaya ilol, ifengheh lege nghonyor mana alip ukongha. ¹⁰ Mba kor ikpagate ji tekeh fonor ngho ubob nrogitom fengheh li. Ilege na alip ukon ngor nyomama, igarantimbeh li, ala yama iyor ba lol. ¹¹ Ngho igarantor nendege ba bong nenama, wor akpebamirr yen gum ane dol, abugor, alom neh Atol."