¹ Mbor kalameh irabgbon ite na ibele nor nkor lem na ikongho kigan. Atak meh, tum yeme nogor agan mbobikun iborrIshor ne idi yeme lem ikorbashi, nemba iyor tek Ishor ngho ateng. ² Ka fengheh gan ikantek shaga mbobikun tep neh mbor bu fengheh neji ka aneb Gentiles. Mbor ba dugor igboro inonob ibugor fonor kak ngor amerr atilani neh amerr abal. ³ Mba kaga atensheh bama ishibal ikor normboryeneh amirr ngor atuu unor mbreng neh atilabal neh atilara neh ikorr, kak ajaga awurr. ⁴ Atensheh nya ba ireror ate akurr uyebilu abal neh agbada atrikang abal mba ibeh yeme gor ushimirr Ntol mfam. ⁵ Jolor nendendege lemobor ijom ngan ibajogo gor nyobor fengheh li anebujing mbor Nendendege weh ikoreh nogor ayol bor, bakpogor ngha mbarr nya. ⁶ Atensheh nya ikpe ikor nor mbor bam mborombonta inyor ilip itikpeh banaga ngor atuu nya mbotoror. Mbor kpe ikor nogor mbor tap alip shere along fengheh lemfam fon ikped uyam bi ndendege igara ntendegedege nti ikoror bor. ⁷ Igaranti mbor beh malmbong utanikor bor, nyamyi jogor gor iberr nti ika kpelor itulor banog ita nebor. Ababor bobor fengheh yole bor. ⁸ Ngopji bor ba nongho gor mbarr igboro ibugor (nji ireror mfongho mbeng Sodom neh Egypt) ngor idi Ntol bor kpolor. ⁹ Ngor atu ara neh ikikibeh gbeb gor fel neh monshe, ibugor, ilomibong, neh igboro ibugor iba yenehagopji bor. Mbor nimba bor kaga ikor nogor mbor kakbor ngor ulim. ¹⁰ Mba inenor ngor mfam iba fonor igere kak bor fengheh lemikak. Mbor fengheh batomo abodo tugor aterm tep neh bayeneh amirr abalaba nengheh mba inenor gor mfam. ¹¹ Igaranti atu araneh ikikibeh nya ibeh sheng, iyor ikpen ngor idi Ishor ibabor yeleh, mbor fengheh batumo yeme ngor kpada bor. Anemba ibabor yeneh iba fonor igboro ubol. ¹² Ngho igarantor mboba yogo igboro ilom ngor iborr ntiba bongho neh bor, bawungha iborr! Ngho igarantor mboba tumogor iborr yel ikun iborr ngor igbobodo mborombonta nambor feror anebujing bor iyor babo breh. ¹³ Ngho igarantor igboro nfing bajolor, mkpa ibugor fonor bagborgor. Ane atil arimini iba kpogor gor nfing fonor. ikor ifengheh batana anemba inenor ikpen fengheh ka Ishor gor iborr ntigeh. ¹⁴ Igborbolo ibal utanikor ibu sheng. Bree igborbolo ira utanikor ikpi baga ngha tiga tiga. ¹⁵ Igaranti nrogitom igborbolo irimini yoror ntang yeh, agboro alom gor ikun iborr iba bong na: Itek mfam ibu fengheh shere itek Ntol wereh neh Christy moneh afengheh bajolor ikpen igeng-geng neh igeng-geng. ¹⁶ Ngho igarantor anebkol ishi til neh ini mba ibumo ngor ate utol gor idi Ishor igbor kugor ashimirr bor fengheh yor tik Ishor. ¹⁷ Mbor bong, uba ka igafor, Ntol Ishor Ada, won ji areror fengheh jol, tep neh abutara ikorta fengheh jol fel idi. ¹⁸ Agboro abugor ijolor gor alam, fufene akanya ya ibuba. Igara ibulomo ka akpor-kpor nor mbor fon nlama, fufene nor wor aromor bar rogitom neba yenehamirr ba, neh anonob aneb Ishor nemba ifonor ubol ngor mbeng ya, shumor mba ika fulor nemba ifulor. Igara ibuba ka nogor arongho mba imeh rongho nfam. ¹⁹ Ngho igarantor mbobitek Ishor ngor ukun iborr iribeh ijom ukonoyor beh mbor fengheh yen ngor itek jeh. Arana ngon, nshumor tugor,ayork ndan,ukpede ndege neh igboro mfing.