¹ Igboro utanikor ijolor gor iborr nenkal kaga iwuror njol ngor akikilkpada yeh fengheh kugor ikpo neh arogondo igol ne ibal ngor ishi jeh. ² Afonula, fenghe yor rerr nyama ubel ngor akanya ubelemon. ³ Ngho igarantor utanikor mbindege ikpeba jol gor ikun iborr! Bre! ifonor igboro nyam tole weh fonor ashi arimini neh atang igol fengheh fon akpo utol arimini ngor ashi yel. ⁴ Ikelteh ifol arogondo aranya ijolor gor iborr fengheh ndege. Nyamfonor bashaga yeme ngho mboke nenkal nenkal fonor weh yagor bel, inyor ji igaranti abebel abaligeh moneh fonor. ⁵ Ababel monenom, monenom, weh ba breh abugur waa neh utunishi mbor tara moneh katshor neh ite utol beh, ⁶ nenkal fonor fengheh buk yel gor idinji ikakpelor mbeleh neh ate, ngon idi ishor bejoro idi ka-ehi inyor mbor mal yebeh bre kpeh kpeh ngor atuu unor nbreng neh atilabal neh itil nen atuu igole. ⁷ Nghantiga, ita iyolor ngor ukun iborr. Micheal neh barogitome beh iyol nogor nen nyor fonor nyam fonor nebarogitome beh iba nok nenyam fonor fufene. ⁸ Nyam fonor fonim ikor dol nor ashenghe. Tep neh nor idijindendege ikpem jol ka-eh gor iborr nebarogitome beh. ⁹ Ituntunor nyam nkokolo nimaneh ayor weh yinor neh nim afi ulim weh yor nimeh mfam waa mbor roreh bandege neh barogitome beh fufene. ¹⁰ Ngho igarantor mbayoke igboro ilom ngor ukun iborr. Nghantiga nogor fonor neh ikor neh itek Ishor jreh inuba nen ikor Christy moneh tep neh mkphama mumala gumba mgbayen breh mbobeh rorr bandege. Nenyor kpamo-amamala bolobor ngor ujimirr Ishor Jreh njole neh atu. ¹¹ Mbor bobeh jengor along monjoro neh ilome ibaga tanikor bor, tep neh mbor fonim ikorr mkpen bor teh teh iku. ¹² Ngor ikukulor, gereh wun akuniborr neh wamba inenor ngho ateng bor! Ndon fenghe jol ka ndege neh agboro alip, tep neh nimbu fengheh ndege ka wun! Abu rorr neh uyamitem nakang fengheh yi mbeh weh kpe monigara tekeh! ¹³ Igaranti nyam fonor kunor namborbeh ror fengheh ndege, aba kam nenkal fonor weh bebel mone nom. ¹⁴ Ngho igarantor mboba ka nenkal agbugbuk abal nya igboro irok inyor ji amalba bugor jigor idinji mbobeh joro ka-eh ngor idinji ate neh mbeleh ikare ror. Idinja iyolor idinji mbor mal yebeh breh kpeh ngho igara, igara feb neh ikikibeh igara-shaga idi nim. ¹⁵ Nim fonor kulor alip gor nyomeh joke na ayangha inyor ji abalime alab irorr tap nenkal fonor tum. ¹⁶ Ndege fengheh bakak nenkal fonor ubor. Ndege ba ribeh nyor meh fengheh meleh alip ma nyam fonor kulor kulor yigeh gor nyor meh. ¹⁷ Ngho igarantor nyam fonor bayaga nenkal fonor abor fenghe tum nor ayi nogita neh nib yenyi beshaga, mba ibomor mbene ishor fengheh renghe utanikor Jesus. ¹⁸ Ngho igarantor nyam fonor fenghe bayeme gor ndege mkpaya.