¹ Ngho igarantor nyeneh iborr mfemfeh neh ndege mfemfeh, tep neh mgbombarr iborr neh mgbombarr ndege ibu sheng tum, agboro alip ikpem jol. ² Nyen iweweleh ibugor, Jerusalem mfemfeh iruror jok ngor iborr idishor bandege, loke ngopji nanenkal webeh loke ngopji ka nomeh. ³ Nyoke igboro ilome ngor ite ntol mbeh breh! idi Ishor nenor ireneh aneh baneninebor. Mbor ba jolor anebeh Ishor fonor fengheh jol nebor afenghe jol Ishor bor. ⁴ Aba folo abibi shaga bor amirr, fufeneh iku inimkpeh jol afi ufababibi afi urerr-urerr, afi iyamah. Akokolo abodo ibusheng tum. ⁵ Nenwreng weh bumor gor ite utol babong, "breh! nyor lemabodo waa ijol mfemfeh." Abong, nyon bom tep neh mbong nya ire gbole fenghe jol itembaga. ⁶ Aba bong nenama, "abodo nya ibu lem! meyor nreror ngbombarr neh ikuklor, iyigi tulor neh ikumkpuk. ka ne nyor alip iyor koreh, mbakaga alip ijome-ijome nimkor ngor atal alipikpen. ⁷ Nenyor fonor ikor sheng ba ligibone abodo nya, fenghe jol Ishor jeh, afenghe jol monama. ⁸ Fufeneh, kaba begubol, mba ika kpelor ntama, baleme abebe, ba yolyolo, baleme abebe ngor ulongho neh aneh, balemulim batama tugor alogorte neba kpamamumala waa, idibor iba jolor gor iming mingheh ilolo ifobo. Igborbolo ibal iku tingho. ⁹ Idengiri njring ngor igom adengiri arimini ibabong nenama, weh fonor ikpenghe irimini nji iroror neh iku klor akanaya arimini, fenghe bong , bangha. Nyaba tepe nenkal fonor, nkal njoror fonor. ¹⁰ Aba tap me tum ngor ufu ngor igarantor, tum ngor igboro neh igaga igole, fenghe ji tep me iwewele igboro ibugor Jerusalem mbe me yurr gor iborr ba ndege sheng ngor ubor Ishor. ¹¹ Jerusalem ifonor ikor Ishor fufeneh mbara yeh jolor na ininibijome ngha, na mbabara utal. ¹² Afonigboro irarab igigereh neh abobigole neh aboe abal neh adengiri ishigole ne ibal ngor abobor. Ngho iteluke fonor iyonor abeng abugor abon Isreal igole neh ibal. ¹³ Aboh ara ijolor ngor mkpa uborblome, ara ngor mboke, ara ngor njim, neh ara ngor mkpa uborbkal. ¹⁴ Igigireh ibugor fonnor, ifonor abome tulor igole ne ibal, fenghe fon abeng igole ne ibal barogitome njoror. ¹⁵ Nenyor bonghor nenama fonor nige kigan milemor ne iformform ikongho nor aganibugor fonor, aboye ne igigre je. ¹⁶ Ibugor fonor nkagaye jolor akpagha, arabaye ijolor credede ne akpangha ye. Agan ibugor fonor ne nege fonor, atiligole ne ibal ngor araba(araba ye, akpangha ne ijolor kredede). ¹⁷ Aba gan igigre je fufene atil-arimini-ne-ani ngor ngara ne (inji bagor reror ngara idengiri fufene). ¹⁸ Igigre fonor itobo ne jasper fenghe jol ibugor aformform-akongho werr, na ayene gbole ngha. ¹⁹ Abomtulor igigre fonor ibolo ne feikpid inonob utal mbi ndegedege. Mgbogor mbarr jolor jasper, igborbolo ibal ijolor Sapphire, igborbolo ira ijolor Agate, igborbolo ini Emerald, ²⁰ igborbolo iron ijolor Onyx, irara ijolor Carnelian, irimini ijolor Chrysolite, inig-ini ijolor Beryl, irum-igol ijolor Topaz, igol ijolor Chrsoprase, igol-ne-njireng ijolor Jacinth, ngor ikuklor, igole-ne-ibal ijolor Amethyst. ²¹ Aboh igole-ne-ibal fonor ijolor Pearls igol-ne-ibal; fel aboh ileme ngor pearl njireng. Aborn abarr ibugor fonor ifonor aformform-akongho gbole na inyene. ²² Mkpem yen itaba ikorbashi ngho ibugor fonor, teb ne igboro Ntol Ishor ne mon njoror ba ireror itaba ikobashi je. ²³ Ibugor fonor ilagem njole afi umerr ngor irana teb ne iglory ishor iyala teb mon njoror fenghe jol itrikang je. ²⁴ Abugor ibajen jengho irana ibugor njingho. Atol ndege ibakogor ntige bor baka-eh. ²⁵ Iteluk fonor inimyor babama ngor igara njole, ijinghe inimfenghe ba jolor ngho. ²⁶ Mborba kogor iglory ne nkaga abugor wa ba ngor ateng ye, ²⁷ fufene ijomeji ikabaror njindege inimba yele ngor ateng ye, afi nendege we lemor ijomeji ikawelor afi nima ane shengm mba abeng bor iyonor ngor nwerr ikpen mon njoror.