¹ Ngor igarantor, nyene idengiri imeba ndege ngor iborr. Afonor igbogoror iberr nti ika kpelor ikumkpuk fenghe fele igboro mgbagorbor ngho ubobe. ² Aba tab nyam ishi irimini fonor, nkokolonimaneh we reror nim, afi nimikol, gba-eh ngor nda atitil. ³ Fenghe ror-eh kag ngor iberr nti ika kpelor idulor. Abambolo ye fenghe robor iborr teh timeh tugor. Ntingha ijolor nor inyor atikpeba nimeh abugor teh teh teh nda atitle nyor bujen. Ntingho ijen atege kpeba jolor ngor ikikibe igara teke. ⁴ Ngho igarantor, nyene ate utol, mba ibumor ngor, ijolor mbambor bebor ka ikor norgor mbor lam. Fufene, nyene afu anemba mbor be bor nereh ashi teb ne utoror abaga tanikor gum Jesu ne ibongishor. Mbor tamum tugor nyam fonor ne mfongho ye, fenghe ten nor mbor fon arenghe teh ngor mbok bor afi ngor ubor. Mbor fenghe ba ikpen, fenghe je n ne Christy ngor nda atitle. ⁵ Akpor-kpor mba ishagor ifenghim ba ikpen teh teh teh nda atitle fonor imal. Mgbombarr nyimeh jogor idigbole yingha. ⁶ Inonob neh shumor gor mgbombarr nyimeh jogor idigbole! Ishenghor nya ishaga, igborbolo iku ikpemikor.Adimishor ibajolor ne mba Christy fenghe yor jen nene ngor nda atil-igole. ⁷ Igara nti nda atil-igol fonor ibe klor, nim ba jogo ngor mgbagorbor ye. ⁸ Aba jogo norgor aji nime abugor ngor akpa ani ndege-Gog ne Magog- norgor akorbor ba kornor ashi teb ne ita fonor. Mbor ba jolor feb na ibubu agboro aya. ⁹ Mborba tum ngor iborr akpangkpangha mbarr ndege fenghe jibeh idi jijol anonob aneb Ishor kak. Inonobibugor. Fufene, ngon iyurr gor iborr ba ndege fenghe li bor waa. ¹⁰ Nim fonor we nimor bor tugor, mbor roreh kag ngor idi ilolo atong, ngor idi nyam fonor ne nyen-amirr mkpam-umala mbor roror bor kak. Mbor ba jolor akanya njole ne atu ikpeng-igeng-eng-ne-igeng-geng. ¹¹ Ngho igara ntor, mba nyen mbabara ite ntol nene nyor bumor ngho ite utol fonor. Ndege ne iborr ibuk shageh ngor amirr, idi fengm jol ka bor nor mborji. ¹² Nyen akune-mba ifulor ne mba ika fornor ifan-iyemor ngor mboke ite utol fonor, awerr fornor ifenghe ribeh. Ngho igara ntor nwerr nyi ndege kpe ribe -nwerr ikpeng. Akune ifonlama jengor ijome nji iyomor ngor awerr, gara gor nleme bor. ¹³ Agboro-aya iyaga abor ngor akune mba iyoromor nghor. Iku ne Hades iyaga akune mba ijolor ne bor, fufene akune ifon nlama gara nleme bor. ¹⁴ Iku ne Hades iroror kagor ilolo ngon. Ngha igborbolo iku ti- ilolol ngon. ¹⁵ Jolor mbeng ne wen nji ndege-dege ika yomor ngor nwerr ikpen, mbor ror-eh kag ngor ilolol ngon fonor.