¹ Igaranti abodo nya ibeh sheng nyogijome nji ibongho na igboro ilome igomaneh dole ngor ikunn-iborr imeh kok jor "uyebitem". Nnogor, nkaga ne ikorr ire ka Ishor. ² Nlamayeh rayitembaga fenghe jol de-de-de, tep neh abulam igboro neh akapa, weh berfele ndege rongho neh ibebe ikpenakpara teh. Abukor kumashi along ba rogitome beh, ma wer fonor fabor. ³ Mbor ba bong ngor mkpelibal, "uyebitem! Atutuk iyor jok ngho ngobji yeh ikpenieng-geng. ⁴ Anepkol isihitil ne ane ani fonor neh uyam ikpen ini igbor nongho fengheh tigeh Ishor nji bumogor ite utol. Mbor yol bongho na; nogijol nor "uyebitem! ⁵ Ngho igarantor, ilomibajok gor ite utol yor bong, tik-Ishor jireh, wunbarogitome beh waa, wunbafonor ubol beh, shumor nemba ikakpelor ifang nemba ikpelor ikor ⁶ Ngho igarantor mkpeh yokijome jibongho na ilome igboro malaneh ngha, kpeh fengheh jol na iyok alipfeb, nena igboro ayok ndang yor bong, "uyebitem! tep neh Ada, igboro Ishor jire ⁷ Nogor ufon uyebitem yibeh yuror fengheh ka-eh ntigeh tep neh ikak ukonibal mon njoro Ishor ibuba, nkaleh buloke ngobji fufeneh. ⁸ Ikor ijolor ka-eh nombor kageh abodo nya inonobor ibabaror neh iwewel iwuror. (tep neh inonob iwuror jireror inonob nleme awewele aneb-Ishor) ⁹ Idengiri fonor babong nenama, nyon tingha: inonob ireka anemba mbor tagor bor ikak ukornibal mon njoror Ishor. Aba bong nenama fufeneh, Mbong itembaga Ishor yangha. ¹⁰ Mba gbor nongho ngho akpada yeh nor ntigeh, afengheh ba bong nenama. Ntingha kalem! mer nrogitom na wor fufeneh yor neh agbanyi mba ikpelor mbong atutoro gum Jesu. Tik Ishor, tep neh mbong atutoro gum Jesu ufuyeneh amerr bi. ^{13 11} en ukun-iborr ibeh ribeh ngho igarantor, mfengheh breh yen mbabara mbonkang ngho idi fonor. Nenyor yor fengheh yineh inonob neh itembaga neh itembaga njingha ji ayor lam fengheh bom-itah. Amerr yeh irena iming ¹² mongheh ilolo ngha, neh akpo utol feb ngho ishijeh. Apke mbeng yi yonor ngho ngopji yeh nyi neneh kayilor shengm wer fonor. ¹³ Ayor kak ijomji iyinor gor along, mbeng yeh fengheh yineh ilom Ishor. ¹⁴ Bagomo ukun-iborrr mba ikagor anonob, ababara neh awewele awuror fengheh komogor abonkang iyor toneh. ¹⁵ Ikorr ntumor ijogo ngho nyomeh yigom abugor abid fengheh yor fele bor neh utunishi. Ayedeh amum uyamitem akanya Ishor ji fulor. ¹⁶ Akpe mbeng nyi yonor ngho mgbangha yeh gor utabeh, Ntol katol waa neh ada kada waa. ¹⁷ Nyeneh idengiri yemogor njol. Aba koke joke gor igboro ka aroke waa nya imebugor iborr, ba, konouwun ashi idijreng gor ikak Ishor. ¹⁸ Ba wun nogor wun li ngopji Atol, ngopji anekol, ngopji agboro aneblome, ngopji abonkang neba feng fenghe bor,neh ngopji anewa, mba ikareror ajo neh njo, mba ika kpelor ifan nemba ikpelor ifan. ¹⁹ Nyenyam fonor bodo neh Atol ndege neba gome gomobor. Mbor jolor idijreng yor lam namboba nogita nene nyor fengho mbonkang fonor nengome gomo weh. ²⁰ Mbor bob nyam fonor neh mkpamamumala nyen amirr weh lemor abaga tanikor ngho ujimirr beh. Ngha utanikor abaga nya, animeh mba ifonor irenghe nyam fonor, fengheh tik nfongho yeh. Mbor roror bor mberr mberr kagor iminmingheh ngon atong mimeh lol ²¹ Mba ishagor mboyolo bor gor ntumor nyi jogor nyor nenyor fengho mbonkany fonor. Aroke waa ili ikpor kpor ngopji bor.