¹ Ngho igarantor, idengiri tep meh alip ikpen, barr nahkporung, Ijol fab nghorite Ntol-Ishor. ² Isheng nghor iteng-tenghe abornabarr ibugor fonor. Fel mkaya fonor, fonor ite ikpen mbitunghor agbid amogor ate igole neh ibal, fengheh yor tongho amogor yeh felumerr. Nyana ite fonor ireka uteleh abugor. ³ Ntemeh yinden-degeh inimpeh bajolor ite Utol-Ishor nenji njoro ibajolor gor ibugor fonor abornineneh beh ifengheh yabeh rogor. ⁴ Mborba yeneh ushimerr ber, mbeng yeh fengheh ba jolbor ngor abokbor. ⁵ Ijingheh inimkpeh jol, mbor nimkpeh bashebeh irana imolor afi irana njol, tep neh Ada Ishor bayaga boloh bor. Mbor ba bemer nghor ite Utol fonor lomogor ikukulor. ⁶ Idengiri iba bong nenema, Mbonya ire de-de-de fenghe jol itembaga. Ada Ishor nji afu bayeneh amirr, batome idengiri beh nogor ayitep barogitome beh ijomji iba gbogor nghatiga ntiga. ⁷ Breh! mkpe baga ngha ntiga ntiga.! Inyah ireka nenyor kpelor nkaga ka mbong uyeneh amirr nwerr nya. ⁸ Meh, John meyor nreror nenyor yogor fengheh yen abodonya. Igaranti nyogor fengheh yenbor mgbor fenghe teg ngor akpada idengiri nyor yolor tep meh abodo nya. ⁹ Aba bong nenama, Kalem ntinghor menrogitome na yor,neba nyeneh amirr agbayen mba neh anemba ikpelor nkaga ka alom nwerr nya. Teg Ishor ¹⁰ Aba bong nenama, Kasheleh mbong nwerr uyeneh amirr nya, tep neh igara fonor ibu shaga ikpedi kped. ¹¹ Nenyor ka reror dedede, nor ayor lem asha shab nininor shong. Nenyor ikpen teh ika reror de-de-de, nor aneneh ikpen nti ika reror de-de-de nininor. Nenyor reror werr nor ayor lemijomji ireror de-de-de nininor, Nenyor reror wele-wele jol wele-wele nininor. ¹² Breh! mkpi bagah ngha ntiga tiga nromor yamah ire nenama, nogor ngal fel neh gara gor nleme yeh. ¹³ Meyor nreror iyigitulor fengheh jol ikukulor, mgbombarr neh ikukulor. ¹⁴ Inya ire ka anemba iroror awuror bor inyor nji mboba fonikor li ite ikpen fenghe yel iteluk ibugor fonor. ¹⁵ Ngor idigbol uborbi, babogor ifa, bashebe akob neh ari, ba yolaneh bajomologte, bayoyolo, neh felneh nyor kpelor ikorr fenghe yor lem abodo nkemeh. ¹⁶ Meh Jeus, mbutome idengiri yama nor aba toror gum abaga nya ka akorbashi. Meyor nreror nruk fengheh jol nib David nrogondo ufomfo nyi sharr. ¹⁷ Ufu neh mbalnorm fonor ibong, ba! nogor nenyor yoke bong, ba! nendendege nyor kpelor ikorr alip, nogor aba, neh nendendege nyor meshep nogor aba kor alipikpen, abor-abor. ¹⁸ Mkpi toro ka nendendege nyor yogor alome nwerr uyeneh amirr nyah. Jolor nendendege bodor nghor ateng, Ishor yebeh bodo akanyanya nya nwerr nya yonor gum. ¹⁹ Jolor nendendege yigor alome nya shaga nwerr uyeneh amirr mba, Ishor ba yigeh mbaga yeh shaga ite ikpen neh gor inonob ibugor nji nwerr nya yonor gum. ²⁰ Nenyor toror gum abodo nya bongho na; itembagaji mkpebaga ngha tiga tiga. Nor ijolnor! ba! Ada Jesu! ²¹ Igrasha Ada Jesu ijol nenineh waa nogor ijolnor.