¹ Kabulyaho, aha kali shika tu wora o ku zitenda, to kuazyara ye mburotu kusiyara mwa Azeni twenke. ² Netwa tuma Timoteya, mukwetu no mubeleki wa Nyambe mu rumiwa bwa Kireste, kumi goresa noku mi omba omba ku amana ne ntumero. ³ Nitwa tenda zizi o kuteye kwaazya ozyo shaka na nyungiwa kaa mashando. Kakuli mubeni muzyi ye ezi nzezo nitwa keterwa . ⁴ Zachaha, aha katu kere newe, nitwa kusumwina neku shina nako kuteye shetwina hafwihi noku shandiswa, mi nikwa tendahara bulyaho, shinaha muzyi. ⁵ Mi ke lyo ebaka , aha kali shika ndiora ku lindira, ninda tuma oku tiye ndi zyibe ke ntumero zenu. Hamwi o muliki na milika, mi musebezi wetu kawuli wa bulyo. ⁶ Kono Timoteya na kezya kwetu kuzwa kwako mi na turetera e mbuzi ndotu ye ntumero ne lato lyenu. Natu sumwina ye mukwesi e ngazyaro ndotu ku amana neswe, mi mushilire oku tubona shina omu tushilire oku kumi bona neswe. ⁷ Kabulyaho, bayawe, tu ombwa ombwa kwenu kebaka lye ntumelo yenu, no bu kababu tukere mwabo noku likalilirwa. ⁸ Mi hanu tuhara, haiba muzyimana ko kugora ku Nfumu. ⁹ Ko buitumero nji tuwora kuha kwa Nyambe kenu, ke mboterwa zonshe tukwesi habuso bwa Nyambe hawiru lyenu? ¹⁰ Masiku ne Kamwi turapera hawa ye tubone echi fateho chako mi nokuha echo chi bulisikite mwi ntumero. ¹¹ Nyambe Shwetu eye yemwini, ne Nfumwetu Jesu, a tusunde njira iya kwenu. ¹² O Nfumu ami hingise no ku mishanganya mwi rato zyumwi kwa zyumwi mani noku bantu bonshe, shina mbulyaha tu mitendera . ¹³ A tende bulyena okutiye agorese e myozyo yenu muku sha nyansahara mu kuchena habuso bwa Nyambe Shwetu muku kezya kwa Jeso Kiresite wetu ni bakwe bonshe bachenete.