¹ .ಅಹಿನ ಕೊನೆ ದಿವಸಮ್ಲ ಬಯಂಕರo ದಿನಾಲೂ ವಸ್ಥಹಿ ಅನಿ ತಿಳ್ಚನಿ ಕರ್ತಡು ವಚೋ ಲೋಗ ಏಚರಂಗ ಹುನ್ನಡಿ. ಸ್ವಾರ್ಥ ಚಿಂತಕಲು ² ಬಡಾಹಿ ಕೊಚ್ಹೊನೋಳು ಡಭ್ಹು ಅಸೇಲಹುನ್ನೋಲು ತಂದ್ರಿ ತಲ್ಲಿಕಿ ಅವಿದೆಯಲು ಉಪಕರಂ ಸೈಕುನ್ನೋಲು ಅಹಂಕಾರಿಲು ಕುಟುಂಬನಿ ³ ಸರಿಯಂಗ ಸುಡ್ಕನೋಳು ದೇವುಡಲ ಭಯಂ ಲೆಕುನ್ನೋಲು ಕನಿಕರಂ ಲೆಕುನ್ನೋಲು ಮಮತೆ ಲೆಕುನ್ನೋಲು ಸಮಾದನಂ ಲೆಕುನ್ನೋಲು ಚಾಡಿ ಸೋಪೋಲು ದೆಹುಡ್ನಿ ಪ್ರೀತಿ ಕುಂಡ ಬೂಗಮ್ಲ ಪ್ರಿತಿ ನ್ಚೋಲು ಯೇಪುದೈನ ⁴ ಸೆಡದನ್ನಿ ಯೋಚಿನ್ಚೋಲು ಅಹಿನಲು. ಉಗ್ರಕೋಪಂ ಹುನ್ನೋಲು ದ್ರೂಹಿಲು ಹುಬ್ಬಿಕೊನಲು ಐನಲು. ⁵ ವೆಷಹುಂಡಿ ದನ್ನ ಬಲಂ ವೊದ್ದು ಅನೋಲು ಅಹಿನಲು ಇಟೋಲಾ ಸಹವಾಸಂ ಸೆಯದು. ⁶ ಇಂಟಿಲ ಪೋಹಿ ಪಪಲು ಸೇಸೋಳು ಪಾಪಂ ಅಡೋಲ ಸಹವಾಸಂ ಸೆಸಿ ಕೊನೋಳು ಹುನ್ನೋಲು ಹೂಡಲು. ⁷ ಮಂಚಿ ಬೋದನೆಲ ಇನಿ ಸತ್ಯಂ ಪರಿಜ್ನ್ಜಾನoನಿ ಪೊಂದಿಕೊನೋಳು ಅಹಿನಲು. ⁸ ಯನ್ಸ ಯಂಬ್ರ ಅನೋಲು ಮೊಶೆಕಿ ವಿರೋದಅಹಿ ಹುನ್ನತ್ಕ ಅ ಮನುಸ್ಯಡು ಕೂಡ ಸತ್ಯಂನಿ ವಿರೋದಂ ಸೇಸ್ತರು ಬುದ್ದಿ ಲೆಕುನ್ನೋಲು ಕಿಸ್ಥ ನಂಬಿಕೆನಿಂಕ ಬ್ರಸ್ಟಲು ಅಹಿನಲು. ⁹ ಇನ್ಕ ವಲ ಪ್ರಯತ್ನಮು ಅಯ್ಳೆದು ವಿಲ್ಲ ಮೂರ್ಖ ತನಮು ಅನಿ ಜನಲ್ ಮುಂದ್ರ ತಿಳ್ಚಿ ವಚಿನಟೆ ವಿಲ್ಡಿ ತಿಳ್ಚಿ ವಸ್ಥದಿ. ¹⁰ ತಿಮೋಥಿ ನುವಹಿನ ನನ್ನು ಅನುಸರಿನ್ಚೋ ದೈಹಿನಾ ಬೋದನೆ ನಾ ನಡತೆ ಉದೆಸಂ ನಂಬಿಕೆನಿ ದೀರ್ಘ ಶಾಂತಿ ¹¹ .ಪ್ರೀತಿ ಸೈರಣ ಇವಟ್ಲ್ನಿ ಅಂತಿಯೋಕ್ಯ ಇಕೊನ್ಯ ಲುಸ್ತ್ರ ಅನೆ ಪಟಣಲೋಗನಿಂಚ ಎನ್ಥ ಹಿಂಸೆಲ್ನಿ ಅನುಬವಿಂಚಿನನು ನುವ ತಿಳ್ಚೋನೋಡು ನೇನು ತಿಳ್ಚೋಕೋ ಡು ಅಹಿಂದಿ ನೇನು ಎoಟ ತೊಂದರ್ಲನಿಅನುಬವಿಸ್ಥ ನೇನೋ ಅವ್ತಲ್ನಿಂಕ ಕರ್ತಡು ನನು ವಿಡಿಪಿಂಚಿನಡು. ¹² .ಕಿಸ್ಥ ಯೇಸುಲ ಭಕ್ತಡಾಹಿ ಜೀವಿನ್ಚಲಅನಿ ಮನಸು ಸೇಸೋಲ್ ಅಂದ್ರು ಬಾದನಿ ಅನುಬಿನ್ಸ್ಥರು. ¹³ ವಂಚಕಡು ಇತರಲ್ನಿ ಮೋಸಂಸೇಸ್ಥ ವಾಡೆ ಮೋಸಂಪೋತ ಹೆಚಂಗ ಸೆದ್ದ ಪನಿಕಿ ಪೋತಲು. ¹⁴ ನುವ ನೆರ್ಚೋಕನಿ ನಂಬಿನ ಬೋದನೆಲ ದ್ರುಡಂಗಹುಂಡು ನೆರ್ಪಿನ್ಚಿನೋಳು ಯೋಳು ಅನಿ ಚಿನಪ್ನಿಂಚ ನಿಕಿ ಗ್ರಂಥoಲ ಪರಿಚಯಂ ಅಹಿಂದಿಕದ. ¹⁵ ಯೇಸುಲ ಪೆಟ್ಟಿನ ನಂಬಿಕೆನಿಂಕ ರಕ್ಷಣೆ ಪೊಂದುನ ಜ್ಞಾನo ಪೊಂದದಂಕಿ ಶಕ್ತಿಅಹಿಂದಿ. ¹⁶ .ದೆಹುದ ಆತ್ಮನಿನ್ಕ ವಾಚಿನ ಪ್ರತಿಒಕ್ಕ ಶ್ವಸಮು ಉಪದೆಸಂಕು ಖಂಡನೆಕು ತಿದ್ದು ಪಟಿಕು ನಿತ್ಯನಕು ಉಪಯುಕ್ತ ಅಹಿಂದಿ. ¹⁷ ,ದಾನಿಂಕ ದೆಹುದ ಮನುಸ್ಯಡು ಪ್ರವೀಣದೈಹಿ ಅನಿ ಮಂಚಿ ಕರ್ಯಂಕಿ ಸನದ್ದ ಅಹಿನ್ತಡು.