¹ ದೇವುಡು ಮುದ್ರಾ ಮಳೀ ಜೀವಿಚುಲಕ್ಕಿ ಸಚ್ಪಯೀವುಡುಲ್ಕ್ಕಿ ನ್ಯಾಯಮು ತಿರ್ಪದಾಕ್ಕಿ ವಚ್ಚ ಕ್ರಿಸ್ತಯೇಸುಡು ಮುದ್ರಾ ಅತ್ಡು ಪ್ರತ್ಯಕ್ಷಡು ಮೀದ ಆತುಡುರಾಜ್ಯ ಮೀದ ಆಣೆ ಪೇಟೀ ನಾನು ನಿಕ್ಕಿ ನಿಜಮೈ ಸೋಪದಿ ಎಮಟೆ - ² ದೇವುಡ ವಾಕ್ಯಮೂ ಸಾರು ಅನುಕೂಲಮೂ ಮೈನ ಕಾಲಮುಲ್ಲ ಅನುಕೂಲಮೂ ಲೇಕುಡ ಕಾಲಮೂಲ್ಲ ದಟ್ಲ್ ಆಸಕ್ತರೈ ಉಂಡಲಾ ³ ಪೂರ್ಣಮೂ ಧೀರ್ಘಶಾ೦ತಿಮೂ ಯೀಚ್ಚಿ ಉಪದೇಶಿಚ್ಚಿ ಖಂಡಿಸ್ಥಾಡು ಗದರಿಸ್ಥಾಡು ಎಚ್ಚರಿಸ್ಥಾಡು . ಎಂದುಕು ಅಂಟೆ ಜನಲು ಸ್ವಸ್ಥಬೋಧನೆನ್ನಿ ಸಹಿಚ್ಚ ಕಾಕುಡ ಕಾಲಮೂ ವಾಸ್ಥದೀ ; ದಾಂಟ್ಲ್ಲ ವಾಲು ತೀಟೀ ಸವ್ಳು ಉ೦ಡಮೈ ವಾಳು ದುರಾಶೆಲ್ನ್ಕ್ಕಿ ಅನುಕೂಲಮೈನಾ ಅನೇಕ ಉಪದೆಶಕಲ್ನ್ನಿ ಪೇಟ್ಕಟಲು . ⁴ ವಾಳು ಸತ್ಯ ಬೋಧನೆನೀ ಯೀನ್ಕುಡ ಕಲ್ಪನಾ ಕಥೆಲ್ನೀ ಯೀನದಕ್ಕಿ ಪಾತಳು . ⁵ ಐನಾ ನುವಾ ಅನ್ನಿ ವಿಷಯಮೂಲಾ ಸ್ವಸ್ಥಚಿತ್ತಲೈ ಉ೦ಡಲಾ, ಶ್ರಮೇನೀ ತಾಲ್ಚಕಾನ್ಲಾ ಸುವಾರ್ತಿಕಡ ಕೆಲಸನೀ ಸೇಯಲ್ಲಾ , ನುವಾ ನೇಮೀಚಿನಾ ಸೇವೆನ್ನಿ ಲೋಪಮೂ ಲೇಕುಡ ಸೇಯಲ್ಲಾ . ⁶ ಎದುಕು ಅಂಟೇ ನಕ್ಕಿಆತ್ತು ಇಪುಡು ಪಾನ ದ್ರವ್ಯನೀ ಅರ್ಪಿಚ್ಕನೀ ಉ೦ಡನು ನಾನು ಪಾಯೀ ಪಾಯ ಸಮಯಮೂ ಹತ್ತಿರಕ್ಕಿ ವಾಚ್ವ್ಹಿದೀ . ⁷ ಶ್ರೇಷ್ಠ ಹೋರಾಟನೀ ಸೇಸ್ತ್ತಿ , ನಾ ಓಟನೀ ಕಡೆಗಾಣಿಸಿತನ್ನು , ಕ್ರಿಸ್ತ ನ೦ಬಿಕೆನ್ನಿ ಕಾಪಡ್ಕಾತನು. ⁸ ನೀತಿವ೦ತಲ್ಕ್ಕಿ ಸೀಕ್ಕದೀ ಜಯಮಾಲೆ ಮುದ್ರಾ ನಾಕ್ಕಿ ಸಿದ್ದಮೈ ಉ೦ಡದೀ ; ದಾನೀ ನೀತಿಮೈನಾ ನ್ಯಾಯಧಿಪತಿಮೈನಾ ಕರ್ತುಡು ಆ ದಿನಲಾ ನಾಕ್ಕಿ ಯೀಸ್ತಡು ; ನಾಕ್ಕಿ ಕಾಕುಡ ತನ್ನ ಪ್ರತ್ಯಕ್ಷತೆಲಾ ಪ್ರಿತಿಚುಲ್ನೀ ಅದ್ರೂಕು ಯೀಸ್ತಡು . ⁹ ನಾ ಹತ್ತಿರಮೂ ಬೆರ್ನಾ ವಚದಕ್ಕಿ ಪ್ರಯತ್ನಮೂ ಸೇಯಲಾ ; ಯೇದುಕು ಅ೦ಟೆ ದೇವುಡು ಇಹಲೋಕಲಾ ಪ್ರಿತಿಚ್ಚಿ ನಾನೀ ಯಿಸ್ಪೇಟಿ ಪಾಯಲ್ಲಿ , ¹⁰ ಕ್ರೆಸ್ಕನು ಗಲಾತ್ಯಕ್ಕಿ ತೀತಾಡು ದಲ್ಮಾತ್ಯಕ್ಕಿ ಪಾಯೀಲೀ ; ಲೂಕ ಮಾತ್ರಮೂ ನಾ ಜೋತ್ಹ್ಲ ಉ೦ಡೀ . ¹¹ ಮಾರ್ಕ ನಾ ಜೋತ್ಹ್ಲ ಪಿಲ್ಚ್ಕನೀ ರಾ ವಾಡು ನಾ ಸೇವೆಕ್ಕಿ ಉಪಯುಕ್ತಡು ಐನಾಡು . ¹² ತುಖಿಕಡು ಎಪ್ಹೆಸಕ್ಕಿ ಆಪೀಚೇ . ತ್ರೂವಮೂಲಾ ನಾ ಕಾರ್ಪನ ಜೋತ್ಹ್ಲ ಯಿಸ್ಪೆಟೀ ವಾಚ್ಚಿ ಮೀದ ¹³ ಮೇಲ೦ಗಿನೀ ಪುಸ್ತಕಮೂನೀ ಮುಖ್ಯಮೈ ಚರ್ಮ ಕಾಗದಲ್ನ್ನಿ ನುವಾ ವಾಚಗoಟ ಸಿಸ್ಕ್ಕನೀ ರಾ ¹⁴ ಕ೦ಚುಕ್ಕಿಲು ಅಲೆಕ್ಸಾ೦ದ್ರಡು ನಾಕ್ಕಿ ಸುಮಾರು ಕೇಡು ಸೇಸೀ ; ಕರ್ತಡು ವಾಳ್ ಕ್ರುತ್ಯಕ್ಕಿ ಸರಿಮೈ ವಾಡ್ಕ್ಕಿ ಪ್ರತಿಫಲನೀ ಯಿಸ್ತಡು . ¹⁵ ನುವಾ ಸಹ ವಾಡ್ ವಿಷಯಮೂಲಾ ಎಚ್ಚರಿಕೆ ಉ೦ಡಲಾ ವಾಡು ಮಾ ಮಟ್ಲನೀ ಜಸ್ತ್ತಿ ಎದರಿಸತ್ತಡು . ¹⁶ ನಾನು ಮೂದಲು ಸಾರಿ ಪ್ರತಿವಾದನೀ ಸೇಸ್ನಾಪುಡು ಯೂಲು ನಾ ತೋಡು ಕಾಲೇದು ; ಅದ್ರು ನನ್ನೀ ಸಾಯೀ ಯಿಸ್ಪೇಟಿಲ್ಲೀ ಇದೀ ವಾಳ್ ಲೆಕ್ಕಕ್ಕಿ ಸೇರದೀ ಕಾಕುಡ ಉ೦ಡಲಾ. ¹⁷ ಐನಾ ಕರ್ತುಡು ನಾ ತೋಡು ಉ೦ಡಿ ನಾನೀ ಬಲಪಡೀಚ್ಚಿ ನಾ ಮೂ೦ಖತರಮೂ ಸುವಾರ್ತೆನೀ ಸoಪೂರ್ಣಮೈ ಸಾರಲ್ಪಡಲಾ ಅನೀ ಅನ್ಯ ಜನಲ್ಕಿ ದಾನೀ ಯೀನಟ್ಕಾ ಅನೀ ಸುಪೀ ಸೇಸ್ತೀ ಇದೀ ಕಾಕುಡ ಆತಡು ನಾನೀ ಸಿ೦ಹಮೂ ನುಟ್ಯೀಚ್ಚ ತಪ್ಪಿಚ್ಚೆ . ¹⁸ ನಾ ಯಾವ ದುಷ್ಟತ್ಯನೀ ಸೇಸ್ತ್ಕ್ಕ ಕರ್ತಡು ನಾನೀ ಕಾಪಾಡೀ ತನ್ನ ಹತ್ತಿರಕ್ಕಿ ವಾಚ್ಚಿ ಪರಲೋಕ ರಾಜ್ಯಕ್ಕಿ ಸೇರ್ಪ್ತಡು , ಯುಗಯುಗಾ೦ತರಲಾ ಆತುಡ್ಕ್ಕಿ ಸ್ತೋತ್ರಮೂ . ಆಮೇನ್ . ¹⁹ ಪ್ರಿಸ್ಕಳಿಗೂ ಅಕ್ವಿಲ್ಲನೀ ಒನೆಸಿಪೋರನ ಯಿಡುಲ್ಕ್ಕಿ ವ೦ದನೆನೀ ಸುಪುಲ್ಲಾ . ²⁰ ಎರಸ್ತನು ಕೊರಿ೦ಥಲಾ ನೀಲಚ್ಕ್ನಿ . ತ್ರೋಫಿಮನು ಅಸಖ್ಯದಿಂದ ವಾಡ್ನೀ ಮಿಲೀತಲಾ ಯೀಸಪಿಟೀತ್ತಿ . ²¹ ಚಳಿಗಾಲಕ್ಕಿ ಮುದ್ರಾ ವಾಚಾದಕ್ಕಿ ಪ್ರಯತ್ನಮೂ ಸ್ಯೀ ಯುಬೂಲನೂ ಪೂದೆಯನೂ ಲೀನನೂ ಕೌಲ್ದ್ಯಳೂ ಉಳಿದ ಸಹೋದರಲೂ ಅದ್ರೂಕು ಮಳೀ ನೀಕ್ಕಿ ವ೦ದನೆಲು ಸುಪ್ಥಡು . ²² ಕರ್ತಡು ನೀ ಆತ್ಮನೀ ಜೋತ್ಲ ಉ೦ಡನೀ . ಕೃಪೆಮೂ ಮೀಚುತ್ಲ್ಲ ಉ೦ಡನೀ .