¹ Natoda nabhaghambila: mbaghambiye omumajima, mubhamui abhali hani tibhalikuwa, bhatakabhone bhukama bhwa Luhanga mbwisa na maani. ² Enuma ya bhilo mukagha, Yesu nakwata Peetelo, Yakobo na Yohana, na nabhatwala akpengbu amwena. Nabhegululuwa; ³ Engoye siye nsinyengba na nsibha sijelu diyo kuhikiya lulengo lwa kwela olutakabhonekagha munsi. ⁴ Eliya na Musa mbabhabudukilila, bhakala kuhana makulu na Yesu. ⁵ Peetelo amakwata ebhugha naghila ati: Mweghesa kisemeye tukale hani; tukwele bhukumbakumbe bhusatu, kamui kawe, kamui ka Musa, na kamui ka Eliya. ⁶ Nanga tibhabhagha naghabhugha, bhwobha mbubhakwata. ⁷ Kichu nkisa kubhaswikila, n'omukichu omu elaka ndilughamu: oni niye mutabhani wanje mukundibhuwa: mumughuwe! ⁸ Nahonaho, abhakwamilili mbalolakaka makpengbu ghabho, bhakasanga Yesu enkaa aliye atighaye nabho. ⁹ Obhu bhatandikiye kukota mbalugha omumwena, Yesu nabhasabha ati bhataghambila na muntu ebhi bhabhone, kulunduwa kuwo ekilo eki mwana wo muntu alihumbuka kulugha omubhakuwa. ¹⁰ Mbakwate kighambo eki, mbanebhuliya agati kabho kighambo kuhumbuka kulugha mubhakuwa. ¹¹ Abhakwamilili bhe mbamubhuliya: habhwaki abhahandiki bhakughilagha bhati kibaliye dani Eliya adube akide? ¹² Nabhakukamu: Eliya aliduba kukida, na kughomola bhuli kyona. Na ekilekiye kihandikibhuwe abhw'Omwana w'omuntu ngu akubhonabhona kukaniye nakuwawanibhuwa? ¹³ Noo mbaghambiye Eliya akaasa na bhamukolela ebhi bhabaliye ngoku kihandikibhuwe. ¹⁴ Obhbu bhaika ahi na bhakwamili bhe, mbabhona kibula kya bhantu kibhakitiye na bhahandiki mbabhugha nabho. ¹⁵ Obhu ekibula kyabhone Yesu nkiligita ambali ali kughenda kumulamukiya. ¹⁶ Nabhabhujliya ati: mwabhughagha nabha bhiki? ¹⁷ Hanuma, muntu omui kulugh'omukibula na mukuka ati: Mweghesa, nakuleteye mana wanje abhanduwe mulimu ghwa ntamatami. ¹⁸ Na hoona ambali ghukakumukwatilagha, ghukumukumiyagha ansi, atandika kutwesiya kihulo mukanuwa, kwenena ngaga na kweghalaghala, nasabhiye abhakwamilili bhawe bhahume omulimu si noo bhasaghuwa. ¹⁹ Yesu nakukamu ati: ntula etali na nikilija, kwika kilo kii nkubha nanu, ninabhagumisilije? Mumundetele. Mbamuletela ye. ²⁰ Na dumbi, obu mwana abhone Yesu mulimu ngu mudingadingiya na maani; ngumugenga ansi na kutangika kumughalaghala nanatwesiya kihulu mukanu. ²¹ Yesu nabhuliya esewe: omwana oghu amaliye bhilo bhitiya nanakolekana atiyo? Namukuka: kutandika mubhwana bhuwe. ²² Nabhulikilo, mulimu ghukumugengagha omumulilo, keda omumasi ngubala kumwita. Noo, niwabhaye nokuguba kantu, otuyambe, otughwile ngughuma. ²³ Yesu namughila ati: nuwagubiye!...Bhyona bhikugubukanagha owa bhuli muntu oghu akiliije. ²⁴ Nahonaho, es'omwana nataka ati: naikiliije. Wise oyambe obhukafwile bhwanje. ²⁵ Yesu, amabhona, ekibula kya bhantu nkisa mbali ali, natandika kuchoomela omulimu: uwe mulimi ghwe ntami na hungbuhungbu nkulaghiye tuw'omu mwana oghu, na otalitoda kumukukilila. ²⁶ N'omulimu ngumulughoo, nguna takangana na kumudingadingiya na mani gha kaniye. N'omwana nabha nga muku kuhikiya mbali bhantu bhakaniye bhamana bhati akuye. ²⁷ Noo, obhu Yesu amukwete amukono, naamuka, na kumilila. ²⁸ Na obhu Yesu ataaha omunumba na bhakwamilili bhe mbamwebhuliyo omunsita: ekyalekiye otahuma omulimu oghu nkikii? ²⁹ Abhakukamu ati: mulimu ngoghu kusabha Luhanga kukughulukiyagha. ³⁰ Alugha mukakalo eki, kandi abasuka Galilaya. Yesu tali abaliye bhakenge. ³¹ Nanga eghesiyagha bheghesebhuwa bhee, abhaghila ati: mana wa Luhanga akuhebhuwa mumikono ya bhantu, bhakumuita, anuma ya bhilo bhisatu bhamaliye kumuita ahumbuke. ³² Noo abheghesebhuwa bhee tabhakenga ekighambo kiye, kandi bhobhaagha kumubhuliya. ³³ Bhakidaa Kapelenaumu. Obhu bhabhagha omunumba, Yesu abuliya ati: obhutwabhagha mukihanda mwahakangana kii? ³⁴ Bhakala bhaholeye, kundi mukihanda bhahakangana bhwakukenga nani mukulu wabho. ³⁵ Asitama, abhabhilikila ekumi na bhabhili, abhaghila ati: muntu wena nabaliye kubha wokubhanja, alibha wokumalilila mubhona kandi abhe muheleliya wa bhona. ³⁶ Akwata mwana omui muto, amusundukiya akati kabho,amukwata mumikono yee,abhaghila ati: ³⁷ Wen'oghu akwebhaliya mulina lyanje omui mubhani bhani bhana anebhaliye siye nenini, na wena oghu akunebhaliya, talisiyone ebhaliye, noo oghu akantuma. ³⁸ Yohana amughila ati: Mweghesa, twabhone muntu omui nabinga milimu mulina lya wee; na twamutanga, nanga takutukwamagha. ³⁹ Mutamutanga, Yesu akukamu, nanga taliyo n'omui oghu, akukola kyakuswekaniya omulina lyanje, nikuwo anuma ambugho kubii. ⁴⁰ Oghu atakutuhakaniya ni watu. ⁴¹ Wena oghu alibhaha kikopo kya masi gha kunuwa omulina lyanje, nanga muli bha Kilisto mbaghambiye mumajima talibhuliya mpela yee. ⁴² Noo muntu wena nahemuye omui mubhana bhani abhali munikilija, engubaliye bhamubhoha mubhikiya kibhale kinamulito, dumbi bhamukubhe munanja. ⁴³ Mukono ghwa wee ngwakuhaaghiliye kusobhiya, oghujombe; nikulungi ewawe kutaha mubhwomili bhutalihuwoo na kigbundu. ⁴⁴ Kukabha na mikono ebhili kandi na kughenda mugehena, mumulilo ghutalihuoo. ⁴⁵ Kughulu kwawe nkwakuhaghiliye kusobhiya, okujombe; akili otaha omweghulu oli mulema mubhwomili, ⁴⁶ Kukabha na maghulu abhili na kukubhuwa mu Gehena, mumulilo oghutakulimikagha. ⁴⁷ Kandi liso lyawee ndiakuhaghiliye kusobhiya, olimene mu; akili kutaha mubhukama bhwa Luhanga oli na liso limui; kukabha nabhili n'okukubhuwa mu Gehena. ⁴⁸ Mbali migodo syabho sitakukuwagha, na nambali omulilo ghutakulimikagha. ⁴⁹ Nanga muntu wena alilungibhu na mumulilo. ⁵⁰ Kisula nkitu kilungi, noo nkyahoyemu bhunuli, bhalimulungiya bhiki? (9:51) Mubhe enuwe bhonini na kisula, na mukale mu bhusinge na bhuli muntu.