¹ Yesu, alugha ala aghenda munsi ya Yudeya kusalila Yolodani. Kigambi kya toda kumwisoo, nangoku bhakakolagha, bhatandika kubheghesiya. ² Bhafalisayo bhamwisoo, bhamulengesa, bhamubhuliya, kihikiye musasa kukukiya mukali wee. ³ Abhabhuliya: Musa akabhaghila atiya? ⁴ Bhaghila bhati, Musa akatusimilaniya kuhandika baruha ya kubinga na kulekana. ⁵ Na Yesu abhaghila ati: Musa akabhaha ekilaghilo eki nanga abhwobhugumu bhwe mitima yanu. ⁶ Noo antandiko ye nsi, Luhanga akakola musasa n'omukali. ⁷ Abhweki musasa akutigha ese wee na nina wee obhoho mukali wee. ⁸ Na'abhabhili bhakubha mubhili ghu mui. Tabhali bhabhili noo ni mubhili ghu mui. ⁹ Nikuwo muntu tasobhola kutambulaniya eki Luhanga ataye hamui. ¹⁰ Obhu bhahikiyr eka, abhakwamilili bhee bhatoda kumubhuliya. ¹¹ Aghila ati: oghu akubinga mukali wee na todiye aswela onji, asiyane. ¹² No mukali nalughiye ew'ebhawe naaswewe onji, asiyane. ¹³ Bhamuletela bhana bhakelembe abhakumoho noo abhakwamilili bhatanuka abhabhaletagha. ¹⁴ Yesu, obhu abhone ebhi, asaluluwa byani, na abhaghila ati: oleke bhana bhatoo bhaase ewanje, mtabhatanga nanga bhukama bhwa Luhanga mbwa bhantu abhabhasusiye. ¹⁵ Mbaghambiye mumajima, muntu wena atasimiye bhukama bhwa Luhanga nga mwana mutoo talibhutahamu. ¹⁶ Dumbi nakwata abhana bha too mumukono siye, na abhaha emigisa, anabhatayoo mikono siye. ¹⁷ Ngoku Yesu ali asitamiye mukihanda, muntu omui asa naligita, na ateliya mamaso ghe: omuntu oghu amubhuliya, Mweghesiya mulungi, nikolebhiki nikuwo nigwetuwe bhwomili obhutahuwo? ¹⁸ Yesu amughambila ati: Abhwaki ukumbilikilagha mulungi? Taliyo mulungi kusaliya Luhanga. ¹⁹ Ukengiye bhilaghilo: Otali siana, otaliita, otaliiba, otaha bhukaiso bhu bii, otalikokola kubii muntu, ohutiye so na nina. ²⁰ Amukukamu ati: Mweghesiya, ebhintu ebhi bhyona nkabhihondela kuhila bhwona kwanje. ²¹ Yesu, akamuloliye, na mukunda, na amughila ati: kintu kimui kikubhuliyo; oghende, oghuliye kyona eki olinakiyo, obhihe entaghi, na okutungila bhuguda omweghulu. Dumbi wise, na onkwame. ²² Noo, obhu aghuye ekighambo eki, omusasa oghu naghenda asaluuwe; nanga akabha ali na bhintu bhinamulito. ²³ Yesu, akebhuka eli n'eli, aghila abheghesebhuwa bhe ati: kilyomila abha na bhuguda kutaha omubhulemi bhwa Lulhanga! ²⁴ Abheghesebhuwa bhakaswekela ebhi Yesu abhughagha atiyo. Na, nabhakukililamu ati: bhana bhanje, kyomiye bhantu bhetaye abhuguda kutaha omubhutoki bhwa Luhanga! ²⁵ Kidotiye munu ndogoya kusalila mukahulu ka nkinjo kusaliya muguda kutaha mubhukama bhwa Luhanga. ²⁶ Abhaghesebhuwa bhe ambasweka tena munu, na bhabhulaniya; na niani oghu alijunuwa? ²⁷ Yesu abhalola, na aghila ati: eki takikugubukana omubhantu, noo ewa Luhanga baa, nanga kyona kikugubukana ewa Luhanga. ²⁸ Peetelo amughila ati; olole, ebhyatu bhyona tukabhitigha twakukwama. ²⁹ Yesu abhaghila ati:Mbaghambiye majima,muntu oghu atighiye kayee, na bhana bhanina wee,bhobhusasa,bhobhukali,nina wee, esewee,na bhana bhee,keda bhibhanja bhiyee abhwanje n'abhwakighambo, ³⁰ Muntu oghu akutunga kikumi akikumi,anali munsi muni,manumba,bhanabhanina wee bhobhusasa na bhobhukali,bhaninawee wana,n'etaka,nabhonabhone,n'omunsi muni bhwa kutunga bhwomili bhwebhilonebhilo. ³¹ bhakaniye abheikiye bhakubha bhenuma,na bhakaniye bhenuma bhakubha bhokubhanja. ³² Bhakabha bhali mukihanda,Yesu abhaikiye,mbaghenda Yerusalema.bheghesebhuwa bhakali bhatalibhane,na bhamukwamagha na bhwobha.naYesu akwata bhuiyaka bheghesebhuwa ekumi nabhabhili akpegbu yee,abhaghambila ebhikumubhoo: ³³ Abhaghambila ati:tulimakoma kughenda Yerusalemu,n'ambali bhakugho bheliya mana w'omuntu;bhamuheyo mubhakulu bhabhahongi na bhakulu bhebhilaghilo. abhakumuchwela musango ghwokukuwa,na bhamuheyo mubhakafile, bhakumuwawaniya,bhamutuile matanta, bhamughulile kimui,na bhamuite;Anyuma ya bhilo bhisatu, ahumbuke. ³⁵ bhatabhani bha Zebedayo,Yakobo na Yohana,bhebhinga Yesu,bhamughila bhati:mweghesa,tuli neki tukukusabha utukolele. ³⁶ Abhaghila ati:mukubala mbakoleleki? ³⁷ Bhamukukamu bhati:obhuulisa kulema mukitinisa kyawe,os'oleke etuwe tusitame hayi nawe;omui mughuliyo n'onji mughumesu. ³⁸ Yesu abhakukamu ati;eki mukwete kusabha timukimaniye.mukuguba kunuwa ekikopo eki nikunu,keda mukuguba kubatijibhuwa ngoku siye nkubatijibhuwa? tukuguba. ³⁹ Abhakukamu ati:ni majima mukuguba nuwa ekikopo ekinkunua na kubatijibhuwa ngoku nkubatijibhuwa; ⁴⁰ Noo tinasiye ndi na bhutoki bhwakukoma oghu akusitama mughuliyo kida ghumesu,kyonkaa ebhikalo ebhi mbya bhantu abha Luhanga abhitekelaniye. ⁴¹ Obhu bhanakyabho ekumi bhaghuye,ebhi Yakobo na Yohana bhabhughiye,bhabhatamuluwa. Yesu abhabhilikila, ati:mumaniye ngoku bhalemi bhatali bhayudaya, bhakulaghilagha bhantu na bhutoki bhusalukane. ⁴³ Nabhweki mwemuwe atabhoneka mukati kanu oghu akubala kubha mukulu wanu, adube abhe muheleliya wanu; ⁴⁴ Na oghu abaliye kubha w'okuduba omw'enuwe, abhe mupaghasi wanu bhona. ⁴⁵ Nanga mana wa Luhanga akaasa, tasiye kweyamba, noo abhwokuyamba kandi kuhayo obhwemili bhuhe na kubha nsasuli ya bhantu bhakaniye. ⁴⁶ Bhakakida mu Yeliko. Kandi, obhu Yesu alughaghayo, na bheghesebhuwa bhee kigambi kigambi kya bhantu kya bhakwama, mutabhani wa Timayo, Batimayo, musabhasabhi aghaye maso, akabha asitamiye akpengbu ya kihanda. ⁴⁷ Aghuwa ngu abhagha Yesu wa Nazaleti, atandika kutakangana; mutabhani wa Daudi, Yesu onkweli ngughuma! ⁴⁸ Bhakaniye omubhantu abhabhagho bhamutanuka bhati oholiye, noo oyengala kutakangana byani; mutabhani wa Daudi, onkwile ngughuma! ⁴⁹ Yesu amilila, aghila ati: mumubhilikile. Bhabhilikila mughali wa maso, bhamughila bhati: otakuka enuma, omuke, Yesu akubhilikiye. ⁵⁰ Mughali wa maso ahanja ekyali egubhikiye, amatuka, aghenda akidoo Yesu. ⁵¹ Nibhuwo Yesu amughiye ati: okubala nkukolele bhikii? Labuni, omughali wa maso amukukamu ati, nkubala ntunge kubhona. ⁵² Na Yesu amughila ati: oghende, nikilija yawe yakujuniye. (10:53) Dumbi nawanja kubhona, na aghenda akweme Yesu mukihanda.