¹ Ebhilo ebhi la , kigambi kyatoda kugumbana na bhabhuluwa byakuliya ,Yesu abhilikila abhakwamili na abhabhulia ati : ² Nikwatiwe bhantu bhani gughuma; nanga obhwalo ni bhilo bhisantu tunalinabho, tabhali na kyokuliya. ³ Ninabhakukiye ewabho n'enjala amani ghakubhahwela omukihanda; nanga bhanji omubho bhalughiye halamunu. ⁴ abhaghesebhuwa bhe bhamukuka mu : tuli omulwelele, tugubhakutiya tutiya na migati . ⁵ Yesu abhabhuliya : muli na migati etiya ? bhamukukamu musabu. ⁶ Asitamiya ekibula, akwata migati musabu, na akamaliye kughisabhila aghibeghanga ndumbi aghiha abhaeghebhwa bhaghitabuliya . ⁷ Bhakabha bhanali na bhusuhi bhukee , na Yesu, abhusabhila, aghila ati mubhutabuliye. ⁸ Bhakaliya na kukuta, na bhaheka bhighegha musabu ebhisuye ebhitighila. ⁹ Bhakabha bhali bhighone bhinaha , ndubi Yesu abhakukiya. ¹⁰ Nahonaho, anina omubwati na bhaeghesebhwa bhe, naghenda omukibhugha Dalmanuta. ¹¹ Abhafalisayo bhaghuye, bhatandika kuhakagana na Yesu, na, abhwokumulegesa bhamubhuliya akakulolelogho kulugha omueghulu. ¹² Yesu, mutima ghwamusalila omunda aghila ati: habwaki omujo huni ghukwete kubhuliya akokuloleho? ¹³ Dumbi, abhatigha, natoda kunina omubhwati , abasuka. ¹⁴ Abhaeghesebhwa bhabhululuwa kuheka emigati, bhatighaye ghumuhi, omulyato. ¹⁵ Yesu abhakokomelela: mwelinde ekitubiso kya bhafalisayo ni kya Herodi. ¹⁶ Bheghesebhuwa bhatekeleja bhoka, na kughila bhati: atubhuiye nanga tatuli na migati. ¹⁷ Yesu obhu akengiye, abhaghila ati: nubhwo muatekelejaki nanga kubhuliya migati? tammuli na magheji na tamukukegagha? ¹⁸ Muli na mitima yomiye? Muli na maso , tamukubhonagha? Muli na matuhi tamukughwagha ? na tamukwelilikanagha? ¹⁹ Obhu nabeghagiye emigati habhwa bhantu bhikumi bhitano, Mukaheka bhitili bhitiya? Bhamukukamu ekumi na bhibhili. ²⁰ Nobhu nabeghagiye migati musabu habhwa bhantu bhikumi binaha, Mukaheka bhitili bhitiya ebhisuye bhikohu? Bhakukamu musabu. ²¹ Na, Tamukakengiye nakantu? ²² Bhaghenda bhona Betesaida, na bhamuletela mughali wa maso, Bhamusabha amukwatoho. ²³ Amukwata amukono, amutwala abkengbu ghw'omubili, dumbi akoma amatata aghasigha aguli ya maso, amitoho mikono, na amubhuliya akakubha abhone ki. ²⁴ Akaloliye, n'aghila ati: namaniliye bhantu,noho nibhabhone ga bhigbutu, bhikwete kulubataga. ²⁵ Yesu atoda amutoho mikono aguli ya maso, na, obhu mughali wa maso abhone biani, bhamukiliya, na abhona kwonokwonini. ²⁶ dumbi Yesu amukukiya ewe, aghila ati: otataha omuka omu. ²⁷ Yesu eghendela, na abhakwamilili bhe, Omumubili ghwa Kaisaria eye na Filipo, Na abhabhuliya omukihanda: Nubhwo bhaghila ngu siye nisioni ani? ²⁸ Bhamukukamu bhati: Yohana mubhatiji, bhanji Eliya, bhanji omuhi wabhalangi. ²⁹ Nanu, nabhabhuliya; mukughilagha muti nisyoni ani? Petelo amukukamu: nuwe Kilisito. ³⁰ Yesu abhakokomelela biani bhataghabila muntu. ³¹ Ala naho, atandika kubhaeghesiya ngoku ebaliye mwana w' omusasa akubhonabhona kukaniye, akuhobhewa na bhengehi, na bhahongi bhakulu na bheghesiya bhebhilaghilo bhakumukwata, na alihumbuka anuma ya bhilo bhisantu. ³² Abhaghabila atabhabhisiye, na Petelo, amubhilikila abkengbu, amusoghosa ati oholiye. ³³ Noo Yesu, akuka enuma, na alola abheghesebhwa bhe, asoghosa Petelo,na aghila ati: Odughoho, Sitani! Talibhuwo welilikana ebhilughiye ewa Luhanga nubhwo welilikana ebhya bhantu. ³⁴ Amatoda amabhilikila ekigambi na bhamukamagha, abhaghila ati : Owabalile ebenge, aheke musalabhaghuwe, na akwame. ³⁵ Nanga owabaliye kukiliya obhwomlili bhwe akubhubhuliya, noo owakubhubhuliya abhwanje na Ekighambo kikumukiliya. ³⁶ Kikukughasilaki kutunga esi yona nuwabhuliye omutima ghwanje? ³⁷ Muntu akukola atiya nukwo akiliye omutima ghwe? ³⁸ Nanga wena owa kukwatiliwa nsoni na n'ekighambo kyanje agati y'omujo ghuni oghusiani n' oghusisi, Omwana w'Omusasa alimukwatiluwa naye nsoni obhu alikuka omukitinisa ky'esewe, na bha malaika abhalikwela.