¹ Yesu aba ika go a m'pemboa ngdji-li : Bato ba ngaya aba ba tulana ama aiki ndo, aba daa a n'ta koko ( kisae) aba ika adodo asuba koko ndo, na bato li bobhu ababa ika a m'pembo a ngedji li. ² Abe golisa ema aati amaibhe, aengodea ate: ³ Bookanee. N'koni mbho aya gee akona la mboo ndaae. ⁴ Sinde aya koni, adha mboo li aba doaga a m'pee a heli: Ba mbuu aba bhia aba balea. ⁵ Inda ngboo aba doa ama ete alio, ama dodo indagaibe ati; aba lasa dia, ngaamay a bolin dodo. ⁶ M'pa mbeno nde manili aya hobeli, mboo li aba sida na aba oma, ama miigi li aya boli dodo. ⁷ Inda ngboo aba doa ameeme a kua: Kua li aba mota, kuali abae lingiaga a mbo-li. ⁸ Inda ngboo aba doa ama dodo anja aleo: Aba lasa hele, aba dhusa maya aba mota: Inda ngbo aba dhusa ekomi isaalo, ekomi motoba na iana imoti. ⁹ Aba yonga ate: Imbe ana etue nde aokanea aokeu. ¹⁰ Mbeno nde aya iki uiye meene, bato nde bai ba n'timbio na batetea nde baae moko na babale aba ba nhinhia amaibhe ayonga. ¹¹ Abae ngodea ate benu yeu banopi mobili nd'Eboame nda MOKONGA, angaa bande baiki na n'senge inde bhulibhu ne yonga na maibhe ngaa baokai. ¹² Ngaa balengelele, naandaga baona au, baokanee im'pa babai na maako la ubha, angaa baetiilai anga MOKONGA na MOKONGA ayongelai budjede ndaabo. ¹³ Abae ngodea go te: Bundaga booki adha maibhe nde? Benu bouma booka boni maibhe nde bhulibhu? ¹⁴ N'koni li akona nde yonga nda MOKONGA. ¹⁵ Bato la bande ba ngboo baiki a m'pee ahe amai bakoni yonga nda MOKONGA mbeno nde bai baoki yonga nda MOKONGA, n'keti li aba bhia dia aba dhusa go yonga ndo asubaabo. ¹⁶ Bato nde ba ngboo baoka yonga nda MOKONGA meema abo na kali sinda ete baoka yonga li, ababa dhungila nabudjeme; ¹⁷ im'pa asubaabo naanda iwe miigi nde adhungila yonga nda MOKONGA, na mbeno nde N'keti li ayabhisi angaabo monobo n'tina n'tina aba baengbua ngaama bandagai na miigi nde aendhungilii. ¹⁸ Bato nde ba ngboo aiba koni mboo ndabo ameeme akua, ande bande baoka yonga nda MOKONGA aba ba dhungila, ¹⁹ m'pa mbeno nde monobo nda na dodo oni, na bosesbose nda n'tondo na bosebose angaya n'tinantina, abo kpatanisa yonga nda MOKONGA asubaabo niyu aba taloka lasisa lamboo li. ²⁰ Bande bangboo ba beisa mboo li aba ba kona a dodo aanja, aba nde bande baoka yonga nda MOKONGA, baba ngisa domi asuba meema abo bando yeu babota maya, adhau ekomi isaalo, adhau ekomi motoba, na adhau iyan imoti. ²¹ Abengodeago maibhe mangboo ate: Nooyo lolisiebhela ndao obhisande asuba djo na ngee asube eka kwe? Basombela nde nigoo ngaa abhisa bobhu. ²² Ngaa inda gaa be ema aanga basomea kesi auma ubhianana, na indaga weeli inde aanga basomea kiia kesi auma aubhianana etonge. ²³ Abe lebe nana etue, aoke adha yonga nde. ²⁴ Abae ngodea ate: Bolenge kpee ayonga nde bookaau. Inde oyokoli naando yeu ama ba okolela. Amasiosio ndao yeu auma alenga mobili ndao. ²⁵ Ngama imbe ana ema yeu auma bamoa ema; naimbe ndaga na ema auma ba muta inde anee. ²⁶ Aba yonga go ate: Eboame nda MOKONGA ande sinda n'to nde aya mai mboo ndae a dodo: ²⁷ Aba la too na ulilaga, kia n'etonge mbooli aba lasa na aba mota amene naandaga ubhi. ²⁸ Dodo li yeu alasisa loholi, mbooli aba mota, niyu aba lalisa maya. ²⁹ Na maya ndoo naya djodoi, ababa bakaba kesala asoloma la mbooli. ³⁰ Abayonga go ate. Benga be lengisana go Ebwaame nda MOKONGA naema sina? na beanga beyonga go nde maibhe sina? ³¹ Belingisana na mboo la haladali, ande eede kpee la bhulibhu nda na leengo. ³² Haladali li naya lasi aba mota abadja mee mati, na ba mbuu nde bana kobha baba bhia ba hia a ndugu a mee ndo. ³³ Yeso aya yongi maibhe angaya alabha la yonga la MOKONGA na batoli bai ba mookanea. ³⁴ Yeso aya yongi na bato batii nde a maibhe, na naaye aiki yemeene, aba kengetisa golkisa la bagoli nde baae. ³⁵ elie nde imotisia ndo, egogo, Yeso abae ngodea ate: be djabhe kubhi. ³⁶ Bai baokoanigi na batoli, Yeso na bagholi nde baae aba ba daa a kesaeli na ba djabha kubhi na kesae angboo aya djabhi naabo. ³⁷ Aba hobela a ngedji li muumba ibo aba kengtisa booma la n'tate. ³⁸ Yeso naa too, batetea nde baae aba ba njudjusa, na ngodea klaae bate: Ngoplisi nde masu, hela laasu nde. ³⁹ Aba djudjua, aba kalea mohio li na ngedji li, niyu aba dhaa. ⁴⁰ Bon'ebobo nde ngaa ee? Ngaa ee bondaga na lebea? ⁴¹ Ebobo aba endhunga, ababa enhinhiana bandena bandoen bate: Imbe nde ani, imbe moheo na ngedji asikisa nde?