V 1 Abakida kubhia ngedji, aleengo a ba Gelasi. ² Ndambi nd e Yeso toa asuba kokolo li, aba tulana na moo moti na bhia mosa laae, imbe na toa na bhota, na angae ba keti; ³ Moo ndo buki ndaae nande bhota, ndagaibe n'tonde anga toa nyngaga laae na ngomo. ⁴ Angaa indo aiba nyangaga asua li bhuu na ngoma, nie na tenaga, na huda nkondo li bhuu; indaibe n'to nde ai nekanda la toa laae. 5 Na esaa li bhuu, kia n'etonge, buki ndaa nande na bhota na namaba, na koga, naebotisaga n'ete. ⁶ Na aba mona adha Yeso dholo na bhia dholo, aba tatea mbango, aba dbua mosa laae na moakulaae, ⁷ aba koga amolenge atii kpee nayonga te, emasina aameeme ami nowe, Yeso muna MOKONGA maa na kobha? Neo selisa aina MOKONGA, bomo kolai adjede. ⁸ Yeso aya ngodei: Botoe anga n'to nde n'keti. ⁹ Na, abae hihia: Inao andee? Abaesisila, inami ande Legioni, abasisa go te, che babaati. ¹⁰ Abai aelakelaga kpee ate booso beai na n'senge. ¹¹ Baiebeli wa, amamba li, njugu aati aba ngea na balisanaga. ¹² Na baketi li, bobhu ababae lakelaga aba bayonga bate: Osogese besu anga ba ngea nde, bengie angabo. ¹³ Abayae lebeela. Naba keti nde ababatoa angaae, abai ba ngia anga ba ngea li, bohio li abaaga bobhu boomaa la suba ngenji li. Baibeli bia elufu ibale. ¹⁴ Balangi li ai baoni ebobo ababa tea, na sangisa la mbino li nanji na nampehempehe ananji. Bato li aiba gee balenga inde ateisi nanji. ¹⁵ Abai ba bhia antia Yeso abai ba mona adha n'to la baketi li, naiki adodo, na loli ngobe, na ana maako laae abai badja neebobo, bande baibaoni adhinde ateisi abaiba etomila indeuma kidi anga n'tola baketi li na bangea. ¹⁶ Na bande aya bakidi na balenga ababa kengetisa ngodea la bande batoo bambo imasina atae dhondhi bande babaketi, na mbino abaketi. ¹⁷ Aba ba kengetisa ngodea la Yeso atoe a molo a leengo abo. ¹⁸ Niye esaaande aya kengengetisi bala suba kesae li, imbe aina ba keti abae lakelaga ate baike naaye iwa. ¹⁹ Yeso ndagaya neebeeli, aba mgodea: Ogee indao neenduao, anga batikiao, na oongodea yonga nde bhuu MOKONGA aya koli angao, na sinda aya olilii. ²⁰ Aba ga indaae, aba kengetisa tomia la mbino ind MOKONGA naa Dekapoli inda titi Yeso aya nkolelei. Bato li bobhu ababa soeka. ²¹ Na esa nde Yeso aya djabha nee, kubhia nadja naa asuba kesae, bato batii ababa tulana mosa laae nie naiki a mpembo a ngedji. ²² Abaya bhia angaae homi moti maa sinagogi, inaee ainde Yailo, neesaa nde aya moni adhaae, aba bhia gua egolaae. ²³ Abae tilia angaae aba lakana mema, ate: Mia miinke nde mamo akaba te akue, kisi neomema obhiem okakie beele ndjagao a n'tataae ngaa akuai. ²⁴ Yeso aba ababa baga naaye; nabato baati kpee ababa n'kabaga. ²⁵ M'pa, nabeli n'ke moti imbe aya toa angaae n'sangi kelemo moko na ibale. ²⁶ Naaye aya nobi kpee agaa langa ba lamisi, ndagaya lami neenge nede, djega ndaae inka ba djuluana kpee. ²⁷ Esa nde aya oki mbino a Yeso, na teisa a meeme a batoli na hihi tambusaae, aba bhedea ngombe ndaae. ²⁸ Niye na yonga te, ne bheede aha bele adha ngombe ndaae nga ne lame. ²⁹ Malomoti doanaga la n'sangiiae ab oma, nie aba ubha subaae suba ngobhoaee sinda alami boanya ndaae. ³⁰ Yeso, aba ubha asubaae sindande kaala ae ai angaae; na, abaetia aba lenga ta mbusa ama bato li baba n'timbi kpee, aba yonga: Maani atamobhedei angombe namo? ³¹ Baogoli nde baae ababa ngodea: Ndogo lenga bohio labato nde bao ngbokotisi, inka oulisa ote, mani ata obhedei? ³² Abalengaga mpehe aae, ngaa amone adhambe ata nkoleli budjede ndo. ³³ Na n'ken ndo, abakua ebobo na tetemana naeneka la inde atuma aau, aba bhia gua aangaae, aba ngodea yonga ndaae bhuu. ³⁴ Naiye Yesoaba ngodea: Miinke, lebea ndao ao lamisi, ogeeao mbolele, ubeo na ngebe, olame toa la djega ndao. ³⁵ Naa gobimbe yongali, ababa bhia angaae bato nde batoi longoa Mwame nde maa Sinagogi abaiba yonga: nao aku; Ngaa emasina bonulusa ngolisi li? ³⁶ Inka Yeso, esa nde aya oka adha yonga ndo naba yonga, abae ndodea Mwoame nda Sinagogi l: oteai, olebee ababhuli. ³⁷ Nangeeli ndo, ndagaya nkondeli n'to batambe naaye, ayi aande Petelo, na Yakobo na Yoane dhaae na Yakobo. ³⁸ Abaibakida, neendu a Mwome nde maa Sinagogi, abalenga adha n'kokoto abato baati, batoli na ba yonga, na bolie matii kpee. ³⁹ Nie aba ngia, abengodea: Ngaa emasina boluslusa na ngamo? Kota li akumbe, ale too bosa. ⁴⁰ Abai ba n'tebhea kpee. M'pa abai aehobisa batoli bobhu na n'senge abae beisa abhaae na kota li na mae na kota li abaya ngia naabo ama kotali aiki. ⁴¹ Abaya dhunga ndjaga kotali, abaya yonga, Talita, moko, andegeala bete, miinke, neo ngodei ome dia. ⁴² Na nkoba imoti miinke ndo aba ama abaya ga, ngama ai kala agobi kelemo moko na ibale emoti aae. Na nkoba imoti abaebangisa kpee. ⁴³ Yeso abaya abae hana kpee, ate n'to aubhai mbino nde, abaya engodea ate ba moe elea.