¹ Yesu aba ngia go asuba sinagogi aibe moo imbe aina njaga (ekako) nde aomi (basi). ² Baiba nengelela Yeso, lenga la biande aanga namisa a elie la sabato: ngaba kengetise sinde bandhunga nee. ³ M'pa Yeso aba yonga na njegi nde ai na njaga (ekako) nde abasi: Ome amee asu ani. ⁴ Na aba engodea: atoleli a elie la sabato kola la bonja ao budjede, lamisa laa n'to ao ola laae? Baaba dhaa. ⁵ Iwa, abaelenga na iso a lilia, na aba dhonda sinde ba dandimisi nee meema abo, aba ngodea moo ndo: kakie to njagao (ekako). Abayi akakia, na njaga li aba lama. ⁶ Ba falisayo abi bahoba na n'tanga, na aba baaga a m'pita na bato nde ba Helode sinde aanga ba moa nee. ⁷ Yeso aba hombokala (yedemana) na bagolinde bae saka na genji: Bato batii kpee aba ba m'baemea toa la Galilaya, ⁸ na leengo a Yudea, na Yelusalema, na Idumea na kubhia Yolodani, aba ba bhia angaae. ⁹ Anga batoli bai babati, Yesu abaengodea bagoli nde baae bakokotie kesae (motumbu) ngaba kpatanisa a mbeno a yonga. ¹⁰ Anga, sinde ai ae lamisi nee bato bati, bande bai na djega angal'abo, ababae saga angaae nga ba mbedee. ¹¹ Baketi bajede (m'pinga) naye ai ba mona Yeso ababae hohia mosa laae, na bai batata: Onde muna n'telekisi. ¹² M'pa yesu aba ekomis kpee ate ba bhunie (dhaele) yonga ndo. ¹³ Yesu abataalila na mamba abe koga bande aekondi iya meene, na aba ba m'baemea. ¹⁴ Abae sombola bato moko na babale, ¹⁵ na aba etea gaa labha (tomia) na bea laba n'keti. ¹⁶ Na bande moko na babale inabo yunde: Simoni, aba n'soa Petelo. ¹⁷ Yakobo, muna Zebedayo, na Yoani, dha Yakobo na Yoani abae soa "baenerges" inde ayongi bana henia la mbua; ¹⁸ Ndelea, Filipo, Baltolome, Matayo, Tomasi,Yakobo muna Alfayo, Tadei, simoni nde ma Kanaana. ¹⁹ Na Yuda esikalioti, imbe ai an'sombisi Yeso. ²⁰ Aba basiana na njiabo, bohioli abatulana go, na aba bolana ndambia lea . Ba botia Yesu, aba baoka mbinoa Yeso aba ba bhia okanea laae nga ai bayonga bate inda ubha inda ayonga. ²² Na basaigili, toa la Yerusalema na ba yonga: aaangae n'keti Belizebuli, na a ekanda la moame (moome) la ba n'keti li bobhu yeu ae bea. ²³ Yeso abae koga, aba e bhomolea a maibhe: N'keti aanga m'bea n'keti dhaae? ²⁴ Naye eboame li abuani, eboame ndo ndaanga lenda. ²⁵ Na, naye enduli abuani, endu ndo ndaanga lenda. ²⁶ N'keti naye aemanisi iye am'ene, endu ndo aebui, na inda anga lenda ²⁷ N'too indaanga angia aendu a n'to nde ana kaala na awanji mbe nyanga laae. Ngaa beise n'kumba ndaae. ²⁸ Neono ngodei domi domi, budjede li bhulibhu MOKONGA auma yongelal, na bande bae sengi bohalia laabo. ²⁹ N'to nde auma halia anga meema aabhu indabauma ba ngamela. akoli budjede inde ndaga bauma nabo yongeli meyo (milele). ³⁰ Yeso aba yongabo nga ayi bayongi bate: Aangae n'keti ³¹ Amaae aba kida na bato baae, ababa ma na n'tanga, aba n'tea weli n'to galakoga laae. ³² Batoli na ba n'tiimbi na aba ba ngodea: Amao yembe na bato bao bana n'tanga, bao kabaga. ³³ Abae sisila te: mani yeu ande Ema na bawani yeu bande badhami? ³⁴ Aba elenga bande ba n'timbi, Ema na badhami ande bande ba okanea yonga nda MOKONGA. ³⁵ Ngama imbe akola inde MOKOMNGA akondi imbo yeu ande dhami, aloami, na Ema.