¹ Mbusa elie neede, Yeso ai asisani Kapelenaumu bate ai suba neendu, ² na abaiba tulana be bato bati na m'pumeli abdja neede. Abaya etomila yonga nda MOKONGA. ³ Abaiba bhia angaae bato bani na ba nkumbi dootu. ⁴ Na amai bataloki ngisa la njegi li, ababa ona muudjo'a enduli, aba ba ndidisila njegi li na aaeka ndae akubhu nde ata batoi. ⁵ Yeso, lenga la maha nde banee angaae, aba ngodea njegi ate: budjede ndao asi. ⁶ Aibe basaigi,bande bai bae hihia asuba meemabo: ⁷ Angee emasina n'to nde ayongi te budjede ndaae asi? Ahalii. Mani anga yongela budjede naanda MOKONGA yeme? ⁸ Yeso, ubha lande aasuba meema bo, abaengodea: ngaa emasina bona maako abende a meema anu? ⁹ Mani anganu aanga ngodea n'dootu: neyongeli budjede ndao na yonga la ate: ome, obeise eka ndao, na otambe? ¹⁰ Angaa indo, a toleli boubhe sindende muna n'to ana ekanda la yongela la budjede na leengo oni: ¹¹ Neongodea, owe n'dootu, ome, obeise eka ndao na ogee neenduao. ¹² Na a ndambi ndo, abama, aba beisa eka ndaae, aba hoba bobhu na ba nenga, abae bangisa bobhu, na bhebha la mokonga, bate: beonigi meno abende. ¹³ Yeso aba toelago n'ti nda niibo. Bato li bobhu ai ba bhia angaae, na aya egolisa. ¹⁴ A teisa laae, aba "mona" Lawi, muna Alofayo naa m'pua la lehisa n'tondo nda leta. Aba ngodea: Omo baemee. Lawi abama, na baemea laae. ¹⁵ Yeso suba neendu a Lawi na ba lea, bato nde badjede bande nda mubha MOKONGA, abai batulanga ama iki, na aba baengodea bagoli nde baae angaa emasina alea na noa na bande ba budjede nde ndega ba nebei? ¹⁷ Ndambi aokiau, abaengodea: Bande nda badjega indaganga ba bhia anga namisi. ande bande ba djega. Indai ne bhii nde anga bato nde baanja, ande anga bande bakola budjede. ¹⁸ Bande bai bam'baemea Yoani na ba Falisayo indai balea. Abai ba bhia bangodea Yeso: Angaa emasina bande bai ba m'baemea Yoane na ba Falisayo inda balea, ngaa emasina bande bao ba lea? ¹⁹ Yeso aba engodea: Bato nde ba bhii ama ndoa indaga baadja naanda baali na munya n'keli nabe? Abe naha bana munya n'keli indanga bakoma lea. ²⁰ Elieli awe inde munya n'keli ama aga, ndaga ma balea a elie ndo. ²¹ Indabe mbe anga beisa bhongo inda ndiende na ba dandia a bhongo a kalaa; ande yonga late inda ndiende achoa bhongo nda kalaa, ibe abadja ati na boo bhomali angadja ati. ²² Na inda be mbe anga solisana makana aanja na akalaa; ande yonga late, makana nde bhulibhu aba komba; atoleli solisana makana inda anja a n'kindi. ²³ Abai akida, elie la sabato, Yeso aba teisa a tio abolo. ²⁴ Bagoli nde baae abai bawanja hua la bhebheta. ba falisayo aba ngodea: Oneeu, angaa emasina bakola inda nda toleli elie la sabato? ²⁵ Yeso abae sisila bookimbe meno ionde Daudi aya koli saande ai abungu na ananja, iye na bato nde baae; ²⁶ sinde nde ai angi a endua MOKONGA, akelemo a nolii Abiatale, na lea la sembo nde ai neendu a MOKONGAinde atoleli aande anga balolei, na abaemoa na bande aiba naaye! Na aba engodea: Sabato aibakoli angaa n'to, amakanga n'to angaa sabato, ²⁸ na angelindo muna n'to iye nde amenea sabato li.