¹ Kengetisa la mbino aanja inda Yeso Klisito, muna MOKONGA. ² Sinde basaine asuba Isaya, n'tomi mbino: Olenge sinde ne ntei angao n'to nde, auma kokotia ahe ndao; ³ Ande molenge ambe ayongela angalage: Bo kokotie ahe nda MOKONGA na bo balamise asii ndaae. ⁴ Yoani hobelali, ayia ndiisa angalage na tomia la mbino abo ndiisi la budjede. ⁵ Bato nde ba leengo a Yudea na bande baiki Yelusalema abaiba ngoda budje ndaabo, nayae ndiisa asuba ngedji nda yolodani. ⁶ Yoani ayi alola ngombe nde baoki na tinda la ngamea, m'pango ai na mukaba a n'tega m'pendeae. Ayae lea nde ba nyonyo na boi. ⁷ Aya tomia, ate: abhia mbusami makpee lami, naanda ne toleli koda, nabo hohoia, ngoli a belatondaae ndaae. ⁸ Atuma neono ndiisi subi ibo, iye, auma no ndiisa a meema nda bhu. ⁹ Elie ndo Yeso aya toi Nazaleti gaala Galileya, na Yoani abaya ndiisa asuba yolodani. ¹⁰ Na andambi nde atoi asuba ibo li abaona kobhali nae ukui, na meema aabhu abha dhidha aangaae bia eyenga. ¹¹ Na molenga abaya hobela na kobha, aba yonga te: Onde nami nde ne n'kondi nane bhisi ekondi ndamo bhuu angao. ¹² Na andambi ndo meema ndaa bhu abaya n'tea yesu na ngalage. ¹³ M'puo nde aya dongoli elie ekomi ini, n'keti aba n'kengea, na ai na banyama nde bana ndula. ¹⁴ Mbusa kua la Yoane, Yesu abayaga naa Galilaya na golisa yonga nda MOKONGA. ¹⁵ Aya yonga te: Ndambi linde na Eboame nda MOKONGA aye bhii, bongde budjede ndaanu na bolebee mbino ndaanja. ¹⁶ Sinde ayia teisa ampehe la ngedji nda Galilaya abo moona Simoni na Ndeleya, dha Simoni na maa n'tala, nabai nde ba mai n'tala. ¹⁷ Yesu abae ngodea: Bomo baemee na neeno djisa balohi abato. ¹⁸ A ndambi abai ba doa n'tala ndaabo, na aba ba mbaemea. ¹⁹ Kida la dholo neede, aba ba mona Yakobo muna Zebedayo dhaae, Yoani, bande, ai baiki suba koko naba komisaga n'tala. ²⁰ Na andambi ndo, abae koga, na, doa la abhabo Zebedayo suba koko li. ²¹ Aba baaga Kapelanaumu elie la sabato, Yeso abaya ngia asuba Sinagogi aba golisa. ²² Abai ba lebea n'kani ndaae ngaa aya golisa bia n'to mati, kanga bia basaigi. ²³ Na asuba Sinagogi ndaabo, moo moti ai na ba keti aba ba tata. ²⁴ Emasina yeu aa meeme aasu naoe Yeso nde ma Nazaleti? O bhiili nde helisa laasu. Neubha: Sinde onde mabhu nde ma MOKONGA. ²⁵ Yesu aba n'kalea, ate: O dhae, na otoe asuba n'to nde. ²⁶ N'keti li aba toa anga n'to ndo na ngbongbomisa kpee. ²⁷ Abae bangisa bobhu, aba hihiana: Emasina nde? Ande nkani maatoo! Aekalea baketi nae kanda naibo ba n'sikisa! ²⁸ Bino ae abaaga m'puoli bhu inde aya timbi Galilaya. ²⁹ A hoba la suba Sinagogi, abai baga akindi na Yakobo na Yoane neendu a Simoni na Ndeleya. ³⁰ Ama nka Simoni, ai ale, na djega na mbeno ndo abai ba ntomila mbino a Yeso. ³¹ Kida la bhibhi laae aba meisa na bhedela la ndjagae, na i naba aba lama. ³² Egogo, mbusa gaa la mani aba baebhia na bande baeku baketi angae. ³³ Bobhu nde bana nji aiba ba tulana mosa la m'pume ndaae. ³⁴ Abai ae lamisa bato bangaya bande bai na djega n'tina n'tina,abai ae bea baketi baati na indai akondi akondi baketi ndo bayonge ngaama ai ba mubha. ³⁵ Umauma, iwe naha lihi abai ama, na abai ahoba gaala m'puo a ngalage, gala sima. ³⁶ Simoni na bande bai bana aye abai ba kengetisa kaba laae. ³⁷ Na andambi nde ai bamoni aba ba ngodea: bobhu bokaba. ³⁸ Abai ae sisila: begee amaa ngboo, kubhi nde nji edede aiki, nga ne tomie go mbino aanja weeli; ngaa indo wa angise netoe weli. ³⁹ Na abai aga tomia asuba Sinagogi, angimana Galilaya, na abae bea baketi. ⁴⁰ N'to la etombe abai abhia aangae; na, abai atumiaga moa kulaae adodo, aba nakela: abe no kondi omo yongeleongo modjisa mabhu. ⁴¹ Yeso, imbe atumi na lokoo, abai akakia njagaae, abaya mbedea, na aba yonga: ne kondi, odje mabhu neo yongela.v 42 A ndambi ndo etome abai atoa angaae na abai adja mabhu. ⁴³ Yeso abai a m'bea a ndambi ndo, na aba nha n'ekale. ⁴⁴ Na aba ngodea: ookengeai meno ngode laa n'to; m'pa ogoo hangie longoa Kuhani, na hobise boembo ngaa bhuna lao sinda nde Musa aya sai, ngaa indo akole aanu bodhemu. ⁴⁵ M'pa moo nde, ndambi nde a geene, aba hobisa na kengengetisa ngoda la ema ndo biande Yeso indaga ngia go aanji. Ai ame na n'tanga, a m'puo a ngalage, na abai ba bhia angaae kubhili bhu.