¹ Toa la umauma, bakuhani na ba nuno na basaigi aba baika a m'pita na n'tua nda ti inda Bayuda. Mbus anya nga la yeso aba ba ngamea aba ba n'dolea Pilato. ² Pilato aba hihia te: ande moame nde ma ba Yuda? Yesoaba n'sisila ate: Oyongi. ³ Bakuhani li aba ba londa a moaae yonga adjede angaae. ⁴ Pilato aba hihi go: Odhai nde indogo sisi yonga? Olenge mbeno nde yonga eenga inde ba soi a moao. ⁵ Na Yeso ndagai a n'sisili paloto naa yonga. Aba m'bangisa Pilato. ⁶ Esa nde Bayuda ai ba tulana a ngebu ndaabo ndaa ti (Pasaka) aiba n'tusa n'to la ngoli moti imbe bato li ba n'somboli bate akue. ⁷ Aibe n'to la boloko moti inaae nande Balaba na ba dhaae, eoli anga ai ba moi n'to na ba dhaae a djodjia. ⁸ Bohio abato, na ba etani aba ba hihi inde ai esomba angaa bakole. ⁹ Pilato abe sisila: Bo kabi nde bote neno ukuilie nde moame nde ma Bayahudi? ¹⁰ Anga ai aubhi sinde anga boso iyu waya angisi ba Kuhani li ai ba ndungi Yeso. ¹¹ Che ba Kohani nde batiti bai ba djodjii bohi li bate ban'kode Baraba. ¹² Pilato abago ayonga te: Bokondi bote ne n'kole nde iboni Moame nde ma Bayuda? ¹³ Aba batobea a n'kindi: akue a mosalaba. ¹⁴ Pilato aba yonga ate akoli nde budjede sina? aba batobea go kpee: Akue a Mosalaba. ¹⁵ Pilato, aba kola indde bohio li nde akondi, aba n'koda abo Balaba, Na tambusa a beta la Yesu, abae boa gala ola laae. ¹⁶ Ba sikpakapa li aba ba nga na Yeso asuba n'sennge nda subi, ande yonga la te aba ba nga nee asuba egite nda homi li, bobhu aba ba tulana iwa. ¹⁷ Aba ba nolisa Bhongo na aba ba gesa a n'tata moae esonjo a kua, inde ai ba oki ibo baamene. ¹⁸ Tambusa indo abai ba n'sesea naba neolela: Salamu ao Moame nde ma ba Yahudi! ¹⁹ Na aba ba m'beta Yeso a mooae na ngada, aba basua angaae soi,na aba ba gotoma na bae hohia mosa laae. ²⁰ Ta mbusa la tenyelelia lae, abai ba dhusa bhongo li angaae, aba ba n'sisila ngombe ndaae aba ba ga naaye gala ola laae. Abai ba n'kumbisa n'teisi nde atoa na tio mosalaba nda Yeso, ina moo ndo ainde Simoni imbe maa Kulene, abhae na Alesandulu na Lufu; ²² Na aba ba nga na Yeso a m'puo nde ba kumia bate Gologota, ama inde ayonga te m'puo a kelekele a moo a bato. ²³ aba ba moa makan inde aa dhia bia taa, che abaya kooma noa li. ²⁴ Abai ba moa, na abai ba bua bhongo ndaae ameeme abo. ²⁵ Ainde saa isaalo, esa nde ai ba moine. ²⁶ N'sao nde aya hangiana inde ai angise ba moe aba nde: Moame nde ma ba Yahudi. ²⁷ Abai ba moa an'kindi nas baoli ba bale;moti a ndjagae inda akpe na dhaae a ndjae inde edja. ²⁸ Aindo, n'sao li a beleleli: Aba ba n'tanga a n'kindi na bato a budjede. ²⁹ Bateisi li abai ba nhota, na ba dengisa moaabo, bate: Ieee! Oweembo oghola endu a kesomo, obo hia go eli saalo, ³⁰ Oo lamise owe yamee, na oodhuse a mosalaba li. ³¹ Ba Kohani nde ba titi na ba saigi nde baabo abai ba n'tenyelia a meeme aabo, aba ba yonga: Aya elamisi ba dhaae, n'ka ae lamise iya meene. ³² Imbe Klisito Moame nde ma ba Isilaeli, akii amosalaba li, angaa belenge naa nga belebee! Na bande baiba logbata li a n'kindi naaye ai ba n'tenyeli. ³³ a saa motoba inda etonge aba enea, elie li aba gua a dodo, akida la saa sobe komi. ³⁴ Na a saa sobe komi, Yeso aba koga kpee: Eloi, Eloi la ma sabakatani? Inde ande yonga late: MOKONGA nde mamo, MOKONGA nde mamo angaee omo du. ³⁵ Adha bande bai wa abai ba moka, abai bayonga: aande a n'koga Elia. ³⁶ Na moti adhabo abaetoloa gala kaba la nonga etoe adhia, na aba tigila a nganda eenda aba moa ate a noe. na yonga la te: Bo n'doe belenge sinda Elia abhia an'kisa a mosalaba li. ³⁷ M'pa Yes, aba koga kpee ab kua. ³⁸ Bhongo nde ai abui endu nda MOKONGA abai ae bhoma ngendu ibale, to la neegoo kida la nate. ³⁹ Homi a ba sipkapka li, imbe ai aiki bhi la Yeso, aba lenga sinde akune, aba yonga: Domodomi moo nde ande muna MOKONGA. ⁴⁰ Baibe na bake bande balenga na baiki dholo. Anga bo aibe Malia imbe maa magdala, Malia ama Yakobo kota na bana Yozefu na Salome, ⁴¹ Bandde ai ba m'baemea na ai ba n'sua mbeno nde ai aiki Galilaya, na bato bangaya ba n'gboo bande ai baa naabo naa Yelusalema. ⁴² Egogoli amai nde maandalio ande yonga la te, egogo a kengetisa la sabato li, ⁴³ Yosefu imbe maa Alimatea ainde nhani mati, imbe nie ai abondeli eboame nda MOKONGA. Aba kengengea gal alongo'a, Pilato, amoe ngobho a Yeso. ⁴⁴ Aba m'bangisa Pilato sinde Yeso ai aku dia bende, aba n'koga homi a ba sipkapka li aba nhinhia sinde ai akundesaa sina. ⁴⁵ Mbeno nde ai aokia u hele toa langa homia ba soikpakpa li, aba moa Yosefu ngobho a Yeso. ⁴⁶ Na Yosefu ai naye a sombi malekani, aba n'kisa Yeso a mosalaba li aba n'dega na malekani ndo, aba mbisa asuba bhota nde ai baatu suba ete. Mbusa liindo abha mbisa da ete mati a m'pume a bhota li. ⁴⁷ Malia imbe maa magdala na Malia ama Yose, ai balenga ama ba mbisa.