¹⁹ Mokama li, mbusa ngodea laabo, abaya taliila na kobha na aiki a nd'agaa kpe nda MOKONGA. ²⁰ Na abai baaga ba golisa fasili bhuu. Mokama aya kola naab, na ya lebeisa yonga nde ai byonga teisila la betekoteko nde ayae baemea. ¹ Naa ndmbi nde sabato li aya teisi, Malia mangalene, na malia ama Yakobo, na Solomono, abai ba somba ngamba, nga bage ba sia la Yeso. ² Elie la mosamosa la yenga li, aba ba ga na bhota umauma lia toela la mani li. ³ Aba yonga : Mani anda tusa aasu dholo a bhota li? ⁴ Aba ba somba iso abo, aba ba ona ete li naba m'bilingisi kubhi, ⁵ Abai ba ngia asuba bhota li, aba ba mona kota na iki a njaga akpe na loli lopo aabhu, aba ba dja n'ebobo. ⁶ Abe ngodea: Bodjai n'ebobo, bo n'kaba Yeso muna Zaleti, imbe ai ba nobisi; a djudjui a kua li, n'daga go ani; m'puo nde ai ba ngesi aau ayende. ⁷ M'pa bo gee boe ngodee ba goli nde baae na Petelo age mosa laanu naa Galileya: Io nde auma bo monela ayesinde linde ai aono ngodei. ⁸ abaiba ba toa asuba bhota li, na bae toloa. Eboobo na bangisana abae dhunga. Nanda gai ba ngodei n'to ema, ngaa ebobo. ⁹ Yesu abai a djudjua umauma la mosamosa la yenga li, abaya nhobela mbea Malia mangadala, imbe ai angae ba keti nde subalalo. ¹⁰ Abai aga tomia la mbino nde anga bande bai naaye, nai bae lilia na ba gama. ¹¹ Na ndambi nde aiba oki au sinda nde aha beli, indagai ba lebei ¹² Mbusa aindo abai aetoela ba goli ba bale,bande ai baaga na malende. ¹³ Abab ba mona go na etomila bande ba n'gboo, nandaga bai ba nebei. ¹⁴ M'pa abae hobela bande moko na moti, na baiki a botala na ba lea, na abae kalea ngaa kangana lebea labo na kalisa la meema abo ngama inda gai ba lebeani na bande bi bamooni aye mbusa a djudjua to la baku-li. ¹⁵ Mbusa ndo abae ngodea te, boge: bo gee a leeongo li bhu, bo tomie mbino ndaa nja anga kela n'to. ¹⁶ Imbe a lebei na ba ndiisi ama lama, na ambe ndaga lebei auma ba n'koonga. ¹⁷ Betekoteko nde amae kedila bande ba nebei ayunde: Aina mi, ama bae bea beteko teko, ama ba yonga elu angboo; ¹⁸ ama bae detea banjoa; nangee na baanu etoe nde aanga eola, ndagama ekola ema; ama ba kakia nd'jagabo anga ba djegi, na aba balama. ¹⁹ Mokama li, mbusa ngodea laabo, abaya taliila na kobha na aika a nd'agaa kpe nda MOKONGA . ²⁰ Na abai baaga ba golisa fasili bhuu. Mokama aya kola naab, na ya labeisa yonga nde ai byonga teisila la batekoteko nde ayae baemea.