¹ Eli bale mbusa fete a pasaka na mokate nde ndaau boosa. Balolii na ba saigi aya ba kabigi aehi li bhuu a ola la Yeso. ² Angaa bai ba yongi: Inda nde ngaa te ndambi a fete bato ba lulusai. ³ Bia nde Yeso ai Betania neendu a Simoni imbe aku etombe, n'ke moti abai angia ndambia leea. Aya bhedeli tutu inde ai aau ngamba nde asomba falanga aati; nalita la tutu, abaya dua gamba a n'tata moa Yeso. ⁴ Bai angabo bande ai ba etani: aangaa emasina gamba nde abungi? ⁵ Ainga be sombiso ati la elufu isaalo, na ababeeboa bande inda ga bana ema. Na abaya ba sunula anga n'ke ndo. ⁶ M'pa Yeso abayayonga: Bo n'dolee. Angaa emasina booni adjede aangaae? Aangaa amo koleli ema anja. ⁷ Aangaa bona bande nda bana ema angala nu, na anga boekolela ema anja naye bokondi. ⁸ Ata koli inde inde atunga kola, na ata kengetisi a sia la ngobjho ami mosa la humba lami. ⁹ domio domi neono ngodea, ama boteisa a leengo na bogolisa yonga la bonja nda MOKONGA, bo tomia yonga ainde n'ke nde akoli. ¹⁰ Yuda esikaliotemoti anga bagoli nde moko na ibale, abaga anga balolii, angaa ngabe Yeso. ¹¹ Mbusa a okanea, abai ba djanga, na beela falanga. Na Yuda abaya kabaga ndambi aanja a sombis laae. ¹² Elie nda mosa la mokate makanga boosa, esande ai ba s'enga mboli li bagoli nde ba Yeso aa ba yonga bate: O konde nde te be ge beo komisile elea la pasaka lindewani? ¹³ Na abai ae tea babale anga ba goli nde baae, na aba yonga: Bo gee na boma; bo ndonde n'to na kumbi bholo aibo, bo m'baemee. ¹⁴ Naama anda ngilia, bo ngodee amene aendu ndo: N'golisi ayongi: awani endu namo inda ba tambi, ama anda be lelea mokate a Pasaka na bagoli nde bamo? ¹⁵ Nie ando no hangiana endu mati, inde batandi kala; na bo komisege. ¹⁶ Bagoli abai baaga na boma, aaba lenga sinda nde atuma ae ngodei, abai ba komisa Pasaka. ¹⁷ Na andambi egogo saa nde akidi, aba bhia na moko na ibale. ¹⁸ Mbeno nde baiki na ba lea, Yeso aba yonga: Neeno ngodea domi, dhaanu moti imbe alea na eme ama mosombisa. ¹⁹ Abai ba kengetisa eboebo, na ngodea laae moti moti: ande eme? ²⁰ Nie abae ngodea ande adha ba goli moko na ibaleimbe alea na eme a n'kindi. ²¹ Ngee liindo muna banene ama gaae sinda nde ba n'saelio angaae, che boanya anga n'to nde ama ngabha muna banene; ainga adja aanja n'to nde aboteanai. ²² Mbeno nde bai ba lea, aba beisa mokate, aba sulia au, aba kpota, aba eboa ba tetea nde baae na aba yonga te bo beise, na bolee inde nde n'keke ami. ²³ abai abeisa nonga, aba mema, abae boa, aaba noa bobhu laabo. ²⁴ Abengodea: Inde nde n'sangi ami, n'sangi a tulanisa inde aya duani angaanu. ²⁵ Neeno ngodea domi, indama ne noa go ema nde na ngee elie nde ama ne noa go a eboame nda MOKONGA. ²⁶ Mbusa lembo abai baaga na mamba. ²⁷ Yeso abai ae ngodea, andabo hanjana a kiia la ndiende, ngama n'sao liayonga te, ne m'beta nangi li, na ba mboli li aba ba hanjana. ²⁸ Ta mbusa naye ne djudjui toa la kua lami, ama nono ga nee naa Galilaya. ²⁹ Petelo aba ngodea, nangee na bahanja ni boobhu, eme anga. Ndaga ne tea. ³⁰ Yeso abai a ngodea, o lebee neo ngode owe, kiia nda ndiende mosa la osa la abha kokolioko li n'koba nda ibale, obo mande nomongani mala isaalo. ³¹ Na Petelo abaya n'sisila go yonga li na kaala: Ndambi sina a toleli angami kua la nooe, ndaga nga neo ngana. ³² Abai ba ga go, a m'puo inde bakoga bate Getesemani, na Yeso abe ngodea bagoli nde baae: Boike iya ni a ndambi nde neuba ba ne mema. ³³ Abai a m'beisa a n'kindi naaye, Petelo, Yakobo na Yoani nie, na aba kengetisa ebobo na ngedje. ³⁴ Abae ngodea; Meema mi asusumuki kida la kua, botige ni, na boulilie. ³⁵ Aba go, Naye kala a hobi ego neede gala mosa abae londa na dodo, abai a mema te, abe nanga toana, ndambi nde amo teise bele. ³⁶ A yonga: ABA, Ebha, emali bhulibhu anga toisana angao, otunde ami dholo ami nonga nde! Inda beli inda nde eme iwa ne kondi, owe goe okonde. ³⁷ na abai ba bhia kubhi nde bagoli li bakidi nee, abai ae dhonda na baale, abe ngodea Petelo, Simoni, ole? Indogo ouliligi ndmbi moti! ³⁸ Boulilege, na bo meme, ngaa bongia i assuba ma n'kee, meema li alebei in'ka ngobho li inda na ekanda. ³⁹ baigo basedea, na abai go amema. ⁴⁰ Abai asiana, abaigo ae dhonda go na baale ngaama iso abo aya tiadi. Ngaiba oni inde ba n'sisila. ⁴¹ Abigo asiana n'koba nde isaalo, abi aengodea m'pa bole na bo yombie, iwa m'pa ye ndambili akidi; bolenge, muna banene ba nhobisi anjaga batonde badjede. ⁴² Bome bo gee, bolenge, imbe amo hobisi ahobisigi, ⁴³ Na ndambi ndo, naha naba yonga, abai naba akida Yuda , moti adha bande moko na ibale, na a n'kindi naaye molondo a bato naba kumbi molima na mee, bande baba lolii ba titi ai bae tei nee, na ba sai, na nuno. ⁴⁴ Imbe aya hobisi abai a hangia mogoti: (alama) imbe ama ne mumbia, ande iye; bo n'dhunge, na bo m'bie nee hele. ⁴⁵ Na ndambi nde aya kidi nee, abaya sedea mosa la Yeso, aba yonga te: Labi! na aba mumbia. ⁴⁶ Aba ba kakia njagaa bo angaae aba ba ndunga. ⁴⁷ Na moti angabande ai baiki wa, abudhusa molima li, aba ngota Mokobe nde ma noolii li, na ba senga etuelaae. ⁴⁸ Yeso abae ngodea: Atu bo bhii, sinda ba ungi, na bhedi molima na manga, nga bo mobete? ⁴⁹ Nei esali bhulibhu a meeme aanu, na ne golisa neendu a MOKONGA, nd'aga boi bomo dhungi. Che indo bhulibhu ande ngaa n'saao li a belelele. ⁵⁰ M'pa bobhu aba ba nd'oa Yeso, na tatea. ⁵¹ Mulwana moti ( kota) aba m'belea Yeso, naloli a ngobhoae masa selengbe (dalape). Baaba ndunga kota ndo. ⁵² M'pa aba saga ngombe ndaae aba tatea ndumbu. ⁵³ Baa ba mbia na Yeso longoa Kuhani lambe mati, ama ba tulanela ba Kohani li bobhu, ba nuno nde bana Kanisa ba sai. ⁵⁴ Petelo, aba m'belea Yeso na bhia dholo mpaka ngia la na n'senge a endu aba Kohani li, aba ika na ba sikpakpa na baota in'sa. ⁵⁵ ba omi aba Kuhani na ba homia n'tua lambe mati baaba kabaga masitaki nga bamoe, bodhemu li aba bolana. ⁵⁶ Anga ma bato ba ngaya ai ba gesabodhemu a mbea angaae, m'pa bodhemu nde indai atulana. ⁵⁷ Bimoti ab'aiba ma, na aba ba bhia na bodhemu a mbea anga Yesu, abai ba yonga: ⁵⁸ Adhuma beoki nayonga te: neuma ne gbola endu a MOKONGA inde bato ba hii na ndjaga, na auma ne tumisa a kiia isaalo inde ndjaga n'to inda bhedei. ⁵⁹ Na ngee akida la iwa bodhemu aabo ndagai a kokani. ⁶⁰ kohani lambe mati abama ameeme batoli na ulisa la Yeso, indogo na yonga nde omo sisila? Ema isina yeu bande ba yonga angao? ⁶¹ Yeso aba dhaa, indaga ya sisi yonga kohani la homi li aba mulisa go, aba yonga onde klisito, muna an'telekisi? ⁶² Yeso aba n'sisila: eme nende iye! na auma bomona muna n'to naiki a njaga li nd'akpe nda MOKONGA na bhia a ebundu nda na kobha. ⁶³ Kohani lambe mati aba bhoma ngombe ndaae, aba yonga: Beha go na sei a bodhemu? ⁶⁴ Booki bootani ndo. Boaki nde boni? Bobhu aba ba akela kukua. ⁶⁵ bande batoo aba ba n'suila soi, na dega la isoae, na beta laae n'kihi, naba ngodea: Oubhilile n'to ao beti. Ba sipkakpa baa ba m'beisa Yesu na beta (Kokoa) laae kofi. ⁶⁶ A mbeno ndo, Petelo ai m'paso a n'sengeli, aba bhia beeli mokobe laa n'ke nde ma Kohani lambe homi (mati). ⁶⁷ Aba nenga Petelo naota n'sa, aba nengelela Petelo aba yonga: Oe kengi bande bai ba tamba na Yeso nde ma Nazaleti. ⁶⁸ aba kooma, na yonga ate: Inda neeubha, inda neoka inde okaba yonga. Ta mbusa indo aba hoba na n'tanga agala na m'pume la indeede. Na koko li abai aosa, kokolioko. ⁶⁹ Mokobe la n'ke, aba mona Petelo, abetomila go bande bai beli, n'to nde ande moti angabo, petelo aba ngana go. ⁷⁰ Mbus ndambi neede bande bai beeli, baaba ngodea Petelo: domi domi, onde moti angala bagoli ngaa onde mbe ma Galilaya. ⁷¹ Petelo aba wanja yonga na n'sela: Inda ne mubha n'to nde bo n'kumia ndo. ⁷² M'pa angendo li nde ibale, koko aba osa, na Petelo abai akanisa yonga nde yeso ai meno a ngodei: Mosa la kokoli aose gendo ibale uoma omo kooma gendo isaal. na mbeno nde ai akanisi yonga ndo abai agama.