¹ Mbeno nde Yeso aya hobi asuba boyoni, moti adha ba goli nde baae aba ngodea: Ngolisi, olenge ete, na ehia nde! ² Yeso aba n'sisila: olengi adha ehia nde? Inda tiga le ete a n'tata ete, ine nda atalokana gbolana. ³ Abai aiki a n'tata mamba a Muzeituni mosa la boyoni. na Petelo, Yakobo, Yoane na Ndeleya aba ba hihi a m'pita: ⁴ Oso ngodee, elie sina yonga nde auma ba beli, na emasina wa amaso hangia te ema nde bhulibhu ama kolekana? ⁵ Yeso abaie aengodea: Bolenge helehele, N'to aanon dhemai. ⁶ Ngaa bati bama ba bhia ainami, bayonga: Ande eme. Na bama baedhema bato bati. ⁷ Ndambi nde boma booka mbino a bia, na ndulu a bia, bo susumanai ngaa atoleli indo akide,. M'pa sungila li akidi mbe. ⁸ Leengo ama manana leengo, na eboame na eboame; auma ba be balingina a m'puo angaya ngaya, auma ba be inja. Auma bande kengengetisa la monobo. ⁹ Boolemge benu bameene.bama banoga nee ama kebu, na bama ba no gaa nee a n'tua nda na Sinagoge, bama ba no tondisa mosa la bande batiti na mosa la baame, ngaa eme, ngaa hangiana la bodhimo aanga bo. ¹⁰ A kengetisa li atoleli bae ngodee bato li bobhu yonga la budjeme. ¹¹ Ndambi nde bama ba no gaa nee gaa hobisa laanu, botekatekai mbea ainde bonga boyonga, boyonge goe nde inde anga baopa andambi ndo; ngaa indaga mande benu wama boyonga inde goe meema aabhu. ¹² Yeli ama nhobisa dhaae akua, na Ebha naae; bani bama bae manisa ba bhaabo, na bama bae ola. ¹³ Bobhu bama bano koma, ngaa ina ami, m'pa imbe ama alenda kida la sungila ama lama. ¹⁴ ndambi boma bolenga bicholocholo nde nda toleli a m'puo nde ndanga ba beeli, imbe agola alengele hele, na bande bama baika Yudea batele na mamba. ¹⁵ Imbe auma ba n'tondo akindai na angiai a beisa la ema a suba enduaae; ¹⁶ na imbe auma ba na tio asianai mbusa ngaa beisa la ngombe. ¹⁷ Boanya anga bake nde bauma ba na leme, na banmde bauma ba ungisa aelie ndo! ¹⁸ Bo meme ngaa yonga nde a hobelai a esa la heo. ¹⁹ Ngaa monobo, a eli ndo, auma ba biande ai na ahobelimbe meno toa la kengetisa la leengo nde MOKONGA ai a telekisi kida la ndiende, na inda uma ba beeli. ²⁰ Na, abe MOKAMA nde masu naindai a ngbumisi elie ndo, indainga ba beeli n'to nde alama, M'pa ai ae ngbumisi, ngaa sombola nde ai ae somboli nee. ²¹ Abe yeli nangaa ano ngodea te: "Klisito aani", nainda bo: "Awaae", boo lebeai. ²² Nga ba Klisito a mbea bama ba hobela na ba bubilili a mbea; ama ba kola aapke na betekoteko nde ae dhema na bande ai ae somboli, abe nanga toisana. ²³ Bobe na boolenga: nei noono ngodei kala bhulibhu. ²⁴ M'pa elie ndo, mbusa monobo ndo, mani ama dja elie, mosela inda uma go adhusa bobhu. ²⁵ Ba lelengoa nde bana kobha bama ba doa na ekanda nde aiki na kobha ama lemanaga. ²⁶ M;pa ama ba mona muna moo na dhidha toa la na Kobha a n'kindi n'ekanda ndaae na ebhebho. ²⁷ M'pa ama aetea ba mangese, nama ae tulanisa bande ai aesomboli toa la moheo ini, toa la sungila la dodo kida la sungila la Kobha. ²⁸ Boo golise bia mee n'kumo. naye n'tabhi 'tabhi ae ae tenigi, na kasa li a tomboi, boba boubha sinda nde agubho aye bhiibhi. ²⁹ Iyu go, ndambi nde boma bo lenga ema ndo na kidi, boubhe sinda nde muna n'to abhibhi, a mpume li. ³⁰ Neeno ngodea domi, Keanda nde ndauma teisa, indo bhuu naindaga akidi. ³¹ Kobhali na dodoli ama teisa, m'pa yonga ndamo indaga uma a teisa. ³² Ainde alengeleli elie na ndambi, n'to nda ubha, nangebe ba mangese nde baiki na kobha, nangebe mii, ande Ebha iya meene. ³³ Boolenge hele, bo ulile, na bo meme; nga ndaga boubha elie ndo ama kida. ³⁴ Amaadja bia moo nde, naye agee tamba, adoa endu aae, abae dolea baunda nde baae inde anga ba kola, a nhangia moti mobili nde anga kola na dhaae aba nhangia mobili ndaae, na aba angodea imbe ma m'pume ate aulilege. ³⁵ Boulile nde, ngaa indaga beubha ndambi nde ngolisi nde maa neendu ama bhia, mbeno egogo, mbeno ameeme akia, mbeno aosa la abha kokolioko, mbeno umauma; ³⁶ bobe na ebobo ngaa aano dhondai na bole, akida laae aano tuisai. ³⁷ Inde noo ngodea, nee ngodea bobhu: Bo ulilege.