1
ऊँई री बजह न हाँऊ पौलुस जो तुस्सा अन्यजाति री तेंइए मसीह यीशु रा बन्धुआ सा ।
2
अगर तुसे परमेश्वरा रे तेई अनुग्रह रे प्रबंधा रा समाचार शुणु सा, जूण तुस्सै री तेंइए मुम्बे धिना सा l
3
मतलब ऐ, कि सो भेद मुं पांधे ज्योति री बजह ना प्रगट हुआ, जेंडा मैं पहले पुरी तरह लिखीया रखीरा ती l
4
जूणी न पौढिया तुस्से पता लाई सका सी, कि हाँऊ मसीह रा भेद कोखे तक समझा सा l
5
जूण होरी-होरी बोक्ते ना माँणहु री संताना बे एण्डा नेई दसु ती, जेंडा कि आत्मा री बजह ना ऐबे तेइरे पवित्र प्रेरिता होर भविष्यद्वक्ता पांधे प्रगट केरे सी l
6
मतलब ऐ, कि मसीह यीशु ना सुस्माचारे री बजह ना अन्यजाति लोका मीरासा न भागी, होर एकी ऐ शरीरा ना होर वायदे रे भागी सी l
7
होर हाँऊ परमेशवरे रे अनुग्रह रे तेई दाना रे मुतविक, जूण तेइरी सामर्था रे प्रभाव अनुसार मुम्बे धिना सा, तेई सुस्माचारे रा सेवक बणु l
8
मुं पांधे जूण सेभी पवित्र लोका न सेभी न होच्छा सा, ऐ अनुग्रह हुआ, कि हाँऊ अन्यजाति बे मसीह रे अपार धना रा सुसमाचार शुणानु l
9
होर सेभी पांधे ऐ गल प्रगट केरणु, कि तेई भेदा रा की प्रबंध सा, जूण सेभी रे बनाणु आले परमेश्वरे शुरू न छुपाईया रखु ती l
10
ताकि ऐबे कलीसिया री बजह ना, परमेश्वरा रा बोहु तरह रा ज्ञान तिन्हा प्रधाना होर अधिकारी पांधे जूण स्वर्गीय स्थाना न l
11
तेसा हमेशा रोहणु आई इच्छा अनुसार, जूण तेइए आसा रे यीशु मसीह पांधे केरी ती l
12
जूणी ना आसा बे तेई पांधे बशाह रखणै री हिम्मत होर बशाह री बजह ना नेड़े ऐणै रा अधिकार सा l
13
तेबैता हाँऊ विनती केरा सा, कि जाए दुःख तुसा री तेंइए मुम्बे होंदे लागे सी, तिन्हा री बजह ना हिम्मत मता छौड़दे, किबैकि तिन्हा ना तुसा री महिमा सा l
14
हाँऊ एसा बजह ना बापू सामणै घुटने टेका सा,
15
जूणी ना स्वर्ग होर धौरती पांधे, हर एक घराने रा नाँ रखिया सा l
16
कि सो आपणी महिमा रे धना रे अनुसार तुसा बे ऐ दान दे, कि तुसे तेइरी आत्मा ना आपणै आंधरै रे माँणहु ना सामर्थ पाइया बलवन्त होंदे जात l
17
होर बशाह री बजह ना मसीह तुसा रे दिला ना बसे कि तुसे प्यारा ना जड़ ढोकिया होर नींव पाइया,
18
सेभी पवित्र लोका सेंघे शोभली गल्ला बे समझणै री शक्ति पाले, कि तेइरी चौड़ाई,होर लम्बाई, होर उंचाई, होर गहराई केतरी सा l
19
होर मसीह रे तेई प्यारा बे जाणी सका सी जूण समझा ना पौरे सा, कि तुसे परमेशवरे री सारी भरपूरी तकर परिपूर्ण होआ l
20
ऐबे जूण एण्डा सामर्थी सा, कि आसा री प्रार्थना होर आसा री समझा ना जादा कौम केरा सा, तेसा सामर्था रे अनुसार जो आसा ना कौम केरा सा,
21
कलीसिया ना, होर मसीह यीशु ना, तेइरी महिमा पीड़ी ना पीड़ी जुगा-जुगा तकर होंदी रोहे l