1
आपणै पिछले बौक्ता न तुसे आपणै तिन्हा अपराध होर पापा री बजहा न मुंऐदे ती l
2
जूणी ना तुसे पहले संसारा री रीती न, होर आसमाने रै प्रधान अधिकारा रै मुताबक चला ती, मतलब तेई आत्मा रै मुताबक बुरे कौम केरा ती, जूण हाज़ी भी हुक्म नी मनणु आलै लोका मौन्झे कौम केरा सा l
3
इन्हा मौन्झे आसे सेभ भी पहले आपणै शरीरा री इच्छा अनुसार ध्याड़े बिता ती, होर शरीरे री होर मने री इच्छा पूरी केरा ती, होर होरी लोका री तरह स्वभावा ना ऐ झीका री सन्तान ती l
4
पर परमेशवरे जूण दया रा धनी सा, आपणै तेई बड़े प्यारा री बजह ना, जूणी री बजह ना तेइए आसा सेंघे प्यार केरू l
5
जेबे आसे अपराधा री बजह ना मुंऐ ती, तेबे आसे भी मसीह सेंघे जिन्दे केरे, (परमेश्वरे री कृपा री बजह न तुस्सा रा उध्दार हुआ सा ),
6
परमेश्वर मसीह यीशु न होईया तेई सेंघे जिन्दे हुऐ, होर स्वर्गीय स्थाना न तेई सेंघै बशाये सी।
7
कि सौ आपणी तेस्सा कृपा न जूण मसीह यीशु री बजाह न आसा पांधे सा, ऐणु आलै बौक्ता ना आपणै अनुग्रह रा जूणी री कोई सीमा नी आथी धन रिहाऊ l
8
किबैकि परमेश्वरै रै अनुग्रह न बशाह री बजह न तुस्सा रा उध्दार हुआ सा, होर ऐ तुस्सा री धीरे न नेई, पर परमेश्वरा रा दान सा l
9
होर ना कौमा री बजह ना, ऐण्डा नेई हुआ लोड़ी कि कोई घमण्ड केरे l
10
किबैकि आसे परमेश्वर रै आसा रै केरने री तेंइए त्यार केरे lबणाऊँ हुन्दै खास लोका सी, होर मसीह यीशु न तिन्हा भले कौमा री तेंइए बणाऐ सी, जूण परमेशवरे पहले ना ओरु ते आसारै करने री तेईऐ त्यार केरै सी ।
11
एथा बजह न याद केरा, तुसै जुण शारीरिक बजह ना अन्यजाति सी, ( होर जुण लोका शरीरा न हौथा न केरूऐदें खतने री बजह न खतनेआलै बोलिया सी, ते तुसा बै बिना खतने रै बोला सी l
12
तूसै लोका तेई बोक्ते मसीह ना अलग होर इस्राइले री प्रजा रै जगह ना अलग केरेदें, होर प्रतिज्ञा रै वायदे रै हकदार नेई ती, होर बगैर आश होर बगैर परमेश्वरा रे ती l
13
पर ऐबे मसीह न जूण पेहले तुस्से दूर ती, मसीह रे खुना री बजह न नेड़े सी l
14
किबैकि सौऐ आसा बे मिला सा, जूणी ऐ दुए एक केरे, होर अलग केरणु आई दीवारा बे जूण मौन्झे ती, ढाली सा ।
15
होर आपणै शरीरा न दुश्मनी मतलब सो व्यवस्था जुणी री आज्ञा बिधि री रीती पांधे ती, खत्म केरी, कि दुई री बजह ना एक नँऊआ माँणहु पैदा केरिया मेल कराले l
16
होर क्रूसा पांधे दुश्मनी खत्म केरिया एता री बजह ना दुई बे एक शरीर बणाईया परमेश्वरा सेंघे मिलाए l
17
होर तेइए एजिया तुसे जूण दूर ती, होर ते जूण नेड़े ती, दुई बे मेल-मिलापा रा सुसमाचार शणाऊ l
18
किबैकि तेइरी बजह ना आसा दुई री एकी आत्मा न बापू आगे पंहुच होआ सा
19
तेबे ता ऐबे तुसे विदेशी या मुसाफ़िर नेई रोहे, पवित्र लोका रे सेंघी स्वदेशी होर परमेश्वरा रे घराने रे हुए सी l
20
होर प्रेरित होर भविष्यद्वक्ता री नींवा पांधे जूणी रे कुणै रा पात्थर मसीह यीशु आपु सा, बनाऐ सी l
21
मसीह ना सारी रचना सेंघे मिलिया प्रभु ना एक पवित्र मंदर बणादें जा सा l
22
जूणी न तुस्सै भी आत्मा री बजह न परमेश्वरा रे रोहणै रा घौर होणे री तेंइए सेंघे-सेंघे बणाईया सी l