इफिसियों 5
1
इनी घांजी अच्छा चाफनीकु गा समान परमेश्वर गा अनुकरण द्य ,
2
येठा प्यार टे नी सेद्राय देगो मासीभी आपे टे भी प्यार के ड ,येठा आले गा घाल्जी हेज हेच्के सुख दायक सुखीन्ज गा घाल्जी परमेश्वर गा समान पेळेच टे बलिदान जीके |*
3
देगो पवित्र कुरुकू गा योग्य होय ,एगो आपेन नी व्यभिचार ,येठा तुनी का प्रकार गा खराबो कामय येठा लोभ गा चर्चा तयान बान होना ;
4
येठा बाकी शेरोम गा ,मूढता गा बातो चिटो गा ,बान मजाक गा ;चोयकी इनी बातो शोभा बान्जू ,वरण धन्यवाद का आजूमे |
5
चोयकी आपे येडेन मालूम होय कि तुनी का अनोवा दोडो ,येठा खराबो कु ,येठा लोभ कोरो गा ,जो मूर्ती पूजा गा बराबोर होय ,मासी येठा परमेश्वर गा राज्यन नी मीरास बाने |
6
जे का भी आपे के बेकार बातो ते धोखा बाकी जीऊ ,चोयकी इनी का कामय गा कारण परमेश्वर गा खिजो आज्ञा यांनी हुकुम बान आजूम मिन्कू लिजेन काल्लाकुवा होय |
7
इनी घांजी आम दिकू गा सतोन बाऊ होय |
8
चोयकी आपे नी पहिल आन्धार दन पोनो आय प्रभुन नी उजाल होय ,अखीरीन :उजाल गा कोण खीज सेन्द्राय
9
(चोयकी उजाल *गा फल सब चीजो टे भलाई ,येठा धर्मी ,येठा सत्य होय ),
10
येठा येडेन अन्द्जोय कि प्रभु के चोच अच्छाह होय |
11
आन्धार गा बुरा कामय ते सतोन बाकी सेने ,वरण दिकू लिजेन उलाहना यांनी नजर डोय |
12
चोयकी दिकू गा ऊखु कामय गा चर्चा भी सेरोम गा बातो होय |
13
पोनो चोटो कामय लिजेन उलाहना यांनी नजर डोयवा होय डी सब उजालन नी घालुवा होय ,चोयकी जो सेबेई चोच का भी घालुवा होय देडेन उजाल होय |
14
इनी कारण देडेन माडीवा होय ,”हे घितीच मिन्कू भिडे येठा घोयन ते जीटाय यु ;डो मासी गा उजाल आमेन लिजेन चमकातिन्जू वा |”
15
इनी घांजी ध्याय टे दोगे ,कि तोनोगो चाल सेन्द्राय वा होय :दिमका बाऊ मिन्कू समान बाकी पोनो बुध्दीमान कु गा समान सेन्द्राय |
16
अवसर के बहुमूल्य समाजतिन्जे चोयकी दिन बुरा होय |*
17
इनी कारण बे दिमका कु समान बाकी टादळा ,पोनो ध्यान टे समाजतिन्जे कि प्रभु गा इच्छा चोच होय ,|
18
दाखरस यांनी अंगूर गा रेसो टे मतलबी मिन्कू बाकी ,चोयकी एन्ते लुचपन पेडोवा होय ,पेनो आत्मा टे भेटे यु ,
19
येठा आपे आपे नी भजन येठा स्तुतिगान यांनी सिसिरीन्जे येठा आत्मान नी सिरीन्जे ,येठा आपे- आपे का मनेन नी प्रभु गा समान सिरीन्जे येठा कीर्तन द्य चाले |
20
येठा सदा सब बातो घाल्जी आले गा प्रभु यीशु मासी गा जीमू टे परमेश्वर बाटे गा धन्यवाद जे चाले |*
21
मासी गा हिगर टे एक दुसरा के इटान टादळे |
22
हे जाप्य कु ,आपण आपण गा साना गा एगो इटान टाद्ळे देगो प्रभु गा |*
23
चोयकी साना जाप्य गा कापर होय देगो कि मासी कलीसिया गा कापर होय येठा स्वंय का कोबोर गा उध्दार द्य वा होय |
24
पोनो देगो कलीसिया मासी गा इटान होय , एगो का जाप्य कु भी हरेक बातोन नी आपण आपण गा साना गा इटान टाद्ळे |
25
हे साना ,आपण आपण गा जाप्य कु ते प्यार रे देगो मासी नी भी कलीसिया ते प्यार डाके हेजा हेच्के जीकेनेच *
26
कि दीय गा वचन गा व्दारा डा के स्नान ते अच्छाके डो पवित्र हरुके ,
27
येठा डीजेन म्या एगो तेजस्वी कलीसिया हरुके हेजा मेरान तेगेन के ,देन न कलंक , बाने झुर्री, बान जे का भी येठा एगो चीजो होय वरण पवित्र येठा निर्दोष होय |
28
इनी खीज अच्छा होय कि साना आपण आपण जाप्य ते आपण कोबोर गा समान प्यार डोय |जो आपण जाप्य ते प्यार डोय नी होय देडेन हेज हेचते प्यार डोयवा होय |
29
चोयकी जे का भी नी आपण कोबोर ते खिजो बान दोडो वरण कलीसिया गा सतोन होय |
30
इनी घांजी कि आले नी दियगा कोबोर गा हिसा होय |
31
”इनी कारण कोरो आपण आंटे – बाटे के आराटे आपण जाप्य गेलना नी टादळवा येठा दिकीन्ज म्या तन नुवा होय |”*
32
येडेन भेदो खाट होय ,पोनो येडेन मासी येठा कलीसिया गा बारेण नी माडीवा होय |
33
पोनो आपेन ते हरेक म्या आपण जाप्य ते आपण समान प्यार डोयवा ,येठा जाप्य भी आपण साना गा हिगर होना |