इफिसियों 4
1
इनी घांजी इंज जो प्रभु नी टोल्के होय आपे टे बिनती वा होय कि डी हाको टे आम के हाको के मी ड , दीय गा योग्य यांनी कबिल टे चाल सेंद्राय ,
2
मतलब पुरा दिनता येठा नम्र सहित ,येठा धीरज यांनी आरम्बोते प्यार टे म्याकोम बारखोम गा सैन्ज ;*
3
येठा मिलतीन्जू गा बंधनेण नी आत्मा के म्या जगन दोडो गा खोशिष द्य |
4
म्या का कोबोर होय , येठा म्या का आत्मा होय ,देगो आपे के जो हकोजेमी ड ,आपण हाको टे म्या का आशा होय |
5
म्याकोम का प्रभु होय ,म्याकोम का विश्वास ,म्या का बपतीस्मा ,
6
येठा सेबेईकू गा म्या का परमेश्वर येठा बाटे होय ,जो सेबेईकू गा मटान येठा सेबेईकू गा तलान नी येठा सेबैगेन नी होय |
7
पोनो आले टे हरेक म्याकोम के मासी गा दान गा अनुसार टे परिणाम गा अनुसार का आशीर्वाद ,डो दया घाट्के होय |
8
इनी घांजी देडेन माडीवा होय :”देडेन खाट मटानपेळेन ड येठा ऊटा यु कु डो तोलजे कु ,येठा कुरुकू के दान जीके |”*
9
(दीय गा पेळेचटे ,येठा चोच घाट्य वा होय केवल येडेन कि देडेन पृथ्वी गा इटा जगन नी अगुरुके ड |
10
येठा जो अगुरुके ड येडेन डिच का होय जो पुरा बाद्ळा टे मटान पेळेन ड कि सेबाई चोच का भी परिपूर्ण डाय )
11
डिच नी आडकू के पेरीत हारकु कू ,येठा आडकू के डो डो मिठाच येठा जे के घाघल घाल्जी कलम के नेच डो जीके ,
12
डिय टे पवित्र कुरुकू सीधा यु येठा सेवा गा कामय द्य ,येठा मासी गा कोबोर घाट्यू ,
13
जब तयान कि आबू सेबाई कु सेबेई विश्वास येठा परमेश्वर गा कोणटे गा चीनाऊन नी म्या जू बाकी ,येठा म्या सीधा कोरो बाकी हरुजू येठा मासी गा पुरा दिल – डौल तयान बाकी बाळतिन्जू |
14
ताकी आले समान नी सानी बाकी टादळाजू जो कोरो गा ठग –विघ्घा येठा चाताराय ते , दिकू गा गलता गा कोरो गा येठा हरेक घाघल लेन म्या झोकण टे ऊचवा येठा इगा – ऊगा हिदिळीवा होय |
15
वरण प्यार रेन स्च्चो टे सेन्द्रा डोन सब बातोन नी डीजेन जो कापर होय, मतलब मासी न नी समान सेने ,
16
देन टे पुरा कोबोर ,हरेक म्या जोळ गा मदद टे म्या सतोन बेलाटे येठा म्या सतोन बेलाटे ,दे बराबोर गा अनुसार जो हरेक म्या कोबोर गा अच्छा – अच्छा कामय दडा गा व्दारा डीजेन नी डऊ वा होय ,हेज हेच्के नी समान सेनेवा होय कि देडेन प्रेम यांनी प्यारेण नी बाळतिन्जे |*
17
17इनी घांजी इंज येडेन माडीवा होय येठा प्रभुन नी मदद द्यवा होय कि देगो अलगो जातो गा कुरुकू हिकुगा मन गा गलत रितो लिन्ज टे सेन्द्रा वा होय ,आम नी आय टे डबोल टे एगो बाकी सेन्द्रा |
18
चोयकी दिकू गा बुध्दी अंधारायन होय ,येठा दिकू गा मन गा खिजो गा कारण डिच नी परमेश्वर गा जीवन टे अलगोयन होय ;
19
येठा दिकू सुन्न यांनी कायोम जे डो लुचापन लज्जे होय कि सेबेई चीजो गा गन्द्द कामय लालीचो टे |
20
पोनो आम नी मासी गा एगो शिक्षा बान इठू दुका |
21
वरण आपे नी सच्चो का डिय का आजूम के येठा ,देगो यीशु नी सत्य होय ,डिच का इठू केमी भी
22
कि आम टाऊ गा चाल चलन के जुना कोरो के जो बेबाखतिन्ज मिठाच अभिलाषा गा अनुसार लालीचो वा होय ,डी के भूल्य*
23
येठा हेजा मन गा आत्मा गा स्वभाव नी उनाई हरोय ,
24
येठा उनाई कोरो के उनाई कोरो के हरोयच जो परमेश्वर गा अनुरूप सत्य गा धर्मी येठा पवित्रन नी हरुके होय |*
25
एनी कारण ळबोळा माडी आराकी हरेक म्या आपण मेरा यांनी पडोसी टे सच्चो माडे ,चोयकी आबू आपण पापण नी म्याकोम बारखोम गा म्या कोबोर होय |*
26
खिजोय नी ,पोनो पापो बाकी दाड ; सूर्य यांनी गोमेच नमुरू टाके आपे गा खिजो बाकी टादळा जू ,*
27
येठा बान शैतान *के अवसर जे |
28
चुचीरी मिन्कू डबोल टे चुचीरी बाकी ,वरण अच्छा कामय दडान नी आपण टी ते महेनता दे , इनी घांजी कि जेन जिऊ गा होय डिच के जिऊ गा दियगा मेरान चोच का होय |
29
तुनी का गण्द्द बातो आपे गा चबुते बाकी ओटा ,पोनो जरुरात गा टेमोन देडेन डी का जो अच्छा गा घांजी अच्छा का होय ,ताकी देन्ते आजूम मिठाच ज लिजेन अच्छा लागतिन्जू होय |
30
परमेश्वर गा पवित्र आत्मा के भूरा बाकी माडी ,देन्ते *आपे लिजेन आरगु दिनेन गा घाल्जी निशाण जीके होय |
31
सब चीजो गा कटीच चीजो ,येठा प्रकोप यांनी बदल येठा खिजो ,येठा कलह ,येठा कुरूकुरू ,सब भेद भाव खिजो ,डी पुरा के आपे नी लकिंने |
32
एक दुसरा के लिजेन दया येठा करुणामय होय ,येठा देगो परमेश्वर नी मासी नी आपे गा गुण के माफी के ,देगो का आपे भी एक दुसरा गा गुण के माफी केच |*