इफिसियों 3
1
इनी कारण इंज पौलुस जो आपे अलगो जातो कू गा घाल्जी मासी यीशु नी तोलके होय?
2
अगर आपे नी परमेश्वर गा डी आशीर्वाद गा प्रबंध गा समाचार आजूम के होय ,जो आपे गा घाल्जी इंचे जिले होय
3
मतलब येडेन कि देडेन भेद यांनी ज्ञान बुध्दी इंज लिजेन उजाल गा व्दारा टे द्यान , देगो इंज पहिल का संक्षेप यांनी पान्ना नी वोलके होय ,
4
देन टे आपे नी पळातिन्जटे चिन्या सकतावा होय कि इंज मासी गा देडेन भेद यांनी ज्ञान बुध्दी टोदे तयान समाझ तिन्जू वा होय |
5
जो बेकार टेमोन नी कोरो गा कोणटे गा एगो बान घालदु का ड ,देगो कि आत्मा गा व्दारा आय दियगा पवित्र प्रेरित येठा भविष्य मिन्कू लिजेन जीके होय |
6
मतलब येडेन कि मासी यीशु नी सुसमाचार गा व्दारा अलगो जातो गा कुरुकू मीरास नी ओले ,येठा म्या का कोबोर रेन येठा टाथरा लक्के दन होय |*
7
इंज परमेश्वर गा अशीर्वादगा डी दान गा अनुसार ,जो दीय गा सामर्थ्य गा बराबोर गा अनुसार इंचे जिले होय , डी सुसमाचार गा पुजारी हारोयन |
8
इंज लिजेन जो सब पवित्र कुरुकू टे सानी टे भी सानी होय , येडेन आशीर्वाद जिले कि इंज अलगो जातो गा मासी गा अगम्य गा धन गा सुसमाचार घाले ,
9
येठा सेबेय कु लिजेन एनेन बातो घाले कि डी भेद यांनी ज्ञान बुध्दी गा प्रबंध मतलब चोच होय ,जो सेबेयई कु गा सृजहार यांनी हरू मिठाच परमेश्वर नी आधा टे ऊखु खे ड |
10
ताकी आय कलीसिया गा व्दारा ,परमेश्वर गा अलगो – अलगो प्रकार चीजो गा बुध्दी डी प्रधान येठा अधिकार लिजेन जो स्वर्ग गा जगन नी होय ,जे चले |
11
डी कोणटे कोरो गा अनुसार जो डिच नी आले गा प्रभु यीशु मासी नी डके |
12
देन नी आलेके दे लिजेन विश्वास दाड टे साहस यांनी हिंमत येठा भरोस गा सतोन परमेश्वर गा मेरान हेजे गा अधिकार होय |
13
इनी घांजी इंज बिनती बा होय कि जो दु:ख आपे घाल्जी इंजेन दौऊ लक्के होय ,दिकू कारण साहस यांनी हिंमत बान आरदुक ,चोयकी देन नी आम गा माहिमा होय |
14
इंज इनी कारण डी बाटे गा समान टोपेरे जेगा य वा होय ,
15
देते स्वर्ग येठा पृथ्वी लिजेन हरेक म्या*उरा गा जीमू डोयवा होय ,
16
कि देडेन हेजा माहिमा गा धन गा अनुसार आपे के येडेन दान जे कि आपे दियगा आत्मा टे आपण तला गा कोरो यांनी आत्मा के नी सामर्थ्य जे बलवंत हरोच ;
17
येठा विश्वास गा व्दारा मासी आपे गा ह्र्दय यांनी दिलेन नी यादोच कि आम प्यार रेन नी जाळी ऊटाते येठा इटान गळातिन्चते ,
18
सेबेय पवित्र कुरुकू गा सतोन अच्छा – भाल गा समाज तिन्जू गा शक्ति घाट्य कि दीय गा चौडा ,येठा लम्बा , येठा ऊचा , येठा गहर चोटो होय ,
19
येठा मासी गा डी प्यार के चिन्या जो बुध्दी टे भेटीके होय कि आपे परमेश्वर गा पुरा भरपूर तयान परिपूर्ण यु |
20
आय जो एगो सामर्थ्य होय कि आले गा बिनती येठा समाझ तिन्जू टे चोटोक घोनेच कामय दय सकतावा होय ,डी सामर्थ्य गा अनुसार जो आलेन नी कामय द्यवा होय ,
21
कलीसिया नी येठा मासी यीशु नी दियगा माहिमा पिढी टे पिढी तयान युगायुग द्यू |आमीन |