इफिसियों 2
1
डिच नी आपे के भी जीटा केमी जो आपे गा गुनेगार येठा पापो गा कारण घोयन ड
2
देन नी आपे पहिल इनी दुनिय गा रितो लिजेन , येठा बाद्ळा गा अधिकार गा हकीम यांनी सेबेया कु टे खाट मतलब डी आत्मा गा बराबोर सेंद्रा ड , जो आय भी आज्ञा यांनी बाण आजूम मिन्कू नी कामय दडा वा होय |
3
इनकून आले भी सेबेय टे सेबेया कु पहिल हेजा कोबोर गा लालीचो नी दिन बितातीन्जे ड , येठा कोबोर गा येठा मन गा इच्छा के पुराय ड , येठा अलगो कुरुकू गा खिज स्वभाव का ड डो खिजो गा कोण ड |
4
पोनो परमेश्वर नी जो दया गा धनी होय ,हेजा डी खाट प्यार गा कारण देण्ते डिच नी आले टे प्यार के ,
5
जब आले गुनेगार गा कारण घोयन ड डो आले के मासी गा सतोन जीटा के मी (आशीर्वाद टे का आपे गा उध्दार द्यान होय ,*
6
येठा मासी यीशु नी दीय गा सतोन त्युलजेनेच , येठा स्वर्ग गा जगन नी दीय गा सतोन सुबानकेनेच
7
कि देडेन हेजा डी कृपा टे जो मासी यीशु नी आले लिजेन होय ,हेजेमिठाच गा टेमो नी हेजा का आशीर्वाद गा धन घाल्ले |
8
चोयकी विश्वास गा व्दारा आशीर्वाद टे का आपे गा उध्दार द्यान होय ;येठा येडेन आपे कोणते बाऊ , वरन परमेश्वर गा दान होय ,
9
येठा बाने भोभकातीन्ज गा कारण , एगो बाकी दाऊ कि जे का भी खिजो टाक |
10
चोयकी आबू दियगा हारुके मिन्कू होय , येठा मासी यीशु नी डी भाल कामय गा घाल्जी सृज के नेच डिच के परमेश्वर नी पहिल टे का आबू दडा घाल्जी तैयारकेनेच ड
11
इनी कारण याडोय कि आपे नी कोबोर गा रितो टे अलगो जातो होय (येठा जो कुरुकू कोबोर गा नी टी टे डाके खतन टे जोजोम मिन्कू माडीवा होय ),
12
आपे कुरुकू डी टेमो मासी टे अलगो वा , येठा इस्त्राएल गा प्रजा गा पद यांनी गड्डी टे अलगो के कु , येठा प्रतीग्या गा वाचा गा भागी बाऊ ड ,येठा आशा गा येठा दुनिय नी ईश्वर ड , |
13
पोनो आय मासी यीशु टे नी आपे जो पहिल लाकीन ड , मासी गा पचना गा व्दारा टे मेरान हेके होय |
14
चोयकी देडेन का आले गा मिलतीन्जू होय डिच नी बारखीन्ज केवी म्या जगन जे किन्च येठा अलगो दडा मिठाच गा दिवार के जो तलान ड डिके ऊगुर के
15
येठा हेजा कोबोर रेन बैर यांनी खिजो मतलब देडेन रितो देगा हुकुम के विधियो गा रितो लिजेन ड ,ऊतूर के कि बारखीन्ज टे हिकून नी म्याकोम के ऊनई कोरो के उत्पन्न यांनी ऊनई टे बेलाके नेच ,*
16
येठा क्रूस लिजेन खिजो के नशो के नेच डो दियगा व्दारा बारखीन्ज के भी म्या कोबोर हरुकेनेच डो परमेश्वर टे मिलातीन्जकेनेच |*
17
डिच नी हेके आम के जो लाकीन ड येठा दिकू के जो मेरान ड , बारखीन्ज के भी मिलातीन्जू गा सुसमाचार घाल्के |*
18
चोयकी दीय का व्दारा आलम के बारखीन्ज के भी म्या आत्मान नी बाटे गा मेरान सेनेवा होय |
19
इनी घांजी आम आय दुसरा यांनी आजनाबी येठा मुसाफिर बाऊ होय ,पोनो पवित्र कुरुकू गा संगी यांनी सतोन स्वदेश येठा परमेश्वर गा ऊरा गा होय |
20
येठा प्रेरित येठा भविष्य मिठाच गा पक्का होय , डेगा कोण गा घोट मासी यीशु स्वयं होय ,हरुकेनेच होय |
21
देन नी पुरा रचना म्या सतोन बेलाते प्रभु नी म्या पवित्र मन्दिर हारुवा होय ,
22
देन नी आम भी आत्मा गा व्दारा परमेश्वर गा निवास स्थान यांनी म्या उनाई जगन हारू घाल्जी म्या सतोन हारुवा होय |