इफिसियों 6
1
हे चाफनिकू ,प्रभुन नी आपण आंटे – बाटे गा आज्ञा यांनी माडी आजूमे चोयकी येडेन अच्छा होय |*
2
”आपण आंटे येठा बाटे गा आदर डोय (येडेन पहिल आज्ञा होय दे गेलना वादा भी होय )
3
कि आम गा भला द्यू ,येठा आम वाटेन लिजेन घोनेच दिन टायन जीटा का टाद्ळाकू |”*
4
हे चाफनिकू मिन्कू ,आपण चाफनिकू के खिजो बाकी जीऊ ,पोनो प्रभु गा शिक्षा येठा दिकू के समाजतिन्जकू डो दिकू गा पालन पोषण द्य ||*
5
हे दास कु ,जो कुरुकू इनी दुनियान नी आपे गा स्वामी होय ,आपण मन गा सीधा टे हिगर दोन येठा कापतीन्जू दोन देगो मासी गा एगो का दिकू गा भी आज्ञा मानतीन्जे |
6
कोरो के खुशोवा घाल्जी गा मिन्कू के समान दुगु घाल्जी सेवा बाकी दाडा पोनो मासी गा दास गा समान मन टे परमेश्वर गा इच्छा लिजेन टे सेन्द्राय ,
7
येठा डी सेवा के कोरो गा बाने पोनो प्रभु चीन्ते सच्चो ह्र्दय या मन टे द्य |
8
चोयकी आपेन मालूम होय दास या चाहे स्वंतत्र ,प्रभु टे देगो का घाटऊ वा |*
9
हे स्वामी आम भी धमकी जीऊ आरकी डो दिकू गा सतोन देगो व्यवहार रे ;चोयकी आमेन मालूम होय कि दियगा डो येठा आम गा बारखीन्ज गा स्वामी स्वर्ग नेच नी होय येठा देडेन जे का भी पक्ष बान सा|*
10
इनी घांजी प्रभु न नी येठा दियगा शक्ति गा प्रभाव नी टाखत मिठाच हरोय |
11
परमेश्वर गा पुरा हथिहार तोल्जोम कि आपे नी शैतान *गा लदाई गा समान तेगेन गा हिमंत कु |
12
चोयकी आले येनेन मल्लयुध्द पचना येठा जीऊलु टे बाने पोनो प्रधान कु टे येठा अधिकारी कु टे ,येठा इनी दुनिय गा आन्धार गा हाकिम टे येठा डी दृष्ट गा आत्मा सेना कु होय जो बाद्ळण नी होय |
13
इनी घांजी परमेश्वर गा पुरा हथियार तोल्जोम कि आपे बुरा दिनेन नी समना द्य या ,येठा सब चोच का भी पुरायू डो स्थिर टादळकु |
14
इनी घांजी सत्य टे आपण मायक तोलते ,येठा धर्मी गा झीलम उरीते ,*
15
येठा नंगा नी मेलो गा सुसमाचार गा तैयारी गा बुटा उरीते ;*
16
येठा इनी सब गा सतोन विश्वास गा ढाल साटे स्थिर टादळ कु दे टे आपे डी द्रुष्ट गा सब जुलू मिनी के तीर के इरीजे |
17
येठा उध्दार गा तुपी ,येठा आत्मा गा तलवार ,जो परमेश्वर गा वचन होय ,साजोम |*
18
हर टेमो नी येठा हरेक प्रकार टे आत्मान नी प्रार्थना ,येठा बिनती दाय चाले ,येठा इनी घांजी झटा तद्ळे कि सब पवित्र कुरुकू के घांजी लगातर बिनती डाय चाले ,
19
येठा इंज घांजी भी कि इंचे माडी गा टेमोन एगो अच्छा वचन जिली कि इंज धीरज गा सतोन सुसमाचार गा भेदो घाघल गा हिंमत हेजू
20
दे घाल्जी इंज साखळी टे टोलके राजदूत होय ;येठा येडेन भी कि इंज दीय गा बारेण नी देगो इंजेन होना धीरज टे माडे |
21
तुखीकुस ,*जो प्रिय दाई येठा प्रभुन नी विश्वास योग्य सेवक यांनी पुजारी होय ,आम के सब बातो घालेवा कि आम भी इंज गा दशा यांनी चाल येठा स्वाभाव के चिन्या कि इंज चोफार टाद्ळवा होय |
22
डिच के इंज नी आम मेरान इनी घाल्जी कुलकेनेच होय कि आम इंज गा स्वाभाव के चिन्या ,येठा देडेन आम गा मन के शांती घाट्यू |*
23
परमेश्वर बाटे येठा प्रभु यीशु मासी गा कोणते दाईचो के शांती येठा विश्वास सहित प्यार घाट्यू |
24
जो आले गा प्रभु यीशु मासी टे सच्चो प्यार डोय वा होय ,दिकू सेबेई कु लिजेन आशीर्वाद घाट्यू |