1
अत्ते किजोकि असी यीशु मसीह बिच हिन इधेरे तांई परमेश्वर ने असा जो मसीह कने ई फिरी जिंदा कित्तेया अत्ते कने ई स्वर्ग रे सिंहासन बठाया।
2
ताकि आणे वाळे हर जुग बिच से अपणी उस दया कने जे मसीह यीशु बिच असा पर है अपणे बड़े जादा धन जो दिखांन।
3
परमेश्वर री दया कने अत्ते विस्वास री वजह कने तुम्हारा उद्धार होया है। एह् तुम्हारी तरफ का नी मिल्लेया, बल्कि एह् ता परमेश्वर रा वरदान है।
4
एह् म्हारे कम्मां रा नतिजा नी है कि म्हारे जो इस पर फक्कर हो।
5
किजोकि परमेश्वर ने म्हारी कारीगिरी कित्ती है। उस ने यीशु मसीह बिच म्हारे जो इधेरे तांई बणाया कि असी नेक कम्म करन जिन्हा जो परमेश्वर ने पैल्ले ई त्यार इधेरे तांई कित्तेया कि असी उन्हा जो करन।
6
इधेरे तांई याद रख्खो, जे अपणे सरीर बिच लोकाँ रे हत्थां का कित्ते गे खतने री वजह कने अपू जो “खतनेवाळे” बोलदे हिन, होरसी जाति रे रूप बिच जम्मे तुसी लोकां जो “बगेर खतना वाळे” बोलदे थिय्ये।
7
उस बेल्ले तुसी बगेर मसीह रे थिय्ये, तुसी इस्त्राएल री बरादरी का बाहर थिय्ये। परमेश्वर ने अपणे भक्तां जो जे वचन दित्ते थिय्ये उन्हा पर निर्भर वाचा का पखले थिय्ये।
8
अपण अवे तुसां जो, जे कदी परमेश्वर का बड़े दुर थिय्ये मसीह रे बलिदान री वजह कने यीशु मसीह बिच परमेश्वर का लियाया गेया है।
9
यहूदी अत्ते गैर यहूदी इक-दूय्ये कने नफरत करदे थिय्ये अत्ते बखरे होई गे थिय्ये। ठीक इय्यां जिय्यां तिन्हेरे बिच्च कान्द खड़ी हो। अपण मसीह ने खुद अपणे सरीर रा बलिदान देई करी नफरत री उस कान्द जो ढाह्ई दित्तेया।
10
उसने इदेयाँ ताँ कित्तेया जां अपणे पूरे नियमां अत्ते विधिया जो खत्म कित्तेया। उसने एह् इधेरे तांई कित्तेया कि से अपणे बिच इन्हा दोनां जो ई इक बिच मिलाई सकन। अत्ते इस तरिक्के मेल कराई देंन। सूळी पर अपणी मौत रे जरिये उस ने उस नफरत रा खात्मा करी दित्तेया। अत्ते उन्हा जो परमेश्वर कने उस इक सरीर बिच मिलाई दित्तेया।
11
अत्ते सूळी पर अपणी मौत रे जरिये नफरत रा खात्मा करी के दोनां जो इक जिस्म बणाई करी परमेश्वर कने फिरी मिलाई देंन।
12
उसने आई करी जे परमेश्वर का दूर थिय्ये अत्ते जे तिस का थिय्ये, उन्हा जो सांति रा शुभ-बसेख सुणाया।
13
किजोकि उसेरे ई जरिये इक ई आत्मा का परम पिता तांई असा दोनां री पौंह्च होई।
14
इधेरे तांई तुसी अबे पखले नी रेह् अत्ते ना ई पराये। अपण अवे तुसी पवित्र मह्णुआं रे साझी विदेशी ते परमेश्वर रे टब्बर रे होई गेरे हिन।
15
तुसी इक इदेया भवन हिन जे बसेख दैणे वाळे दूत अत्ते भविशस्यवाणी करणे वाळेया री निय्यां पर खड़ितेरा है। अत्ते खुद यीशु मसीह तिसेरा जरूरी कुणे रा पत्थर है।
16
जिस बिच सारी कारिगिरी इकठ्ठे मिली करी प्रभु बिच इक पवित्र मन्दिर बणान्दी जांदी।
17
जिस बिच तुसी बी आत्मा रे जरिये परमेश्वर रे रेह्णे तांई इकठ्ठे बणाये जाया करदे हिन।
18
इधेरे तांई मैं पौलुस जेह्ड़ा तुसां होरसी जाती तांई मसीह यीशु जी रा कैदी है –
19
अगर तुसा परमेश्वर रे तिस अनुग्रह् रे प्रबन्ध री खुसखबरी सुणेरी हो, जेह्ड़ी तुसां तांई मिन्जो दित्तेया गेया,
20
मतलब ऐ कि से भेद मेरे पर प्रकासन रे जरिए प्रकट होया, जिह्याँ मैं पैल्ले ई छोटा करी लिख्खी बैठ्ठेरा है,
21
जिस जो पढ़ी करी तुसी जाणी सकदे कि मैं मसीह जी रा से भेद कितणा करी समझदा।
22
जेह्ड़ा होरसी बेल्लेयाँ अन्दर मह्णुआं री ओलाद्दां जो इह्याँ नी दस्सेया गेया थिया, जदेह्या कि आत्मा रे जरिए अवे तिन्हेरे पवित्र प्रेरिताँ अते भविस्वाणी करणे वाळेयाँ पर जाहिर कित्तेया गेरा है।