¹ I gaɗa wana intu seku,dlam, katanas bai na tarni kun . ² Na zaga na muradakun,miwara na atu i kuma ndak makadoniya.Na ramdikshi akaya akshi hagata tinakshi tun madafun.wanakun ɗawuna gawakshi tufu nakshi, i dlam wana. ³ In na wane di kun yaganaucin gaɗakar wana ja da dlabi vatuku bai,gaɗa kunke kwa dlabi na shiri,kaki mi na rami kun kwa dlami. ⁴ In kasǝn bin,in na ɗagai da kun makadoniya ɗi go i yin,tase kun kwa dlam bin,wa kumu na zhirau,na rama tanke bai gaɗa kun,gaɗa i na katanas i aɗa kun. ⁵ sei naiki dlam blan na dabe yaganaucin da nai i ri kun dede sartu da dlami akshi da dlam saparata i dak bari mi kwa dlam alkawari gu dlam kasǝn ne gaɗa na saparaci sǝrum bari,da kun gǝshakun gayi,gaɗa na ɗawa kun i bari i awayau bai. ⁶ Biwu ata ne nǝn mi zigimu damak nǝn,a karma funcik,nǝn mi zigimu gaɗa dabi barkan a bina barka. ⁷ ndaiva tike da bara kaki mi aci dlam niya i kun gǝshi gǝri kar da bari kaki aci anci baru bai.Ko kabe nda ɗawaci dole.Gaɗa kakasǝku ancu bari na arawi gǝshi. ⁸ Kakasǝku dumana tamke aci a ɗawau kwa sukuni ikun barka,gaɗa fatawanke,i kun be tawanke,kun na duk be mi kwancu,gaɗa kwa sukuni i kun wana blan tawanke. ⁹ Kaki mi nda tarnu ma,aciɓur na birǝɗ gǝri da tarɓu di ndak tluwa,adalta gǝri dam mbasu gara har dumaro. ¹⁰ Aci mi abar zadak i babu zǝgim na sinasin gaɗa bikta,aci ne abaru zada kun da sukuningara gaɗa zǝgim zam da ɗawi karam adalta da sǝkunungara. ¹¹ Kwa bina birǝd da duvu tawanke gaɗa kwadlam dak bari,su kwa a ɗawu nda dlami kakasǝku sambarka darija. ¹² Gaɗa wanatuku a ngumu jiktu ndawa mi go aipu jab bai,amma a sukuna,na "yayu gawa bar sambarka i kakasǝku. ¹³ Gaɗa na kaktliku nda ziganakun i ɗa wanatku.Kwa gidliɓ kakasǝku da ri ladab kun i kun dlam rama labar herr ki masihu.Na gawa bari kun i rikshi na tike duk ¹⁴ Zam akshi ancu lawan kun sartu mi akshi a ta kimana dlamekun magita gaɗa gawa marum herr kakasǝku mi a ɗa kun. ¹⁵ Gdliɓ i kakasǝku gaɗa bar gǝri mi ɗika na bik rama!.