¹ Iyu Bulus na aɗaga na wila kun dari suna aɗa na ankal zada ki masihu ina gauɗak aɗa bai sartu mi na kǝmakun,amman ina awayau sartu mi na aɗa gayi na kun bai. ² Na wila kun sartu mi na kǝma kun,nancu na dlaɓa baci hal bai.Amman i awayau ne na dlabi baci gauɗak aɗa iɗak ndawa mi a tuman ja mbasu i ɗak hal nǝn gayuwa. ³ Ko da ja raƙan i datǝka,ja dlam zha zada ki tǝka bai. ⁴ Gaɗa kare zha mi ja zha na atu baigu,zada ki tǝka bai,i sǝrum sǝn,bikzha ki sǝku mi na kǝrmai kǝn rǝbga kǝrmai kǝn lǝsper.A rǝbguna na duk tlatli ankal mi anina dlagad. ⁵ Ja rǝbga na duk be mi a ni na kuri zigaya sǝku.Ja jiba zadak kuraram tawanke i nye ladab i masihu. ⁶ Ja saparatu naja ja hagati zadak wana tawanke na kur ladab,sartu mi ladabkun mbasungara nǝn. ⁷ Ai ki be mi nda ɗawu i patata i kimakun .In zam ɗagikun, aci ki masihun nǝn,aci da tana kaki mi aci ki masihu jake kasǝn. ⁸ Na dlam fahariya da ri kǝrmai mi mǝnyi dlamija gaɗa ja jauzi kun,bama ja rǝbgǝnakun bai,na kimu zhǝrau bai. ⁹ Nancu da dlama ka,na tlatlikun ankalkun na kakadu mina tarnukun bai. ¹⁰ Gaɗa ndau jigab a rammau ma,kakadu mi aci tarna na kǝrmai ki tlatli ankal,amma in kaikacin ga mawayak .Tilam gǝri bi kǝrumta bai". ¹¹ Ndangu da ziga ma be mi ja ramau i kun tilam kakada mi ja tarnu sartu mi ja riwu bai,ja dlamau kasǝn in ja riwun. ¹² Janibki ada ja na nǝn wambai,ko ja kaktli aɗaja na dak gǝdliɓ aɗakshi.Amman sartu mi nǝn,akshi kaktli aɗakshi gatukshi nǝn,akshi da tatki aɗakshi gatukshin akshi na zigaya bai. ¹³ Duk na kasǝn ja dai ja dlam fariya da ɗaki kaki mi dlam kalkal bai.Sǝrum sǝn,ja dlamu kalkal kaki mi sǝku mpeja akwaja.Akwagu nǝn kun. ¹⁴ Gaɗa ja dikakun bai lokartu mi ja dew i ri kun.Jadadi kun labar herr ki masihu sǝkun nǝn ja. ¹⁵ Ja fahariya gawa bai gaɗa wana ndau bariwa kun da sǝkunyi gaɗa pala wana ja da tlipapunyi lapar bar dadigǝri gara. ¹⁶ Jancu kasǝn,gaɗa jayi na labar herr i nye chidi mi a kǝma na ku kun.Dlam fahariya na wana minda dlami i chidi ɗagi bai. ¹⁷ " Amman nǝn tawanke a dlam fahariya nǝn,da dlamatu i kun mǝgǝnyi". Gaɗa nǝn dlam saida aɗagǝri nǝn atune jire bai,sǝrum sǝn,sǝi dai nǝn mi ba saida dari mǝgǝnyi nǝn.