¹ Natumangu kwa ardata na kun na iyu i kun dlibgǝnu rab.na zigadu kwa ardatu na yu! ² Gaɗa na guru gaɗa kun.guruga ni zadak kǝ sǝku gaɗa kun.Tun da na dlam na alkawar ziba gǝmsǝk gayi na kun .Na dlam na alkawar tatkakun kaki dabaku mi go aipu i masihu. ³ Gaɗa na gafaka i ɗakun da wana nge kaki mi mbikɗa,luvatu Hauwa'u da ri papiya da dlamingara i kuraram da dlagjingara,da ɗa jirewa go aipu ki dlam nakwana i masihu. ⁴ bi misal,in ɗagai de na labar wagirma rama yeso dama na mi ja dlami kun wa'azigǝri nǝn,ko kwa gǝn na nǝnwa sǝku dama na mi wara wa ramun wagǝrmau nǝn,ko kwa gǝn labar herr dama na mi wara ja gǝn nǝn.Arɗa kun mi kwa dlamijandau batadubi? ⁵ Gaɗa na tumangu,iyu ki aku bai i kun ndawa mi nda ɗarau ma marumamin,mawanaucin. ⁶ Ko da nda gagza bai i dak dlam waazi, na buku gugza zigaya bai.da duvu tawanke ja ram di kun tamke idak sǝn. ⁷ Na dlam aipu bi gaɗa na katana aɗaga be bai gaɗa nda getliɓi kun?gaɗana dlam dikun waazik herr sǝku gaɗau. ⁸ Na gumbu be bi da rik nɗak ɗiga gaɗa na dlami kun wana. ⁹ Sartu mi na ɗa gayi na kun na ba aɗaga i kun jiktu,nanpe nǝn wam dukshi bai ,Gaɗa yaganancinga mi dew da makadoniya ngum da duk jituga.Ikun tamke na iyu na aɗaga nampa dukshi i ɗa kun bai.Zam nata kǝma na kasǝn. ¹⁰ Ka ki mi jirewa masihu a kun ga nai,na dlam shiru bai na fariya na sau zam na ta kima kasǝn i kun lardi akaya. ¹¹ Gaɗa gǝmo?Gaɗa nan ci kun bai?sǝku zigadu. ¹² Amman be mi na dlamau,na ta kima na dlamau.Na dlam kasǝn gaɗa na giji na sartu ndawa mi ancu dabi sartu kaki wa idak be mi akshi a fahari na atu. ¹³ Gaɗa zadak ndawa tuku mawanaucin papiya dak jirekǝn.Akshi a dayu na gǝnawa gaɗa ndamakshi i ɗa akshi mawanaucin masihu. ¹⁴ Su bi ajab bai,gaɗa lǝspir ke a ɗayu na gǝnawa da vǝrai kaki malaika ɓayan ¹⁵ Su bi maram ajab bai in guzabcingǝri ɗayu na gǝnawakshi,gaɗa ndamakshin ka akshi guzabcin adalta.Dadigǝrakshi a dlaɓan be mi akshi dlamu. ¹⁶ Na sǝkuna ramau: Nǝn wam da dlama tuman bai ma iyu kakaɓu. ¹⁷ Be mi na ramau i dak dlam fahariya go kalaugu gaɗa intu mǝgǝnyi bai amman na ramau i miyak kakabu. ¹⁸ Gaɗa ndawa gawa a fariya ikun tǝka,iyu ye na dam fariya. ¹⁹ Gaɗa kwa perɗai i ɗa gayi na kakaɓucin kun dak asǝmbi! ²⁰ Zam kwa dlamna kanadi na nǝn mi dew a dawakun i kun gusapuna in dena ɓura-ɓura i gadavakun nǝn a paida na kun gaɗa sukuna aɗagǝri,in mana aɗagǝri aci ɗika na tika nǝn,ko da maskalati kun i gunshakun. ²¹ Na rama sau na zhirau,wa laratu nawa rakata idak dlam sau. ²² Akshi yahudanci bi? iyu ke kasǝn,Akshi kadugu Ibrahim bi? Iyu ke kasǝn. ²³ Akshi guzabcin masihu bi? narama kabena kun ankalgabai,na ɗika na akshi ngum.Na dlama na wana akshi duk i tife dilo na ɗika tike, i nye devu mutu zigir gawa. ²⁴ Da aikwak yahudancin na sa lakodi zigir vaɗ."gumu fuɗu na bi gayi" ²⁵ Nda dlakata 'yu zigir kwan na zawa.Nda vǝrka 'yu zigir gayi na guguwayayin.Na dlam hatsari na sawu am zigir kwan.Na dlam yuwan gayi na nawa gayi ikun gadak anku. ²⁶ Na sa raƙina i kun hatsari ankwakwin,i kun hatsari ki dak pashi,ikun ndaganai,i kun ndawa mi ziga sǝku bai,ikun alkariya,i kun pata,na kun anku,i kun hatsari yaganaucin duk papiya. ²⁷ Na ba aɗaga i kun wana rankata,i kun hal mi tita,i kun diviɗ go yuwan,i kun maya na giji,i kun dlam asham,i kun mama na tǝka gaɗau. ²⁸ Daku jandau mak na dukshi a ɗaga fatawanke gaɗa jiktiwa i dak ndak ɗiga mak. ²⁹ Ga mbotak nǝn tai mi na adlci i mbotu bai?dawa dagai nǝn tai i dlam aibu mi, baka iyu bai? ³⁰ In na dlam fahari nǝn,na dlam fahari idak be mi a tatika rashik gawayuga. ³¹ kakasǝku.Afǝkmǝgǝnyawa yeso,mi bata na gǝdliɓ har dumaro,zigadu na dlam papiya bai. ³² i kun damadka Gwamna mi a gawa i diɗa Aritas dawa nda dlam ɗumar i kunalkariya Damasku,gaɗa nda jiɓaiyu. ³³ Amman nda ɗawe iyu da window ikun daɓur nda rafke iyu dak garu ɗagu,na gumbunga da aikwak gǝri.